قالوا تزوج .......... ياشيخ

[kermalk]

شاب فقير خطب بنت عمه المليونير

وزود عمه طلباته عليه فقال القصيده:




سبحان من يرزق بتوع الملاييـن------------------
------------------ الرازق اللي ما يخيب الرجـا بـه

لي عم عنده معـرضٍ للصواليـن-------------------
-------------------أموت واعرف بس من وين جابـه

وإذا سألته قـال بعـت الدكاكيـن--------------------
------------------ما يدري إني ما هضمت الإجابـه

الشاهد إني رحت له قبـل يوميـن -------------------
---------------------في قصره العامـر ودقيـت بابـه

قال ارحب ارحب عدّ ورد البساتين ----------------
---------------------يا مرحبا باللـي لفـا يـا هلابـه

قلت البقا عـدّ النفـل والرياحيـن--------------------
-----------------يا شيخ شمل اهل الكرم والذرابـه

قال اسلم الله يحفظك لي من العين -----------------
-----------------وآمر أوامر حضرتـك مستجابـه

قلت الصراحة طالبٍ قرب غاليـن------------------
-------------------ودي تزوجنـي كريمتـك يـابـه

ثنّى وقال اهليـن والله وسهليـن -------------------
----------------والكون ترخص لجل عينك رقابـه

لكن ترا عندي شـروط وقوانيـن------------------
----------------قلت اشرط اشرط يا حبيب الغلابـه

قال أولاً مهر العروسـة ثمانيـن------------------
----------------غير الرسوم وغير حق العصابـه

والثانية عمك يبي منـك سبعيـن------------------
------------------رسم الأبـوّة والنسـب والقرابـه

وام العروسة حقها منـك ستيـن ------------------
-----------------عشانها ست الحسـن والمهابـه

واخوانها كلن يبي منـك خمسيـن-----------------
------------------عداً ونقـداً تنـدرج فـي حسابـه

وخواتها الخمس اعطهن من ثلاثين--------------
-----------------عشان تتوثـق عـروق النسابـه

وتجيب طقم عيار واحد وعشريـن ---------------
---------------وخاتم من الماس المصفى ترابـه

واكياس متروسة كعوب وفساتيـن---------------
-----------------ألوانهـا واشكالهـا مـا تشابـه

وموتر بسواقـه وفيـلا بدوريـن ------------------
------------------أثاثهـا مـن بطرتـه ينحكـابـه

واحجز لنا قاعة بقصر السلاطيـن---------------
---------------واحجز بهـا رقاصتيـن وربابـه

وامنع دخول اهل اللحى والبزارين--------------
----------------واعزم أميـر المنطقـة بالنيابـه

هذي الشروط اللي على بالي الحين--------------
---------------وذكرني اللي ما حسبنـا حسابـه

قلت اذكر الله يا عـدو المساكيـن----------------
------------------واستغفـره لا يبتلـيـك بعـذابـه

الظاهر إنك منت عارف أنا ميـن -----------------
----------------أنا لو ارقا فـوق متـن السحابـه

ما جبت حتى نص درزن مواعيـن----------------
--------------واضحك بكيفك واعتبرهـا دعابـه

شروطكم هذي شـروط المجانيـن-----------------
---------------شروطكم شغـل ابتـزاز ونهابـه

شروطكم تقصم ظهـور البعاريـن-----------------
-----------------شروطكـم همّـن وغـم وكآبـه

شروطكم والله سيوف وسكاكيـن----------------
--------------تذبح بنات المجتمع مـع شبابـه

وين الرضا والعطف واليسر واللين--------------
----------------اللي ذكرهـا الله بمحكـم كتابـه

وين الصفات اللي أمرنا بها الديـن ---------------
------------ وين اختفى نهج النبي والصحابـه

يا عم جعل اللي خلقنا من الطيـن----------------
----------------يرد عقلك مـن خطـاه لصوابـه

ويجعل نصيبي عند غيرك قل آمين---------------
------------ويحسن عزا الصابر ويجزل ثوابه

قال انت لو فكرت تفكير صاحيـن ----------------
-------------ما شفت في مجمل شروطي غرابه

حنا بعصـر العولمـة والمزاييـن ------------------
------------ ماهوب عصر الفلسفة والخطابـه

الناس تسعى للرتـب والنياشيـن-----------------
---------------وانت اهتمامك بالشعـر والكتابـه

والشعر ما ينفعك لو هو دواويـن ---------------
----------------ما دام جيبك مثـل بيـت الخرابـه

يا بوك لا تسمع كلام المصاخيـن---------------
------------واسأل مجرب عاش في وسط غابه

قلت الله اكبر يا محـرر فلسطيـن -----------------
--------------من يسمعك يحسبك ذيـب الذيابـه

تراك شايب راس مالـك رياليـن -----------------
------------- والبنت ما تسوى جنـاح الذبابـه

قال انقلع مالت على وجهك الشين---------------
----------------لا عاد اشوفـك عندنـا يالزلابـه

قلت ابشر ابشر لكن الباب من وين---------------
-------------واقفيت من عنده على صوت بابـه

[ابومحمدالزوبعي]

صح لسانك ولسان الشاعر قصيده رائعه

[kermalk]

صح لسانك ولسان الشاعر قصيده رائعه

حياك الله بو محمد

[رفحاوي]

[align=center]
صح لسانك ولسان الشاعر أخوي كرمالك ...

قصيدة جميلة وفكاهية لكن عابها قلة الأدب مع العم ...
[/align]

[kermalk]

[align=center]
صح لسانك ولسان الشاعر أخوي كرمالك ...

قصيدة جميلة وفكاهية لكن عابها قلة الأدب مع العم ...
[/align]

هقوتي يستاهل

جازتلي أخوي كرمالك ...الله يرضى عليك وعلى والديك دنيا وأخرة

[رفحاوي]

هقوتي يستاهل

جازتلي أخوي كرمالك ...الله يرضى عليك وعلى والديك دنيا وأخرة

[align=center]
اللهم آمين وإياك ووالديك وكل مسلم ...

مدري وش بي هاليومين صاير ذوق شكلي مختش ...

لا ما يستاهل لأنه عمه وثاني شي كبير ...
[/align]

[~ابو ليث~]

قصيده حلوووووووووه مثل ناقله لنا ..
كل الشكر لك ....

[kermalk]

قصيده حلوووووووووه مثل ناقله لنا ..
كل الشكر لك ....

مرورحلوووووووو مثله بعد

[ابوحلا]

السلام عليكم ورحمة الله وبركاته

بيض الله وجهك اخي الكريم على هذا النقل

[kermalk]

السلام عليكم ورحمة الله وبركاته

بيض الله وجهك اخي الكريم على هذا النقل

وعليكم السلام والله يحيك ومن يقول أبو حلا