آخر المشاركات

+ الرد على الموضوع
النتائج 1 إلى 3 من 3
  1. #1
    عضو متميز جدا

    kermalk غير متواجد حالياً
    تاريخ التسجيل
    Sep 2008
    المشاركات
    7,502

    معوّض خير ياحيٍ تهقوى في الزمـان ومـال


    معوّض خير ياحيٍ تهقوى في الزمـان ومـال
    سنينك لو رقيـت بعدلهـا يطرحـك مايلهـا


    تعلّم وإعرف إن الدرب قدامك سهـل وجبـال
    جبـال تطولهـا وجبـال بعيونـك تخايلـهـا


    ومعوّض خير ياحيٍ وردت الماء بدون حبـال
    يطول بك الوقوف وشربة المـاء ماتحصّلهـا


    وقوفك عند راس البير مايسقيك لـو فنجـال
    ولاينفعك شوف الجمـه اللـي منـت طايلهـا


    ومعوّض خير ياحيٍ خدعك من الرجال أشكـال
    تشوف أشكالها وتحطها أرفـع مـن منازلهـا


    تعلّم من زمانك لاتصير مـن أجهـل الجهـال
    ترى في كل يـوم تجيـك عبـره لاتجاهلهـا


    إذا ربي وهب لك عقل تلقى في الرجال رجـال
    تعرف اللـي يطلّـع قيمتـك واللـي ينزلهـا


    ترى من بعض مايندي الجبين ويحرج الرجال
    لياسـاق الميانـه فـي نفـوسٍ ماتقبّلـهـا


    ومهما شفت في صاحبك من نخوه وطيبة فال
    ترى بعض السجايـا كثـرة الإلحـاح يقتلهـا


    معاريف الرجال ديون وديون الرجـال ثقـال
    لياصرت متعافي ليش تغـرق فـي جمايلهـا


    رصيدك في حياتك سمعتك مع طيبيـن الفـال
    رجال الطيب والمعروف بالمعـروف عاملهـا


    ولاتبدي بجاهـك فـي مقـامٍ مايسـر الحـال
    ولاتشفـع لنـاسٍ ماتنومـسـك بفعايلـهـا


    لياجاتك تعذّرهـا مـدام العـذر لـه مدخـال
    ووقت الجد قول لهـا الصحيـح ولاتجاملهـا


    وخذ منـي نصيحـه لاتصـدق كـل ماينقـال
    يجـرك للنميمـه ليـن يطرحـك بحبايلـهـا


    يجيلك ناقـل النمّـات بهـروجٍ تغـث البـال
    سوالف في قفاك وحظك أطيب يـوم تجهلهـا


    يبـرر بالحميـه والصداقـه شينـة الأفعـال
    يجمّـل صورتـه بعلومـه اللـي ماتجمّلـهـا


    ولو كانت حميه فيك رد المخطيه فـي الحـال
    ولاكان إستمعها فـي قفـاك وجـاك شايلهـا


    ترى من جاب لك ودّى وهذي عـادة النقـال
    يحاول يقتنص من فمك كلمـه لأجـل ينقلهـا


    ومثل ماقال عندك راح عنك وعند غيرك قـال
    وزوّد عشر فوق الكلمه اللـي كنـت قايلهـا


    تجنّب مجلسه لاتجلس إلا مع كريـم خصـال
    تحمّـل ميلتـه وإن ملـت ميلتـك يتحمّلهـا


    ولاتصبر على الجار الردي لوهي ثلاث ليـال
    تضـرك جيرتـه لوكـان بيبانـك تقفلـهـا


    وبيع الدار بأول سومةٍ تعرض علـى الـدلال
    ورزقـك عنـد ربٍ كاتـب اللقمـه وكافلهـا


    وبنتك لاتزوجها الردي لوهـو كثيـر المـال
    تربيهـا علـى الطـالات وتشـوّه سلايلهـا


    وكم من لاش يرمي خيبة إبنه فوق راس الخال
    لوإن الخال من روس الرجال ومـن دلايلهـا


    ليامنك عرفـت تميّـز الطيّـب مـن البطـال
    وفادتك التجارب في الحيـاة وفـي مسايلهـا


    وكشفت الفرق مابين الصحيح وحيلة المحتـال
    وتعلمت الفراسه في الوجيـه اللـي تقابلهـا


    بعد هذي ترى مالك غنى عن صحبة العقّـال
    يدلونـك بـرايٍ ينقـض الدعـوه ويفتلهـا


    يقولون الرجال اللي سوالفهـم حِكـم وأمثـال
    ليامن ضاعت الحيلـه يـدل القـوم عاقلهـا


    نصيحة واحدٍ جرّب وشاف من الزمان اهـوال
    يقدّم لـك خلاصـة هجـرةٍ جـرّب هوايلهـ]

  2. #2
    مشـرف

    عقارب غير متواجد حالياً
    تاريخ التسجيل
    May 2009
    الدولة
    عقارب
    المشاركات
    8,776
    دائما رئع يا كرمالك


    صح ليسانك ولسان الشاعر


    وشكرآ لك


  3. #3
    الصورة الرمزية ريانه
    عضو متميز جدا

    ريانه غير متواجد حالياً
    تاريخ التسجيل
    Sep 2009
    المشاركات
    6,589

    حكم وفوائد رائعه
    شكرا ً كرمالك ..الطيب ما يجيب إلا طيب

+ الرد على الموضوع

المواضيع المتشابهه

  1. اسود زين ونعام الاسيوية
    بواسطة نوء المرزم في المنتدى المنتـدى الـعــام
    مشاركات: 13
    آخر مشاركة: 22 Oct 2010, 06:15 PM
  2. مشكلة عويصه ونظام لايطبق والمشكاة الى الله
    بواسطة ابن الملز في المنتدى المنتـدى الـعــام
    مشاركات: 16
    آخر مشاركة: 05 Jan 2008, 04:09 PM
  3. تعريفات ومعان .. لرموز وعبارات دارجه
    بواسطة المرجوجه في المنتدى منتدى الاجهزة والانترنت
    مشاركات: 4
    آخر مشاركة: 12 Feb 2006, 05:44 AM
  4. رواتب العاطلين تحت الدراسة ونظام الدوامين يبدأ بالمعلمات
    بواسطة سهم جارح في المنتدى المنتـدى الـعــام
    مشاركات: 10
    آخر مشاركة: 30 Aug 2005, 10:20 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك