اول هطـــــــــــــــــــول في منتدى الشعــــــــــــراء ( قصيده بريه )

[ابوعهـــد]

بسم الله الرحمن الرحيم

السلام عليكم ورحمه الله وبركاته

مساكم الله بالخير ياأعضــــــــــاء منتدى رفحــــــــــاء الكرام

هذي قصيده كتبتها وانا ذاهب الى إحدى الديار الشقيقه وفي الطريق تشوف الخباري يمينك ويسارك والربيع

والوناسه والابل والحياه الطيبه فهيضت هذه المناظر نفسي للقصيد فكتبته هذه القصيده

اتمنى أن تنال إعجابكم وإستحسانكم

[poem=font="Simplified Arabic,5,black,bold,normal" bkcolor="sienna" bkimage="backgrounds/23.gif" border="solid,4,darkblue" type=0 line=0 align=center use=sp num="0,black"]
الحرب خدعه وأول الحـرب شيطـان=والعشق بلوه وأول العشـق شوفـه
ونا عشقت الصيد في كـل الاوطـان=لكـان طـرد الصيـد مابـه كلوفـه
بجيبن جديد ٍ محملن فيـه غرضـان=والجيـب الآخـر تاركـه للسفوفـه
جيوب شاص مطربله فيـه شرعـان=مصممه للصيـد وضـرب الجروفـه
لخطيت في ممشـاي نفـد وشعبـان=يقطـع بلـيـا لاتـهـزز كتـوفـه
وخوة نشامى مابهم شخص طفشـان=ولاحتى فيهـم مـن علينـا كسوفـه
عيـال وايـل مشبعـة كـل جيعـان=من حد واشنطـن الـى حـد جوفـه
شجعان خلقه والشجاعه لهـا شـان=وكلن علـى ماقيـل قضـى ظروفـه
نمر راع الذود ونشـرب مـن البـان=البان نوقـن تطـرب اللـي يشوفـه
منها مجاهيمـن ووضـح وشعـلان=وتشوف حتى الصفر زولـن يحوفـه
وتشوف راع الشاص من فوق جيلان=يرقب على نوقـه ويصفـق كفوفـه
فرحان بشوفتهـا ولاهـوب زهقـان=مبعـد عـن الديـره بليـا حسوفـه
وياحظ منهو مالـك اليـوم رعيـان=ويملك مـع الرعيـان ذود معروفـه
ويبعد عن الديره ويبعـد عـن فـلان=ويبعد عن اللـي كـل نفـس تعوفـه
ويطق طنب البيت في رووس جيـلان=بيتن مسوبـع كـل شخـص يروفـه
ودلالن تمركـى علـى شـف نيـران=مبهـره بالعـود وهيـل ٍ بجـوفـه
وتشرب من الفنجال من كف بطـران=بطران منهـو حاكـره مـن كفوفـه
تسلم يمينـك يـاذرى كـل شفقـان=شفقـان فـي دلـه تمخمـخ كيوفـه
في جلسه قمـرا بهـا الجـو فتـان=والضيـف جانـا معلقينـن خروفـه
وبعد العشـاء كلـن تجهـز بقيفـان=وكلن مـن الشعـار يجمـع حروفـه
وبعد القوافي ثارت أصوات شجعـان=وكلن من الشجعان يضبـط صفوفـه
في دحـه يعـرف بهـا كـل ويـلان=يوم الملاقـى ويـوم رد المخطوفـه
وبعد القوافـي والوناسـه والالحـان=كلن فـرش فرشـه ونامـن طروفـه
والديك صوت في تغاريـد واشجـان=ينبـه الراقـد فـي فـرض يطوفـه
وقاموا وصلوا والسفـر مابعـد بـان=وشربوا صبوح الصبح من ضرع نوفه
وبعد الفطور كلـن تمسـك بحـوران=طيـور حـر ٍ مشتهينـن جـزوفـه
وركبوا مواترهم مع صقـور جِدعـان=يبون طرد الصيد وصيـد الخشوفـه
وحتى الحباري شوفها يسر الاذهـان=لقـام حورانـن يـبـاري طيـوفـه
وتشوف خرب ٍ دارجن بين ريضـان=ولاشاف زول الطيـر أخمـر بخوفـه
في ساعة ٍ ترسل صقـور وشيهـان=وتشوف منهو يجدعه مـن سيوفـه
هذي حياه العـز مـن غيـر برهـان=أهل الكرم والجـود يسعـدك شوفـه
وإعدادها صلوا علـى خيـر إنسـان=المبتعـث للخلـق هـادي حلـوفـه [/poem]


وسلامتكـــــــم

اخــــوكم / ابوعهـــــــد العنزي

[أبو الطيب]

اللهم صل على نبينا محمد

صح لسانك أبو عهد الله يعطيك العافية

[ابو عزيز]

صح لسانك

تصوير رائع من شاعر رائع يمتلك التوصيف في الحياه البريه

قصيده تحكي لنا عشق البدو والاصاله العريقه

الشاعر / ابوعهــــد قصيده جزله متكامله المعاني وواصفه لعشـــق البر

ابوعهـــد شاعر يمتلك مخزون من الكلمات الجميله وقويه بالمعنى

ابوعهــــد لقد ابحرت بنا من بيوتنا الى الصحراء وجمالها

بيض الله وجهك

ولافظ فوك على القصيده الرائعه



دمت بخير

[القروي]

[]عيال وايل مشبعة كل جيعان =من حد واشنطن الى حد جوفه

( ونعم بابن مهيد)

[ليث]

صح لساااانك ابوعهد


قمــــة الابداااااااااااااااااااااع

[ابو مشعل]

صح السانك اخي المبدع
وحياك الله في منتدى الجميع

[ابوعهـــد]

اخو ابو الطيب


صح بدنك وبيض الله وجهك على المرور

[ابوعهـــد]

اخي / ابو عزيز


هلا وغلا والله ومرورك لمتصفحي لشرف كبير لي بمرور شخص كريم مثلك


بيض الله وجهك


ولاعدمنا هالطله النيره

[الجبل الأخضر]

صح لسان
هذي حياه العز من غير برهانأهل الكرم والجود يسعدك شوفه

اتحفنا بالمزيد

[ابوعهـــد]

القروي


لاهنت على المرور الكريم

[الوتر الحساس]

صح لسانك

[الدب الداشر]

صح السانك اخي المبدع
وحياك الله في منتدى الجميع