حمد السعيد مات الجمر

[مدمن قهوة]

ابدااااااااع


مات الجمر وقلوب الاحباب حية
والموت لا ماتت قلوب الحبايب
ياشيشتي لو فيج ذنب وخطية
معاج احس اني عن الناس غايب
العام كانو لي من الاصحاب مية
وقت الرخا لكن جفوا بالنوايب
لاهنت ياقلب شكى من خوية
جم راس من طعنات الاصحاب شايب
مرات اقول ان الخبل ياهنية
ولقيتهم يشكون ظلم القرايب
ومرات اقول النذل لارحم حية
واثري النذل في بعض الاوقات صايب
يانفس شيليها على السامرية
شيلة طرب ماعاد فيها طلايب
وش لي بتنبية القلوب العمية
وحنا بهالدنيا دروب وركايب
ابتغزل في هذيك البنية
بنت تفل القلب فل الذوايب
كم بعثرتني واجمعتني هنية
بنفس المكان اللي جمعنا غرايب
مرباعها بين العيون الشقية
ومقيضها بين الجروح العطايب
ياضعفها معهم وعندي قوية
منها غدى ثلثين قلبي خرايب
ماقول يذبح زينها بس هية
تلفت لها عود(ن) عن الحب تايب
ولا اقول مغرورة ولا هي خلية
فيها دلع طفل تبناة شايب
جمال نجد وفتنة حايلية
وش جمع الثنتين فيها عجايب
اليا اقبلت بين حسنات وسية
ياكثر ذنبي وبين طيب وغصايب
واليا ادبرت في دمعتين ندية
قلب(ن) معاها وقلب في الصدر ذايب
راح العمر ومابين روحة وجية
ياكثر غلطاتي ولانيب تايب
شب الجمر مادام الاشواق حية
وطف العتب والعمر ضحك ومصايب

[صادق الاحاسيس]

مشكور على نقلك الرائع


ابدعت في اختيارك


تقبل مروري

[الدب الداشر]

صح لسان الشاعر والناقل ..

مشكور حجي مدمن ..