بعضنا يتأثر تأثرا كبيرا بمن حوله ....

وبامكان اي شخص ان يؤثر عليهم بكل سهولة ...

نستطيع ان نشكك شخص ما بما يحس به ويشاهده ويشعر به ...

مثلا لو سالناه: كيف حالك ؟! وما هو احساسك بأنك سعودي ؟!

يقول: الحمد لله صحتي بخير وافتخر بانني سعودي وانعم بالخير والامن والامان ...

نقول له (راغبين في تشكيكه): اي خير تتحدث عنه ؟!! اولا صحتك ليست على ما يرام ... عيونك مصفرة وبشرتك مقشرة ولو ذهبت لمستشفى لاكتشفت انك مشرف على الهلاك .... بعدين تعال (اي تعال) اي امن وامان جاي تقوول عليه ؟!! تذكر رشاش والا تناسيته ؟!! تذكر مرة شفنا مدري سمعنا ان واحد برفحاء ذبح ؟!! الامن بكل مكان رح لشيكاغو تلقى مليانه امن وانت فرحان بامنك !! .... يا شيخ خلنا ساكتين بس ....

يقول: فعلا كلامكم صحيح ... حنا مخدوعين وما ندري وش يصير حولنا ... الله يعين ( وبدا يوسوس المسيكين) ...

نقول: اتركنا من السياسة ... بشر وش علوم الجو عندكم ؟!!

يقول ( فاتحا فاه مبتسما): ابشركم امطار وخير وخماكير (ياليت احد يجيب جذور هالكلمة) ... واهل رفحاء طالعين ...

نقول: اثريك مسيكين ؟!! كم يبي يجلس هالجو .؟!! يوم يومين شهر شهرين وبعدين يجيك الصيف وتشغل المكيفات 24 ساعة ... اللي يسمعك يقول انك عايش باوروبا والا ببحر البلطيق (يركون عليه من هالاسامي ... خبركم دبشة) ...

قال (والحزن باديا على فاه انف الذكر): صدقتوا يا وجيه الخير صيفنا ما نتحمله ويجيب الهم والغم ... اجل ما حنا طالعين نستعد للصيف ... الله يعين ...


والامثلة كثيرة ... تدل على ان الشخص يتاثر بغيره ولا يستخدم عقله واحساسه في معرفة واقعه ... مما يجعله ينكد على نفسه واهله ...

السؤال كم نسبة هؤلاء الاغبياء والحمقى بيننا ؟!!