لنناقش معا قضية (تكاليف إرضاء الناس)

**مــــهــــا** · 20 Jun 2009, 06:11 AM

السلام عليكم ورحمة الله وبركاته

بسم الله الرحمن الرحيم

لنتحدث معا ونناقش عادة بل مشكلة لاتزال تتمدد في مجتمعنا لعلنا نصل الى حل

مشكلتنا هي (تكاليف حفلة الزواج )

فقد انتقلت هذه المشكلة نقلة نوعية من الماضي للحاضر, فكلما تقدم بنا الزمن زادت تكاليف الزواج

و الأسباب في هذه النقلة كثيرة و لعل أبرزها ( المظاهر ) التي أصبحت الآن الشغل الشاغل لمعظم الناس

دعوني أسميها ( تكاليف إرضاء الناس ) بدلاً من تكاليف حفلةالزواج.

أخبرتني أحد الزميلات من حائل بشئ جديد لم يصل الينا الى الآن والحمدلله الا وهو تغيير ديكور القصر بما يقارب الثلاثين الف طبعا غير ايجار القصر وهذا مادعاني لمناقشة هذه المشكلة معكم

لنترك حائل بما أن هذه المصيبة لم تصلنا ونحسب تكاليف حفلة الزواج في رفحاء

ليلة الزواج ..
طقاقة ب9000الاف
قصر بمالايقل عن 12 الف
صبابة الشائ والقهوة ب200 ريال
مفتشة الجوالات الف ريال

حلويات وفطاير وعصائر بمالايقل عن 2000

المسائية....هذي من بكرا طبعا

ديجي ب2000ريال
حلويات ومعجنات ب1000ريال
استراحة وعشاء بما لايقل عن 5000الاف ريال

مارأيكم ...؟؟

وماالحلول الجذرية بنظركم ؟؟ وكيف نتخلص من هذه الشكليات ونقتنع أنها مظاهر فقط ؟

**kermalk** · 20 Jun 2009, 06:37 AM

الشكوى لله والله يعين ويهدي ويصلح الجميع لكل خير

**النشمي عناد** · 20 Jun 2009, 07:10 AM

مصيبه وحالة إجتماعيه ... أظنها ستزود بعد هالقصور الجديده

وتواجد الطقاقه المشهوره طقوا راسه !

وأن الحريم مايتشرطن على الرجال , لأنه بتكشيره منها

ع أخوها أو زوجها ... تلقاه ملبى طلبات الفلس

والسبب ... ليه هم الفلان أحسن منا ؟

توقيت زين للموضوع .

شكراً مها .

**ابو متعب** · 20 Jun 2009, 08:52 AM

وعليكم السلام ورحمة الله وبركاته...
اذا ضعف الرجل صار ميشفة للحريم وحطنه على خط الفقر بطلباتهن
التبذير ما أمر فيه الله وليس من شكر النعمه أنكـ تجيب ديجيه
أو طقاقات الناس الميسورين فعلا" هم من يكونوا بسطاء في افراحهم عكس الفئة الثانية اللي همهم الوحيد أن يقال عرس فلان جابوا فيه كذا وكذا وشششكرا" مها عالموضوع

**ابومحمدالزوبعي** · 20 Jun 2009, 10:19 AM

يقولون من راقب الناس مات همّاً
انا أقول من طلب رضا الناس مات فقراً
بعد ماعقلنا وعرفنا الخطا نصيحتي لكل واحد يبي يتزوج عشا بالبيت ومن تطق العشا حط مرتك بجنبك وهج ولاتجي الا بعد شهر راح تسلم من شي اسم أقصاد وبالتوفيق لكل من يعمل بنصيحتي ...

شكراً لك أختي الفاضله مها موضوع مهم وجاء بوقته بارك الله فيك ....

**صمت مغتربة** · 20 Jun 2009, 03:19 PM

انا داخلة ومطفية النور ...

يعني شلون اختي ...تبين الناس ماتاكل ...ولا تفرح ..

اجل ليه مسمينه فرح ...؟؟

يا اختي الكريمة ...انا لا اجد مضرة من دفع هذه التكاليف لأن فرحة العمر مرة ...وماتبين عاد الناس يحكون عن زواجك إنه خايس ومن هالقبيل ...اكيد تبين كل شي تمام ...عشان الناس تفرح معاك
وانتي الله يهديك مابقى غير الموية تحسبينها ...

ممكن يكون فيه بعض التكاليف باهظة الثمن ...ولا اعتقد الرجال اللي على قد لحافه راح يدفعها ..والله لو ان زوجته تملك العصا السحرية
ماراح تقدر تغير رأيه ...

واللي عنده خير ...الله يزيده ويوسع عليه اكثر ...اكيد راح يدفع اذا هو شبعان ...

من الأخير ....خلو الناااااااااس تستانس وتعوذوا من ابليس واتركوا المثالية الزايدة وانا اختك ..مابقي غير تقولون ان الحليب يسوس الأسنان ..فما الحل المناسب لإقتلاع الضروس المسوسة من الحلوى دون الضرر بالضروس المسوسة من الحليب ؟؟

عاد مطفية الليتات ايش اسوي ...

