من يساعدني في حل هذه المشكلة المبكية المضحكة ؟؟!!

[الدكتور غيم]

[align=center]ارجوكم لا تستخفون بهذه المشكلة فهي تسبب لي الكثير من الازعاج وعجزت اجد لها حل ...

المشكلة بأ ختصار .....

بدأت اجازتي الصيفية قبل اسبوع من الآن وكما لا يخفى عليكم تكثر المناسبات الاجتماعية والاعراس هذه الايام .... وبالتالي يكثر السهر وينقلب الليل نهار والنهار ليل ......

مشكلتي الاساسية ان نومي خفيف وايضاً لا انام اذا غيرت مكان نومي لاختلاف الفراش والمخده والتكييف الخ الخ....
الى هنا والامر طبيعي ومعقول

نأتي الى المشكلة المبكية المضحكة .....
كل يوم عندما اضع رأسي لأنام بعد صلاة الفجر وبعد ان ابدأ اغط في النوم يبدأ التنغيص ...

يبدأ النقر المستمر العنيف على زجاج نافذة الغرفة بواسطة عصفور أحمق لم استطع الى الان معرفة سبب نقره المستمر على الشباك ... والادهى من ذلك انني كلما فتحت الشباك وطردته يعود مرة اخرى بمجرد عودتي للفراش ....

انا داخل على الله ثم عليكم كيف اتصرف مع هذا العصفور الأحمق الذي لا يكل ولايمل والذي حول اول اسبوع في اجازتي الى جحيم لا يطاق ... ارجوكم لانتصحوني بنصب مصيدة لأنني لا احب قتل العصافير ... ولانصحوني بالنوم في غرفة أخرى لأنني لا استطيع النوم بسهولة في غير فراشي ....
هذا وانا كنت في السابق في اوقات فراغي اقدم الماء والحبوب للعصافير قد يكون هذا العصفور منها....يعني لم أخطئ على أي عصفور فلماذا هذا العصفور الأحمق يزعجني عند نومي..؟؟
أرشدوني ماذا افعل معه ؟؟[/align]

[صادق الاحاسيس]

بنسبه للنوم

نفس الشي بس الحمد الله ماحد ينكد علي غير الجوال اذا خليته

على العام

اما العصفور هذا اعتقد انه يبيله قطو تحطه على الجامه صدقني ماعاد بيجي العصفور

مره ثانيه

الله يعينك


تقبل مروري

[الدكتور غيم]

[align=center]مشكووووووووووووور على حضورك
لكن القطو يأكل العصفور وانا ماودي اتسبب في قتل نفس بريئه

واخاف ان القطو يصير مكان العصفور وكل يوم طخ طخ بالدريشه يبي عصفور

عاد انا منين اجيب له عصفووووووووووووووووور[/align]

[المهندس]

[align=center]هههههههههههههه شلون عرفت انه احمق
ممكن يكون ذكي او متسول يطق الشباك يتسول خصوصا وانك كنت تعطيهم

طيب الحلول كثيرة

بس انت ما تبي الحل هذا



مو مشكلة

الحلول

اولا فيه شي مصنوع خصيصا لمنع الطيور من التسكع على الشبابيك

تقدر تشتريه من النت او تروح لاي حداد يسوي لك مثله

وهو عبارة عن قاعدة معدنيه يطلع منها مثل الابر او الدبابيس بس طويلة وغير حادة ولا تؤذي الطيور وهي تستخدم عالميا وهذي صورتها



تثبتها على الشباك بحيث تمنع نزول الطيور

او تحط مجسم او لعبة قطة او اي حيوان اخر تخافه الطيور ، ابحث جواز ذلك

او تحط شكبه خارجية تمنع وصوله للنافذه

او تسأله وش يبي وتقضي حاجته

نووووما سعيداااا[/align]

[الدكتور غيم]

[align=center]مشكووووووووووووووووووور يالمهندس
الحل الاول لا احبه فيه قتل وايذاء جسدي
الحل الثاني علمي جدا لكن من وين اشتري المسامير حقت العصافير[/align]

[صمت مغتربة]

غيرك لقى عش بالكامل ...!!

ومخلفين صبيان وبنات ...والعزايم يوميا ماتوقف ...!!

