الله يرحمه ويسامحه
اتذكر انه كان صديق خاص لاخوي الكبير وهالشئ كان ماهو من صالحي لانه تقهوى عندنا في يوم من الايام وطلب من اخوي تسجيلي في الحلقه...انا ماكنت اكره الحلقه بس كنت اخاف من الدب الداشر يشلح فلوسي ويشتري فلافل من ابو زياد فيهن..المهم رحت رغما عن انفي للحلقه ...في يوم من الايام اجتمع فينا وقال ياشباب من اللي جاي للحلقه غصبا عنه..قلت ياشيخ ماراح يجاوبونك الشباب لان اهلهم راح يعاقبونهم...قال انا اضمن ان اللي يقول الصحيح ماراح احد يجبره او يعاقبه...قلت له ياشيخ انا ماودي اجي..العصر فتره ذهبيه لنا..لعب كوره في حارة السبعه..المهم قال خلاص انا ابي اصلي المغرب هنا علشانك وابي اكلم اخوك ماراح تجي مره ثانيه...الله يسامحه في ذلك اليوم تعرضت لاول راشدي في حياتي...كذلك راح السيكل علي..كذلك الاتاري ام قيور..كلها بسبب ابو ادريس الله يرحمه..طبعا حقدت عليه وجيت ثاني يوم للحلقه وانا متلطم واللي يشوفني يقول حالق شنبك رهن والا بالخطأ ياحمود..مايدرون ان اصابع ابو عبدالعزيز طابعه على صابري...المهم بسببه حفظنا جزئين جعلها الله في موازين اعماله..
الله يرحمه ويغفر له
