بابا فين ؟!

**رفحاوي** · 20 Feb 2005, 11:39 AM

اعتذر بالبداية لاني حطيت هالموضوع بالتسلية والتجارب لسبب بسيط وهو اني مدري وين احطه ...

المنتدى العام زي ما سماه واحد من الشباب منتدى الانتخابات ... قلت بنفسي ما يناسب لي انا ووغداني ... شف غيره.

منتدى الشعر والادب ... برضه صعبه نخرب على الاخوة الشعار والشاعرات منتداهم...

فكرت

وهم فكرت

وبعد تفكير مهو عميق قلت حطه بمنتدى التسلية والتجارب وانحش ...

تفضلوا الموضوع المهم واللذيذ جدا جدا على قلب محاكيكم الكبير :

بيني وبين عيالي روابط غلا وتفاهم وحوار ونقاش هاديء (احيانا يتحول الى ثائر) ... وتعودا اني اكون معهم والعب معهم وخاصة نايف وبشاير (الله يحفظهم كلهم ويصلحهم ويكثرهم)...

دخلت سيارتي عشان يوظبون المكينة وما خلصت الا امس وواعدت واحد من جيراني يودينن للورشة بعد صلاة العشاء ...
صلينا العشاء وجيت للبيت اخذ المحفظة والجوال ... اول ما دخلت جت بشاير (طبشورة) طايرة وامسكه واشيله فوق وهي تضحك ضحكة خوف ... وجاء دور نايف بس ماشلته لانه ما شاء الله عليه ثقيل ...

جيت طالع وتلحقن بشاير وهي تردد : باااه (ما تبينن اروح) .. حبيته وطلعت وتوقعت انه تسكت ... لكن تصوت
باااااااااه
بااااااااااااااه
باااااااااااااه
باااااااااااااه

جلست عند الباب انتظره تسكت ... لكنه طولت وهي تصوت ... صراحة تقطع قلبي من تصويته ولو ماني مستحي من خويي كان رجعت ... رحنا وطلعت السيارة وانا راجع مريت المطعم وجبت مطبق وفول ومعصوب لانهم يحبون المعصوب كثيييييييير.

لكن يوم وصلت لقيتهم نومى ... تقول امه ابلشت بي كل شوي تسال : اينو بابا ؟!! حتى نامت.

اصعب شي على الوالد يفارق عياله ... ووضع الوالدة اصعب واصعب...

الله يصلح عيالنا وعيال المسلمين.

السموحة كان ضايقت احد بهالموضوع.

**شامي الدهيمان** · 22 Feb 2005, 03:29 PM

الله يخليلك بشاير ونائف && وتجيب معصوبه وتصرف عليهم
ويقر عينك بالصغار الولائف && ورب الملا من كل شر يحميهم
وبشورتك تكبر وتسمع طرائف&& ودبدوب ياغرهد يفحط عليهم

تحياتي عزيزي رفحاوي وعسى السيارة ضبط توظيبه اذا ماضبة جبها عندي بالورشة ومالك الا طيبة الخاطر

**ليث** · 23 Feb 2005, 12:56 AM

رفحاوي اقديت وحطيت الماضوع هنا

نتناقر على كيفنا ونحووووس

عموماا ؟؟ شلون معصوب ياااحيف عقب الخميعه اففففففففففاااااااااااا تطورت

وبعدين بشاير الله يصلحا شلون تقول اينو بابا

ماااااااااااااااش مابها بداوه مثربها الرياض

**رفحاوي** · 23 Feb 2005, 08:28 AM

السلهومي

صح لسانك ...

السيارة بالتمرين ومدري عنه ...

عموما ما راح اكسفك ... اذا ضبطت المكينة اجيبه لورشتك يوظبونه مرة ثانية او يوظبون القير ...

الله يسلمك ويوفقك على كلامك الحلو ...

ليث

طيحهم بالمعصوب واحد من عمامهم وجاز لهم ...

مدري من وين جابت بابا ؟!!

بعض المرات تقول يبه لكن ترجع تقول بابا ...

جالسين نعربنه ونقول قولي يبه ... يمه ...

