قصيده ذات مناسبه عسا تنال رضاكم

[القروي]

[poem=font="Simplified Arabic,4,deeppink,normal,normal" bkcolor="red" bkimage="backgrounds/20.gif" border="none,5,blue" type=0 line=0 align=center use=ex num="0,black"]
الله على الي كــامل الصنع ماعتاز = ماصاربه من كل مايطلبــه عوز
مشروبه البنزين ماهو من القــاز = اليا وقف عند المحطه من الهوز
يسقي ثمين مطمّع الغرب ممتــاز = لولاه ماجانا هكلجيش مــكزوز
الجيب من صنعة خبير لــه انجاز = ابدع من اكبر آلة لصغر فيــوز
ماهتز به برغي ولا برغي بــاز = يفرق على غيره من اجموس وبنوز
كنه فريق واقف يعطي العــــاز = لياوقف بين المواتر خذى الفــوز
يسرق هو الانظار بويه وبرواز = من كشنه الداخل تقل طرز مطروز
صمم على احدث هيكل واحدث طراز= ضخم المحرك يقدح النار بقزوز
تقول يلعب فوق الاطعـاس جمباز = ومع العفاش تقول ياطا على موز
عراض كفراته دبل فيه هــزاز = آخر موديل ونوع من لاندلكروز
لوهني منهو على مركبه حــاز = يم ديرة هي منبت الخوخ واللوز
ترجح بساتينه على المي تمتاز = متشابك غصن العنب هويالجوز
والبر كنه للهواجيس حجــاز = فضات بال لوبك الهم مركوز
ينعش نباته عقب الامطـار فزاز = يسقيه هتّاف رواعيده رزوز
ريح الندى من الروض من عقب الافراز = يعج في مسك من الروض مفروز
من شرك عشب للبدن يانفح جاز = ستين يوم زان من عقب تموز
تلقى القطى يرعى مفاليه بجواز = تزعج ترانيمه مثل صوت فيروز
مع الامير ابن محمد ليــاراز = دار توصله لياوكد الروز
من ذاق خوة سيدي شاف ماجاز = ولا كل شخص غير ابو فيصل يجوز
مع جمع ربع مــابهم كل همّـاز = الكل منهم للّوازيم مكنوز
رجال مجالسهم حشيمات وعزاز = اما ذكر والا على امثال ولغوز
ومعنا ربيب طرح شبك به اجتاز = شبك مفاتيقه تقل حلق بزبوز
من صنع صقّار حبلّه وبه فــاز = عود يصيد من الشياهين بالجوز
متمرّس مايجمع الحرّ للبــاز = من شبته يما تعكّز بعكّوز
يجيب حرّ يرمي الصيد ياهاز = من مخلبه كن احمر الدم ممزوز
مخلاب كفه للسمينات مخـراز = ماناش مخلابه غدى منه مجزوز
كنه ذباب الاجرب فعوله اعجاز = ياصار مع تركي هكليوم مبروز
الطير ذرب وبالحركات يمتاز = انماسمحتله صيدته جاه بالتوز
توعد رقبته لأول السرب قزاز = اوعاد قايد فيلق يعطي العوز
ان تل سبقه للهدد قبل الايجاز = يشدى تفلّت هيلع صار محجوز
وليالحق والجول مقفي ونزاز = والجول من هوشه غدى منه مهزوز
هوش محروت البيق مقدام عنّاز = والا الخريشا بلقوة مع له ادروز
والا عبيد ان صار للروس جزاز = كم راس شيخ من يمانيه مكزوز
عطب المضارب فارسي من الاهواز = عدل المناكب منكب الطير مركوز
ان فرعوه بفية فوق مركـــــــاز = دبل مثل منطح غزالان مخزوز
يقدح سنا عينه مثل شعلة القاز = والا عيون موصّف الذكر قهموز
متفهق الجنحان للجول خزاز = فحج مواطيه بهن وسع وبروز
هذا من اوصوفه وانا ايجزته ايجاز = ولو اتطرّق للتواصيف ماحوز
لاشك قنصة قادر ولاهو عجّاز = تسوى من الدنيا عمارات وكنوز
شعر/ حلو فرحان الوبيري[/poem]

[(المهاجر)]

عميت عيوني وانا اقراا القصيدة الخط صغير ؟

على العموم مشكور ويعطيكـ الف عافيه .

[ليث]

يعطيك العافيه
مشكووووووووووووووور!!

[القروي]

[blink]الاخ المهاجر[/blink]
سلمت عيونك انا آسف على تصغير الخط
زلة وعند رفيق كما يقولون مرورك اسعدني الف شكر . -----------------------------------------------------------------------------------------------------------------

الى الاخ ليث انت لقبك المتابع اشكرك على القا النظر التي هي غايتي مشكور جداً .

[الدب الداشر]

ًح لسااانك أخوي القري وصح لسااان الشاااعر

عزالله جزله وطيبه

[همّام]

[align=center]
شكرا لك أخي القروي
وصح لسان الشاعر حلو فرحان الشمري
[/align]

[ابو شنب]

صح لسانك ولسانه
اياملا الغنيمه قصيدتن ما تخبر قريته نوبتين

[القروي]

[blink]اخوي الدب الداشر[/blink]
صح بدنك ولسانك مرورك كم اسعدنا .

-------------------------------------------------------------------------------------------------------
[blink]الاخ همّام[/blink] وجودك بيننا ومعنا يسعدنا ويشجعنا بارك الله عملك .

---------------------------------------------------------------------------------------------------------

[glint] الاخ ابو شنب [/glint]
ايا ملا العافيه الي تطول شنبك !
اول ماطلع علي العيون والشنب انخرعت !!!!!!!!!!!!!!!!!!

ويوم قريته نوبه ونوبتين وثلاث نوبات
انبسطت لأنه صارت سلالآلآلآلآلآلآلآلآلآلآلآلآلآلآلآلآلآمات والحمدلله !!!!!!

طلّتك تسعدنا بعد الخرعه لاتحرمنا من هالطلّه !!!!!!!! الله لايحرمك من العافيه .

[الافندى]

صح لسانك القروي ولسان شاعرها

القصيده رائعه..... ماقصرت الله يعطيك العافيه