http://www.youtube.com/watch?v=vueH5ZGvEKM

يالله يـالـمـعـبــود يـــامـــن تـــرجـــاك
مــن فــي زمـانـه ذاق ســم الـمــرارة

الـهـم وســط القـلـب قـاســي وهـتّــاك
ومـن مـر هـمـي زاد دمـعـي غــزارة

لـو عيشـتـي قـبـرٍ وغـطـوك بغـطـاك
ابـرد علـي مـن نـار محـرق شــراره

وش عاد لي بالعيش والدرب مشتاك
كنـي سجـيـن بـجـوف ظلـمـة مـغـارة

يالعنبـوا عيـشـة بـهـا الضـيـم مـشّـاك
احرق حشـاي وجـار والصـدق اداره

وين الرجال اللي على الطيب تنخـاك
اهـل القـلـوب الصافـيـة مــع طـهـارة

ووين الشيوخ اللي عن العيب تنهـاك
وجدي عليهـم وجـد مـن ضـاع ثـاره

قـفّـى زمــانٍ بــه هــلا بــك وحـيـاك
واقفـوا رجـال الطيـب واهـل الوقـارة

هـــذا زمـــانٍ لـلــردي دوم ضـحّــاك
الـلـي بـعـام الفـيـن مـطـمـوس عـــاره

يـســب ذاك ويـشـتـم بـــذاك وبــــذاك
نـســي فـعـولــه بــالــردى وبــقــراره

لا جاك بالمجلس دنى قـرب مركـاك
ولـه فـي كـلام الـزور مكـر ومهـارة

ولا حل بغيابك على الطيـب طريـاك
اعـمــاه بالبـهـتـان واضـفــى بــهــاره

ولا ذاق من جيبك دنى منك واغلاك
ولا راح مـا بالجـيـب غـيّـر مـسـاره

لا تحسب انك فـوق والعيـب منشـاك
مـا مــع طــرارة بالـشـوارع تـجـارة

ولا تحسب ان الطيب غدّى وعشّـاك
تــرى فـعـول الطـيـب عمـقـة بـحـاره

وخـتـامـهــا يالله تــرنـــي بــرجـــواك
ازل خبـيـث الـسـاس واهــدم عـمـاره

#شعر / عمر بن عبدالمحسن