حفل المعايدة رائع ولكن ........!!!!

[رفحاوي]

اخوي الحبيب المملوح ...

حيى الله هذا القبال المبهج كإنبهاج زهرة قرنفل ...

اخوي لو انفتح المجال لإستعراض الأزياء كان صارت حسرة لأكثر الطالبات ...
قد تستطيع ان تشتري لبنتك فستانا بخمسمائة ريال ولكن لا أجد خمسة ريال لأفطر اولادي ...

فكيف ستكون نفسية بنتي وهي تشاهد بنتك ؟!!

تقبل تحيتي أيها المملوح الأرقط ...

[أبو هيا]

اخوي الحبيب المملوح ...

حيى الله هذا القبال المبهج كإنبهاج زهرة قرنفل ...

اخوي لو انفتح المجال لإستعراض الأزياء كان صارت حسرة لأكثر الطالبات ...
قد تستطيع ان تشتري لبنتك فستانا بخمسمائة ريال ولكن لا أجد خمسة ريال لأفطر اولادي ...

فكيف ستكون نفسية بنتي وهي تشاهد بنتك ؟!!

تقبل تحيتي أيها المملوح الأرقط ...

اخوي الحبيب بشد الياء رفحاوي ابو ركبه

حيى الله هالقبال وحي الله هالشوف اللي ماعندي اطيب من قباله الا معلقات الذبايح وجمع الحطب وجدع النشامى للغتر والطواقي

المهم اخوي ابو ركبه المملوح...البنيه اليتيمه او الفقيره تبي تفرح..تبي انها ماتفرق بينها وبين اختها الغنيه شئ..على الاقل باللبس...

الاختلاف بيني وبين الاستاذات الفاضلات هو انهن يقدمن جهد اضافي وهذا ما لا اتفائل بتطبيقه من معلمه سعوديه تعودت على شغاله تربي عيالها...انا ابي معلمه تكرس حب الخير في نفوس الطالبات..تحث الغنيه على عدم جرح مشاعر الفقيره..تحث الفقيره على تقبل وضعها وعدم قضاء جل وقتها بالولوله والنحيب واحلام اليقظه..

هالحين الفقراء يوم العيد وش وظعهم...اكيد بتقول لي يابو رفحاء انهن يلبسن لبس العيد اللي تصدقوا فيه جيرانهن او تدينه ابوهن من محلات العلاوي,.,,طيب وش المانع من انها تلبسه يوم الاحتفال في المدرسه..نفس الثوب...اذا قلت لي يابو ركبه انها يوم العيد ماعيدت فهذي مصيبه كبرى...وفي مثل هالحاله يكون الحل فاي...مابقى الا تطالب انت والمعلمات الفاضلات بمنع صلاة العيد لان فيها تفرقه اجتماعيه بدل ماتحث المعلمات على التصدق للظعيفه من رواتبهن المتضخمه ماشاءالله...

الله يهديك الفكره اللي في بالي عنك انك رجال خمس نجوم..بدل ماتطالب بحرمان الناس فرحتهم طالب الاغنياء بالعطف على الفقراء لمواجهة هاليوم المبروك..طالب المعلمات على عدم قبول مظاهر زائده مثل لبس الذهب او الساعات الثمينه ..يعني دوروا اي حل بدل ماتحرمون الطالبات فرحة العيد مع زميلاتهن...انا ادري ان الاخوات الفاضلات ماطرى على بالهن ان هالقرار صادر من علماء نفس كبار ولا ودي اصدمهن بمعلومات صعب عليهن استيعابها عن المردود الهائل نفسيا على البنات خصوصا بنات الفقراء...

فيه مظاهر كثيره ممكن تجرح الفقيره في المدارس منها مطالبة الطالبات بوسائل تعليميه مكلفه او سؤال المعلمه عن احوال الطالبات على الهواء مباشره او استعراض المعلمه ببطولاتها في الاسواق والماركات العالميه...

الرجاء الا فرحة العيد لاتحرمون الناس منها...فرحة العيد في المدرسه وعيش لحظاتها افضل الف مره من عيشها في البيت عند جدتها صعيفيقه وامها ضميانه...

الله يذكر الدب الداشر بالخير لو انه موجود كان عطاكم الزبده