مسجون ماراً

**برق حائل** · 03 May 2009, 03:50 AM

كان الشاعر مسجون ماراً من أحد الممرات وفي ذلك الممر كانت
ريم وأمها داخلين لزيارة سجينهم
والشاعر سمع صوت الأطفال فتذكر أبناءه
فدمعت عينيه
فرأته ريم فقالت ريم لأمها : يمّه الرجال يبكي،،
فقالت أمها زاجرة : ريم
عندها ،، كتب الشاعر هذه القصيدة:

أبكي وعيني تسهر الليل يـا ريـم
مدري بلاها الشوق والاالظليمـه
اخوكم محمد الزويمل

ياريم دمع العين مدري على الريم
والا على قلبـن تواكـل صميمـه

تقول لاطمني علـى نونهـا سيـم
أبكي وعندي لأزرق الدمع قيمـه

ويمكن يكون الدمع للعيـن تكريـم
ويمكن يكون إلها عذاب وحريمـه

والله يا لولا دمعتـن كنهـا الديـم
راحت ضلوعي من عذابي حطيمه

ودام البكا يا ريم ما فيـه تحريـم
يا عنك والله لأرخص الدمع شيمه

وابكي على حالي من الوجد وآهيم
لين الزمن يخلـف عليّـه نسيمـه

أبكي حياتن صافيه ما بهـا غيـم
وين المحبـة والقلـوب السليمـه

أبكي قهر وابكي من الغبن والضيم
وابكي من طعونن بقلبـي قديمـه

غدر الزمن خلّى بوجهي مراسيـم
وما يذبح الرجال مثـل الهزيمـه

بعض المصايب شرها ياكل الهيـم
وشلون بكبود الرجـال الكريمـه

وبعض المصايب يخلفن المفاهيـم
تبغى على ما قيل صبر وعزيمـه

مظلوم بالدنيـا وغيـري مظاليـم
من عرض ناسن لبسوهم جريمـه

ما عاد أبي من سود الأيام تعليـم
عقب العذاب اللي كلاني جحيمـه

ولو تصفي الدنيا علـيّ الملازيـم
ما عاد أدور من وراهـاغنيمـه

**شدقم** · 03 May 2009, 09:14 AM

الله يفرج همه وهم كل مهموم

قصيدة معبرة ومحزنه بنفس الوقت

تسلم على النقل

**ابومحمدالزوبعي** · 03 May 2009, 11:46 AM

صح لسانك ولسان الشاعر قصيده رائعه ومحزنه الله يفرج همه

**سهرانه** · 04 May 2009, 12:30 AM

[align=center]
سلمت يداك
وصح لسان ناقلها وقايلها

الله يفرج همه ويرجعه لاهله ويعينه ويصبره
[/align]

**روز** · 04 May 2009, 02:50 AM

صـــــــــح السان الشااعــــــــــر الله يفرج عنه
ويعطيك الف عافيـــــــــــه على الطــــــــــرح الراائــــــــــــــع ..

تحيااااااااتي .,

تقبـــــــــــــل مــــــــروري ..

**النوفا** · 10 May 2009, 11:24 AM

الله يعطيك العافية
والله يفرج عليهم كربتهم

**شـــذى الورد** · 16 May 2009, 11:13 PM

يعطيكــ العافيـــه ..

امآ بنسبه للقصيده!!

كلمة حلوه قليله بحقها .. الله يفرج عنه ..

تحيـــــــــــــااااتي لك .. *ــ^

**فخر شمر** · 17 May 2009, 10:13 PM

[IMG]<td><input id='1' type="text" name="T1" size="50" value="{direct_link}"></td>[/IMG]

**فخر شمر** · 17 May 2009, 10:15 PM

[مشكوووووووووووووووووووووور <<<<<<<<<<

**أبو ماضي** · 23 May 2009, 01:55 AM

صح لسانك ولسان الشاعر قصيدة تعبر عن نفسها . قال الرسول صلى الله عليه وسلم الدنيا سجن المؤمن وجنة الكافر

**المحتاااار** · 23 May 2009, 06:57 PM

مشكور على النقل
وصح لسان الشاعر

**فخر شمر** · 24 May 2009, 09:24 PM

صح لسانك

قصيده محزنه مره محزنه

مشكوور

آخر المشاركات

الموضوع: مسجون ماراً

أدوات الموضوع

تقييم هذا الموضوع

عرض

مسجون ماراً

مواقع النشر (المفضلة)

مواقع النشر (المفضلة)

ضوابط المشاركة