نسيت اقول ..وعليكم السلام

**سعود الشمري** · 20 Jun 2009, 03:54 PM

فعلا مثل ماتفضلتي ولكن اعتقد لايوجد لها حل !!

الا اذا انتم يالحريم غيرتم مافي انفسكم ؟

وهذي هي الصراحة !!

تكاليف الزواج اكثرها للحريم

ولا الرجال نصهم شيبان غافين على الكراسي

من وراهم كاسة شاي وفنجال قهوة

شكرا لك اخت مها على الموضوع

**مــــهــــا** · 20 Jun 2009, 08:27 PM

المشاركة الأصلية كتبت بواسطة صمت مغتربة

انا داخلة ومطفية النور ...

يعني شلون اختي ...تبين الناس ماتاكل ...ولا تفرح ..

اجل ليه مسمينه فرح ...؟؟

يا اختي الكريمة ...انا لا اجد مضرة من دفع هذه التكاليف لأن فرحة العمر مرة ...وماتبين عاد الناس يحكون عن زواجك إنه خايس ومن هالقبيل ...اكيد تبين كل شي تمام ...عشان الناس تفرح معاك
وانتي الله يهديك مابقى غير الموية تحسبينها ...

ممكن يكون فيه بعض التكاليف باهظة الثمن ...ولا اعتقد الرجال اللي على قد لحافه راح يدفعها ..والله لو ان زوجته تملك العصا السحرية
ماراح تقدر تغير رأيه ...

واللي عنده خير ...الله يزيده ويوسع عليه اكثر ...اكيد راح يدفع اذا هو شبعان ...

من الأخير ....خلو الناااااااااس تستانس وتعوذوا من ابليس واتركوا المثالية الزايدة وانا اختك ..مابقي غير تقولون ان الحليب يسوس الأسنان ..فما الحل المناسب لإقتلاع الضروس المسوسة من الحلوى دون الضرر بالضروس المسوسة من الحليب ؟؟:i

عاد مطفية الليتات ايش اسوي ...:d

نسيت اقول ..وعليكم السلام

حياكم الله جميعا أخوتي كرمال ومحمد ولد الطايع والأخ النشمني وابو محمد الزوبعي وأختي صمت مغتربة ...

أختي صمت مغتربة بالعكس لم تطفئي الليت بل ستثرين الموضوع بعون الله
أخية أعلم أنه من غير المعقول أن نجوع الناس ونميتهم جوعا لكن نريد حفل زواج بدون تبذير وإسراف فقط ..

ولو تتبعت مصدر هذه المبالغ فستجدينها من عنايا الحضور وديون متراكمه على المعرس ولاتكفي ايضا
فأنا أقول لو أقتصرنا الحفل بشكل أبسط بعيدا عن الفخفخه والمصاريف الزائدة (لا إفراط ولاتفريط)

**عروووبة** · 20 Jun 2009, 08:48 PM

صمت
زفوك على هودج على بعير اعرج
<< عاد حلليه انتى
امزح بارك الله فيك

ابى اوضحلك الصورة شوي
القصة مو مثالية ولاهم يحزنون
لكن ربعنا ونعرف احوالهم
ولنا اخوان واقارب
نشوف كيف ينهد حيلهم
الواحد بعد العرس
يشيب 20 سنة قدام
يتمنى (( المارس )) مايقدر يشريه
<<< قوية شوي

شوفى
عائله 3 موضفين عليهم قروض هاده حيلهم
خذا العريس قرض يبي يتزوج وطبعا عليه قرض قبل عشان السياره
الى الان تمام

حجز القصر
15 الف ... مع ان فيه ابو 10 وافضل
الحلويات ... رفضوا ياخذون من المحل الفلانى
لازم من المحل الفلانى
مع العلم ان نفس الحلويات وربي مافيه فرق
المحل الاول الصحن الصغير 15 ريال
والى يبنه الحريم قيمة الصحن 35 ريال وربي انه اصغر من ابو 15 ريال

وين العقل هنا

الفطائر نفس الشي..

...................................
نجي للمسائية

حنا للحين ولله الحمد ماسويناه
والله لايقول

تقول صديقتى
وربي انه عرس ثانى
مكياج جديد وحلويات ودوجيه
ودين وعمات عين

طيب صباحية ... ويجن قريباتها
وصلى الله وبارك

خلق الله يومنى مجمعهم
وش لى فيهم

لكن الحريم ماياون لحد

اقول اخوانى اللى يبي يعرس
اذا قالن الحريم نبي نسوي مسائية
عيووووووووووووووا
وبشدة

والطيب
يقرشع العروس ويرفع شليلوا من صبحها

واقرب سيارة
وان قدر يسري باليل ترى افضل

إن شاء الله يروح بحملة معتمرين

الله يعين
ومشكووورة مها على الموضوع
جزاك الله خير

آخر المشاركات

الموضوع: لنناقش معا قضية (تكاليف إرضاء الناس)

أدوات الموضوع

تقييم هذا الموضوع

عرض

لنناقش معا قضية (تكاليف إرضاء الناس)

مواقع النشر (المفضلة)

مواقع النشر (المفضلة)

ضوابط المشاركة