جيت أبكتب بك قصيده والقلم يأبى الكتابه!

قال: أستح يا مغفل كل ماتكتب قلــــيل




قلت بإستغراب: ليه؟ وقال: في صدرك رحابه؟؟

عندك إستعداد تسمع, تسمع الشرح الطويل؟




أدري إنك شخص واعي فاهم فنون الكتابه

وأدري إنك خير شاعر يتقن الوصف الجميل




بس أسمحلي بكلمه. قلت: هذي لك مجابه

سم آمر قل تفضل أسمع وبالي طويل




قال: لو تكتب قصيدٍُ فيه وصفً مايشابه

ولو تقول إنه ملاك ورمشها رمشً كحيل




ولو تقول إن العسل مصنوع من حضرة جنابه

ولو تقول إن القمر يصبح إذا طلت عليل




ولوتقول الشمس مافي بينها وبينه تشابه

يمكن الشمس بحلاها، لااااا هذا مستحيل




ذي(...) لو توصفه بأوصاف قبلك محد جابه

كل وصفك يا عزيزي والله بحقــه قلـــيل




قلت: صادق في كلامك وأنا بطلت الكتابه

مابي أكتب شي عنها لإن وصفه مستحيييل