عرض للطباعة
اليوم طبعا اغلب المدارس اقامت حفلات معايده وتوزيع الحلويات
لبست الطالبات ملابس العيد والاكسسوارات الجديده والالوان المزركشه وما الى ذلك
مما لفت نظري طالبتين منطويتين .مع انهما كانتا العكس
فاستغربت :-?
عند سؤالي لهما اجابت احداهن بان ملابسنا قديمة والبنات يضحكون علينا
اتمنى لوكانت حفلة المعايده بدون ملابس العيد يعني بمراييل المدرسة افضل
حتى يكون الكل سواسية ونكون راعينا المصلحة العامة للجميع
وبعض الناس يادوب تلحق على الفسحه اليومية ومستلزمات المدرسة
الا توافقوني الرأي ؟؟؟؟؟؟؟
بالفعل
كلامك صحيح وأنا أوافقك الرأي
[align=center]
بالفعل
كلامك صحيح وأنا أوافقك الرأي
[/align]
وأنا أوافقك الرأي ونتمنى أن تكون االمعايدة في هذه المناسبات بالإبتسامة والتهنيئة لا باللبس والفشخرة وخاصة أن المدرسة لجميع طبقات المجتمع وليست لفئة معينة لعلنا ندرك ذلك في المستقبل
حناء وش طير عقولنا الى الموضه لو خلو المريول شكل واحد كان صرنا بخير
كلام صحيح المدرسه ليست لطبقه معينه ومشكوره يالوجين على الطرح...اقتباس:
المشاركة الأصلية كتبت بواسطة 1100
فعلا اختي الوجين
لكي لاتنكسر خواطر البنات
وفقك الله
فعلا اختي الوجين
لكي لاتنكسر خواطر البنات
وفقك الله
كلام رائع جدا يا الوجين
ياريت يتنفذ عشان يراعون حالات الأسر المحتاجه
وانا اوافقك الرأي..
لاهنتي يالعزيزه
طيب يوم العيد ذولي كيف عيدن..وليه مايداومن بنفس ملابس العيد..العيد فرحه ماهو لبس جديد..اللي تقدرين تسوينه يا استاذه هو تثقيف الطالبات وتوعيتهن وحثهن على عدم السخريه من المظاهر..اعتقد ان الغاء الاحتفال فيه اشبه مايكون للنعامه وطريقتها بحل مشاكلها..
بما ان الموضوع كاتبته امرأه وانا شاب مملوح اكره مناقشة الحريم ياليت يكون الرد من رفحاوي او راعي اللكزس اللي ايدوكم
يعني وش رايكم نلغي العيد علشان مانكسر الخواطر...وش رايك ياراعي اللكزس
اخوي الحبيب المملوح ...
حيى الله هذا القبال المبهج كإنبهاج زهرة قرنفل ...
اخوي لو انفتح المجال لإستعراض الأزياء كان صارت حسرة لأكثر الطالبات ...
قد تستطيع ان تشتري لبنتك فستانا بخمسمائة ريال ولكن لا أجد خمسة ريال لأفطر اولادي ...
فكيف ستكون نفسية بنتي وهي تشاهد بنتك ؟!!
تقبل تحيتي أيها المملوح الأرقط ...
شاكرة لكم ردودكم وصراحه شئ يحز بالنفس فيه ناس كثير ماتقدر تشتري حتى ملابس العيد
وشاكره لك رفحاوي الرد نيابة عني
ياخواني الظاهر ان عدوى مزاين الابل وصلت المدارس ؟؟؟
حرام كسر الخواطر بعضهن مايلقى يأكل 000 وبعدين العيد 1/10 /ولمدة 3 ايام ماهو 8/10/1428
الله يستر لايجيبون العيد :I
اخوي الحبيب بشد الياء رفحاوي ابو ركبه:rollاقتباس:
المشاركة الأصلية كتبت بواسطة رفحاوي
حيى الله هالقبال وحي الله هالشوف اللي ماعندي اطيب من قباله الا معلقات الذبايح وجمع الحطب وجدع النشامى للغتر والطواقي:D
المهم اخوي ابو ركبه المملوح...البنيه اليتيمه او الفقيره تبي تفرح..تبي انها ماتفرق بينها وبين اختها الغنيه شئ..على الاقل باللبس...
الاختلاف بيني وبين الاستاذات الفاضلات هو انهن يقدمن جهد اضافي وهذا ما لا اتفائل بتطبيقه من معلمه سعوديه تعودت على شغاله تربي عيالها...انا ابي معلمه تكرس حب الخير في نفوس الطالبات..تحث الغنيه على عدم جرح مشاعر الفقيره..تحث الفقيره على تقبل وضعها وعدم قضاء جل وقتها بالولوله والنحيب واحلام اليقظه..
هالحين الفقراء يوم العيد وش وظعهم...اكيد بتقول لي يابو رفحاء انهن يلبسن لبس العيد اللي تصدقوا فيه جيرانهن او تدينه ابوهن من محلات العلاوي,.,,طيب وش المانع من انها تلبسه يوم الاحتفال في المدرسه..نفس الثوب...اذا قلت لي يابو ركبه انها يوم العيد ماعيدت فهذي مصيبه كبرى...وفي مثل هالحاله يكون الحل فاي...مابقى الا تطالب انت والمعلمات الفاضلات بمنع صلاة العيد لان فيها تفرقه اجتماعيه بدل ماتحث المعلمات على التصدق للظعيفه من رواتبهن المتضخمه ماشاءالله...
الله يهديك الفكره اللي في بالي عنك انك رجال خمس نجوم..بدل ماتطالب بحرمان الناس فرحتهم طالب الاغنياء بالعطف على الفقراء لمواجهة هاليوم المبروك..طالب المعلمات على عدم قبول مظاهر زائده مثل لبس الذهب او الساعات الثمينه:) ..يعني دوروا اي حل بدل ماتحرمون الطالبات فرحة العيد مع زميلاتهن...انا ادري ان الاخوات الفاضلات ماطرى على بالهن ان هالقرار صادر من علماء نفس كبار ولا ودي اصدمهن بمعلومات صعب عليهن استيعابها عن المردود الهائل نفسيا على البنات خصوصا بنات الفقراء...
فيه مظاهر كثيره ممكن تجرح الفقيره في المدارس منها مطالبة الطالبات بوسائل تعليميه مكلفه او سؤال المعلمه عن احوال الطالبات على الهواء مباشره او استعراض المعلمه ببطولاتها في الاسواق والماركات العالميه...
الرجاء الا فرحة العيد لاتحرمون الناس منها...فرحة العيد في المدرسه وعيش لحظاتها افضل الف مره من عيشها في البيت عند جدتها صعيفيقه وامها ضميانه...
الله يذكر الدب الداشر بالخير لو انه موجود كان عطاكم الزبده
والله انك صادقه
المفروض يمنعون اللبس المخالف
لاوتعالي شوفي بالشتاء؟؟؟ بلاوي
اذا حنا مدرسات يحددون لبسنا شلون الطالبات؟؟
اوافقك الرأي اختي الوجين
وما نقول الا عسى الله يغني الجميع