سجل توقيعك احتجاجاً على بنك الراجحي في رفحاء

**مباشر** · 30 Dec 2005, 12:00 AM

السلام عليكم ،،،،، أحبائي الكرام ،،،

أظن لايخفاكم أيها الكرام :
وضع صرافات الراجحي كثيراً مانجد عبارة (( عفواً لايمكن السحب مؤقتاً )) وخاصة آخر الأسبوع مما تجد التأفف والتذمر على كثير من الناس بل وزنكة البعض واضطراره للبحث عن السيولة من طريق السلفة خاصة عندما يتوافق عدم الصرف مع صراف الأهلي ،،،
وإني اتسائل عن هذه الطاهرة السيئة في محافظة رفحاء هل السبب من نظام البنك أم أنه تهاون من موظفي البنك في فرع رفحاء ،،،
كما ادعو جميع عملاء البنك إلى المطالبة والكتابة عن هذا الموضوع ،،
فهذا أقل حقوقنا على البنك أن نجد أموالنا في أي ساعة نريدها ،،
فضلا عن المميزات الأخرى للعملاء التي لانجدها في بنك الراجحي الموقر ،،،،،

**البندق** · 30 Dec 2005, 12:17 AM

[align=center]ابصم لك بالعشره[/align]

**حكيم** · 30 Dec 2005, 02:02 AM

[align=justify]اقولك شي ياخوي يا مباشر , الراجحي فسقان فسقة ما يعلمبها الا الله

ولا معقوله ما يدري وش يصير بحلاله والاهم حلالانا بفرع رفحاء

الي اعرفه والي سمعته من الناس ان الراجحي اذا صلى بمسجد

الشركة وحصل اي موظف لم يصلي وكالة يقولون يقولون انه

يخصم على هالموظف , يعني الرجال فيه خير كثير,

بس ما اقول الا المال السايب يعلم السرقة , والواحد اذا ماحلل

رويتبه وهذا اضعف الايمان بهالايام ما هو على خير , كلنا رحنا

وجينا وشفنا بنوك جدة والرياض والشرقية , خص نص بنك الراجحي

وشفنا التعامل والابتسامة العريضة الي تريح الواحد , بس ما شفنا مثل

فرع رفحا , شين وقوي عين مع احترامي لكل العاملين بهالفرع بس الحق

ما يزعل احد

ودمتم سالمين[/align]

**o_l_ll l_i_l** · 30 Dec 2005, 03:14 AM

[align=center]ماألوم الصراف

والله من كثر السحب

الواحد متعود يوميا يسحب مية ريال بس

ويوميا يشيك على حسابه بس

ويوميا يمر ويشوف رجع الفائض ولا لا

وبعض الناس راسه يوجعه ومايطيب الا اذا مسك سرى وزاحم الناس الي مضطره تسحب

جزاهم الله على هالصرافين خير

طيب لو يقفلونها من وين نسحب

لكن ابشركم فيه خمس صرافات في الطريق وراح توضع على الطريق الدولي وهم الحين يجهزون الاماكن

المخصصة لها

شكرا[/align]

**اسد المحمدية** · 30 Dec 2005, 04:23 AM

فرع ردئ جدا وموظفين مصلحجية ومدير المبيعات ابو ........ يقفز من كرسية اذا شاف جنس ناعم حتى الشغالات يخدمهن بلباقة واحترام وابتسامات من عرضها تختفي ملامح وجهة واذا جاة رجل كشر وانزعج وعبس وضاقت بة الوسيعة ....

المشكلة ان ردائة الوضع في راجحي رفحاء يتحملها اهالي رفحاء البسطاء لان الهوامير من الحضر والقبايل لهم ترحييب خاص .....

واخيراااااااااااااااااااااااااااااااااااااا معاك 100% في التوقيع ضد بنك الراجحي برفحاء وبارك الله فيك

**فتى لاهور** · 30 Dec 2005, 10:46 AM

المشاركة الأصلية كتبت بواسطة اسد المحمدية

فرع ردئ جدا وموظفين مصلحجية ومدير المبيعات ابو ........ يقفز من كرسية اذا شاف جنس ناعم حتى الشغالات يخدمهن بلباقة واحترام وابتسامات من عرضها تختفي ملامح وجهة واذا جاة رجل كشر وانزعج وعبس وضاقت بة الوسيعة ....

المشكلة ان ردائة الوضع في راجحي رفحاء يتحملها اهالي رفحاء البسطاء لان الهوامير من الحضر والقبايل لهم ترحييب خاص .....

واخيراااااااااااااااااااااااااااااااااااااا معاك 100% في التوقيع ضد بنك الراجحي برفحاء وبارك الله فيك

يا ناكر المعروف اجل ما خدمك ابو....... يوم الاكتتاب
ما ينفع الطيب................