بس كان قاهرني غراب ...يجي يخرب عليهم ويروح ...ما ادري هو ولدهم بالتبني وانكروه بعدين...والا غلطوا وكتبوا الحلال باسمه ..وجا ينفخ نفسه عليهم ...ونسي انه غراب ..!!


ان شاء الله تنحل مشكلتك ...مع اني اشوف اسلم حل...انك تحط اسلاك مكهربة ...

وصدقني يحرم يجي مرة ثانية ...!!







تقبل مروري
تحيتي
صمت مغتربة

[الدكتور غيم]

غيرك لقى عش بالكامل ...!!

ومخلفين صبيان وبنات ...والعزايم يوميا ماتوقف ...!!

بس كان قاهرني غراب ...يجي يخرب عليهم ويروح ...ما ادري هو ولدهم بالتبني وانكروه بعدين...والا غلطوا وكتبوا الحلال باسمه ..وجا ينفخ نفسه عليهم ...ونسي انه غراب ..!!


ان شاء الله تنحل مشكلتك ...مع اني اشوف اسلم حل...انك تحط اسلاك مكهربة ...

وصدقني يحرم يجي مرة ثانية ...!!







تقبل مروري
تحيتي
صمت مغتربة

[align=center]ووووش هالقسوووووه اسلاك مكهررررربه حرام يمووووووت[/align]

[ذويبان11]

[align=center]ياحظك عصفور يطق الدريشه

آخ على حظي أنا عندي بوكلين يحفر بالشارع

عيفن بشي اسمه نوووووم

الله لايعطيه عافيه


اقول عندي لك حل لعصفورك

عندي بارود برنو لجدي الله يرحمه

لها عشرين سنه ماثارت فيها طلقه

وشرايك تاخذها وتفبس بهالعصفور

تكفى دور لي حل من شان البوكلين

اذا عندك مدفع او بازوكه

من شان ادفنه بحفرته [/align]

[الدكتور غيم]

[align=center]ياحظك عصفور يطق الدريشه

آخ على حظي أنا عندي بوكلين يحفر بالشارع

عيفن بشي اسمه نوووووم

الله لايعطيه عافيه


اقول عندي لك حل لعصفورك

عندي بارود برنو لجدي الله يرحمه

لها عشرين سنه ماثارت فيها طلقه

وشرايك تاخذها وتفبس بهالعصفور

تكفى دور لي حل من شان البوكلين

اذا عندك مدفع او بازوكه

[align=center]من شان ادفنه بحفرته [/align]

لا لا لا لا ياذويبان
الا القتل لايمكن يكون حل
وبعدين اخاف تنكسر الدريشه من اطلاق الرصاص

وبالنسبه للازعاج الحاصل عندك من البوكلين
فيااخي المسأله سهله جدا
استأجر فرشه مشقوووووقه حتى ينتهي من شغله[/align]

[ثلج مشوي]

جوزه ويعقل ( تشغله امور الدنيا عنك بيت وعيال ومشكال ينساك اصلاً)

[عروووبة]

عندك حل من الثنتين اذا كنت لاتحب إراقة الدماء
1- تلصق صورة بس برا الشباك
2- تشرى عروسه من ابو ريالين الى من صوف وتحطها برا الشباك (( فزاعه )) لكن وش راح يقولون الجيران
اهم شي تكون بالور الأرضى

[الدب الداشر]

هههههههههههههههههههههه

الحل عند المهندس وصادق ::

[الدكتور غيم]

جوزه ويعقل ( تشغله امور الدنيا عنك بيت وعيال ومشكال ينساك اصلاً)

[align=center]وووووه ماني مسؤؤل عنه علشان اجوزه
وبعدين لو فكرت اجوزه وشلون اعرف العصفووووووره:[/align]D

[الدكتور غيم]

عندك حل من الثنتين اذا كنت لاتحب إراقة الدماء
1- تلصق صورة بس برا الشباك
2- تشرى عروسه من ابو ريالين الى من صوف وتحطها برا الشباك (( فزاعه )) لكن وش راح يقولون الجيران
اهم شي تكون بالور الأرضى

[align=center]جبتيها ياعروووووبه[/align][align=center]صورة بس على شكل ذيب ماعاد يقرب للدريشه[/align]

[الدكتور غيم]

هههههههههههههههههههههه

الحل عند المهندس وصادق ::

[align=center]بس حل المهندس يكلف ماديا[/align][align=center] وهو كله ريشتين مايسوى خمسه ريال [/align]