مدري وش اللي صار بيني وبينه

[سعود الشمري]

[align=center][poem=font="Simplified Arabic,5,white,bold,normal" bkcolor="indigo" bkimage="" border="double,4,darkred" type=1 line=0 align=center use=sp num="0,black"]
ياعين من حطيت عيني بعينه =وابطيت واقف في بحر عينها موج
ابحرت في عينه بليا سفينه =سجيت فيها لين ضيعني الموج
حاولت الد الشوف عما يهينه =ولاانتبهت الا وانا فيه ملبوج
شفت الفتن في ملتقى حاجبينه =والسحر في عينه مع الزين مدموج
اسود سواده لابسته السكينه =وابيض بياضه طايش اللون مرجوج
زاويه طرف ٍ حاجز ٍ دمعتينه =لولاه كان الخد بالكحل ممزوج
كاسيه رمش ٍ زاد ملحه وزينه =من فوق متكحل ومن تحت مدعوج
بين الرموش السود شفت الغبينه =واللي رماه الرمش ماعاد له بوج
مرت ثواني من حياتي ثمينه = وانا اتهادى بين الاشواق وأدوج
مرت وانا قابض على راحتينه =واقف مقابل له وساهي ومدلوج
مدري وش اللي صار بيني وبينه =والقلب ماردنه ضلوعي العوج
ولا انتبهت الا بسحبة يدينه = قال انت تبغى الناس تلحقني هروج
قلت اعذر اللي شافك الله يعينه = يبطي ودمعه بعد فرقاك مزعوج
عينك بنظرات الغلا مستهينه =قال الغلا في داخل القلب منسوج
قلت الوعد قال ايه كلش بحينه = الله يفتح لك من الضيقه فجوج
قلت آآه طيب شف لي الدرب وينه =قال انتبه باقي على شفتك روج [/poem][/align]

[أنا والليل؟]

صح لسانك شاعرنا , مازلت تسبح في محيط الإبداع , وتستخرج أجمل الدرر والأصداف , جميل أن يبتسم الحرف دائما , والأجمل عندما يجريه (( سعود الشمري )) على قلمه المتدفق .

رومنسي من الطراز الأول , (( نخبوي )) .

[سعود الشمري]

[align=center]

يعطيك العافيه

الله يعافيك وجد

شكرا لمرورك الكريم [/align]

[سعود الشمري]

[align=center]

صح لسانك شاعرنا , مازلت تسبح في محيط الإبداع , وتستخرج أجمل الدرر والأصداف , جميل أن يبتسم الحرف دائما , والأجمل عندما يجريه (( سعود الشمري )) على قلمه المتدفق .

رومنسي من الطراز الأول , (( نخبوي )) .

ياهلا وغلا ومسهلا بالغالي

صح بدنك وماننقل الا اللي يعجب ذائقتكم الشعريه لعيونكم

وهذي القصيدة عشانك انت وتعلمنا الرومنسية منك يالليل

كما اشكرك على كلماتك الرائعه برسالتك الخاصة لاهنت [/align]