**Google** · 30 Dec 2005, 01:33 PM

سجلوني معكم

ضد التخاذل والتقاعس والاهمال بالعمل المصرفي

نعم لاعاده هيكلة شاملة لكل الادارة الحالية لفرع بنك الراجحي

**جرواني** · 31 Dec 2005, 03:18 AM

[align=center]سجلوني معكم

ضد التخاذل والتقاعس والاهمال بالعمل المصرفي

اللي يدافع عن الاداره يروح يسوي مقارنه بين الموظفين ببنك الراجحي برفحاء وبين بنوك الراجحي اللي بالمحافظات الثانيه ويشووف الفرق بعينه[/align]

**العزام** · 01 Jan 2006, 02:02 AM

معاكم

صحيح العالم يجوز تسحب كل الفلوس وتعذرك الصرافه

بس سالفة ما فيه تحويل وتسديد هي المصيبه ((لا يمكن اجراء العمليه موقتا))

**نفح الطيب** · 01 Jan 2006, 06:19 AM

سيدي / مباشر

خذ توقيعي

تقبل تحياتي

**$الوميض$** · 01 Jan 2006, 11:19 AM

ياالربع بشوييييييييييش

مااشين من قديد الا عسفان

والراجحي الله يصلحه كل فروعه الثانيه

عندك عندك

اما فرع رفحاء ادخل على الله عنهم نادر مااراجعهم

بس لي تحفظ على صرافتهم اللي بالفرسان

تخبرون اذا الواحد جاي ومبطي عن رفحاء

خصوصا الا منه صدف الدب الداشر

واغواه على برست الفرسان

كل ماامرهناك واجي ابي اصرف من صرافة المحطه

ترجعلي البطاقه على طول الصرف الالي والفيزا

وكل مااجي اقول تسنعة الا والقاه نفس الشي

مدري هي به بلا والا جايه عني كلام بس الوكاد انه متنكه معي

حتى الاهلي تصرفلي وهي لا!!

بس عالعموم اصرف عشان الدب دايم يحاسب

عالعموم ابشركم هاليومين طالع قرار جديد بالراجحي مدري طبقوه برفحاء اولا

واحد من العيال جا للرياض يبي يسحب 80 قالوله ورقة سحب عادي من الفرع ماتسحب الا 20

لازم دفتر شيكات قال يالربع فلوسي وابيها الحين قالوله مافيه الا بشيك والشيك يبيله بعد معامله وشف متى يخلص

المهم اخر شي رحمه واحد منهم وعطاه حل قاله مالك الا تمر على اربع فروع وكل فرع خذ منه 20

ههههههههههههههههههههههههههههههههههه

والله العظيم ياعيال يحلف الرجال يقول اربع فروع بالرياض اللي يوم كامل على مدى الدوامين

الصباحي والمسائي لييييييييين اتشحططة وانا اركض وامسك سرواة

والفلوس فلوسي

عالعموم انا ماني موقع معكم والله ماني فاضي مشاكل اخاف بكرا يطلع الراجحي بند

يخصم على اللي يكتبون عنه فالانترنت ثمن يلهط باقي فليساتي مانتم نافعيني

هههههههههههههههههههههههههههههههههههههههه

لاتصدقون الامعكم بس متى المظاهره؟

**سلسبيل** · 01 Jan 2006, 11:48 AM

بسم الله الرحمن الرحيم
عزيزي انما تقوله صحيح ولايوجد عقاب لمن يهمل عمله

بل اوكد لك ان موظفين البنك جاهم فصل ؟؟؟؟؟؟؟؟؟؟؟؟؟؟؟؟

وقامو شيوخ القبائل بلبس البشوت والوساطه لهم هل تعلم ماهو السبب
لانهم ساهم لناس اموات

**الحقيقه** · 01 Jan 2006, 02:36 PM

بنسبه لي

قدمت شكوى

على هاتف العملاء المجاني

وأشتكيت على موظف خدمة العملاء في فرع رفحاء

وأتيت إليه بعد المكالمه

فقال لي بالحرف الواحد معليش أتعبناك ممكن تعبي لي الأوراق مره ثاني ) قلها بكل احترام بعد المكالمة

فأنصح كل متضرر أن يتصل على خدمة العملاء

وشكر ا

آخر المشاركات

الموضوع: سجل توقيعك احتجاجاً على بنك الراجحي في رفحاء

أدوات الموضوع

تقييم هذا الموضوع

عرض

سجل توقيعك احتجاجاً على بنك الراجحي في رفحاء

احتج بشده معك واضف صوتي

مواقع النشر (المفضلة)

مواقع النشر (المفضلة)

ضوابط المشاركة