**سهرانه** · 24 Feb 2005, 01:40 AM

وبشورتك تكبر وتسمع طرائف&& ودبدوب ياغرهد يفحط عليهم

الله يخليهم لك رفحاوي لكن بالله عليك هذا تدلييع للبنيه طبشوره بتعقدونها وهي صغيره

سلمت يداك

**رفحاوي** · 24 Feb 2005, 02:08 AM

ههههههههههه

معك حق طبشورة مهو اسم دلع ...
بس هي تنبسط وتضحك ...
فيه مبشورة ...
ومقشورة ...

وان شاء الله تعرسين قريب وتجيبين توم ...
ولد وتسمينه نايف ...
وبنت وتسمينه بشاير ...
عشان تعلمينن بدلع بنتك منشان ادلع طبشورة ...

الحقي عمرك واضغطي على اهلك يزوجونك ...

بانتظار الاخبار السعيدة ...

الله يسلمك ومشكورة عالمرور ...

**الدب الداشر** · 24 Feb 2005, 01:53 PM

ههاها ها ها ها ها ها ها

حجي فرحااوي أتمنى أدرس نايف أبغى أشوف قدرااته

خخخخخخخخخخخخخخخخخخخ

الله يعينكم على بعض

هههههههههههههههههههههههه

**رفحاوي** · 02 Mar 2009, 11:47 AM

[align=center]
دبدوب ...

انقل لرفحاء وانقل نايف لمدرستك ...

[/align]

**سهرانه** · 02 Mar 2009, 01:15 PM

بعد اربع سنين من طلبك حتى ما تعججز البنيه ما تهنت بدلع
بششوره
بشبش
شوشو
بشورة قلبي
بشرى

**رفحاوي** · 02 Mar 2009, 01:54 PM

المشاركة الأصلية كتبت بواسطة سهرانه

بعد اربع سنين من طلبك حتى ما تعججز البنيه ما تهنت بدلع
بششوره
بشبش
شوشو
بشورة قلبي
بشرى

[align=center]
خبرك قديم يا خالة ...

ابشرك البنت تمتعت بالدلع والغلا ...

هالحين صارت بشورة واسطة لاخوانه اذا بغوا شي ...

وجت أروجة وانبسط محاكيك والحمد لله ...

بشري عساك اعرستي وجبتي توم ولد وبنت اسمه بشاير ؟!

[/align]

**ابونايف** · 02 Mar 2009, 11:19 PM

الله يديم المحبة بينكم ...

مشكور رفحاوي على القصة ...

**رفحاوي** · 03 Mar 2009, 01:13 AM

المشاركة الأصلية كتبت بواسطة ابونايف

الله يديم المحبة بينكم ...

مشكور رفحاوي على القصة ...

اللهم آمين ...

تسلم اخوي ابو نايف ...

**حفراااويه** · 03 Mar 2009, 05:48 PM

بسم الله الرحمن الرحيم

الله يخليهم لك ويحفظهم من كل مكروه
ويخليك لهم

بصراحه بغيت أبكي بس مسكت أعصابي

مشكوووووور والله يعطيك الف عافيه
(( واذا فيه أخطاء أملائيه السموحه لاني سريعه بالكتابه))

**ابوليلى الشمري** · 03 Mar 2009, 08:01 PM

رفحاوي طلبتك

ابي ولدك نايف لبنتي ليلي قل تم

وابي اجيب ابو محمد الزوبعي زوره

**رفحاوي** · 03 Mar 2009, 10:09 PM

المشاركة الأصلية كتبت بواسطة حفراااويه

بسم الله الرحمن الرحيم

الله يخليهم لك ويحفظهم من كل مكروه
ويخليك لهم

بصراحه بغيت أبكي بس مسكت أعصابي

مشكوووووور والله يعطيك الف عافيه
(( واذا فيه أخطاء أملائيه السموحه لاني سريعه بالكتابه))

الله يسلمك أختي حفراوية ...

بصراحة ردودك جميلة واسلوبك راقي وإملاءك ممتاز وان شاء الله نكون كسبنا كاتبة كبيرة ...

العفو أختي وحياك الله بمنتداك وبين اخوانك ...

آخر المشاركات

الموضوع: بابا فين ؟!

أدوات الموضوع

تقييم هذا الموضوع

عرض

بابا فين ؟!

مواقع النشر (المفضلة)

مواقع النشر (المفضلة)

ضوابط المشاركة