خـ.....ــاص لطنايا

[بنت ملوك]

عزي لقب كل ما طرف الليل ،،،،،،،،،،،،،، عليه صارن الدقايق جلايل

واعتاظ عن طيب الكرى بالتعاليل ،،،،،،،،،،،،، بافكار واذكار وقول وقايل

والعين كن ابموقها يدرج الميل ،،،،،،،،،،،،،،،، عيت تطيق النوم من فور جايل

على بني عمي اسنادي عن الميل ،،،،،،،،،،،،،، نطاحة الكايد اكبار الحمايل

اقفوا كما مزنٍ ثقيل المخاييل ،،،،،،،،،،،،،،،،،،، من زاعج الغربي حدر له شعايل

شمر مقابيس المنايا هل الخيل ،،،،،،،،،،،،،،،،،،، عصمان الاريا مقحمين الدبايل

يا دار وين أهل المهار المشاويل ؟ ،،،،،،،،،،،،،،، هل النزول اللي تعز النزايل

بكيتهم يوم ارتكى قوقي الشيل ،،،،،،،،،،،،،،،،، وذكرتهم يو اقبل الضد صايل

وصاح الصياح وطوحن الهلاهيل ،،،،،،،،،،،،،، وهلت ادموع معكر****** الجدايل

وقلت ابشرن ما دام بالعمر تمهيل ،،،،،،،،،،،،،،، ما دام ما رزت علينا النضايل

لا تبكين الوحدة قِل الرجاجيل ،،،،،،،،،،،،،،،،،، ما دام عين الله علينا تخايل

وظهرت أنا باسم العصاة المشاكيل ،،،،،،،،،،،،،،، لو هم قليل يدركون الجمايل

هم حاصلي لا كملنّا المحاصيل ،،،،،،،،،،،،،،،، غوش الجبل خزني غلامين حايل

باعوا عزيز العمر دون المضاليل ،،،،،،،،،،،،،، وحموا حماها مقدمين الفعايل

قالوا عليهم قلت يزجوا اهل الخيل ،،،،،،،،،،،،، وقهرتهم غصب ووردوا غلايل

واذنيت هجنٍ يقربن المحاويل ،،،،،،،،،،،،،،، هوج هجاهيج اهجاف نحايل

عليكم يطرب قلوب المراسيل ،،،،،،،،،،،،،،،، خفقات رفقات صلاب جلايل

قلايص عوص صعاصع شماليل ،،،،،،،،،،،،، من سلسة نسل السباق السلايل

الصبح مدن كنهن جولة الريل ،،،،،،،،،،،،،،، رفيحٍ علت من فوقها ارجال حايل

وصبح اربعٍ تلفي نزول كما الليل ،،،،،،،،،،،،،،، شمر إليا عدت فروع القبايل

أدنى بالادنى خبروهم بتفصيل ،،،،،،،،،،،،،، لا تسفهون اصفارهم والجمايل

ولازم إليا شافوا اركاب مقابيل ،،،،،،،،،،،،،،،، تلزمهم النشدات عن سكن حايل

قولوا لهم يا مقبلين على خيل ،،،،،،،،،،،،،،،،،،، نجد واهلها يطلبون الاوايل

وين الطَّنايا ؟ وين شرابة الهيل ؟ ،،،،،،،،،،،،،، وين الرجال اللي تشيل الثقايل

وين السيوف اللي نعدل بها الميل ،،،،،،،،،،،،،،، وين الرماح اللي ترد كل عايل

وين النشاما والعصاة المفاليل ؟ ،،،،،،،،،،،،،،،،،،،، وجميع من ضربه تضيع الدلايل

نشرب بهم صافي القراح الشهاليل ،،،،،،،،،،،،،، وننزل بهم غصب على كل طايل

تذكرتهم يوم ارتدم فوقي الشيل ،،،،،،،،،،،،،،،،،، ونخيتهم يوم اقبل الضد صايل

غلبا ترى بلدانكم لبست النيل ،،،،،،،،،،،،،،،،،،،،، تنخى الرجال المكرمين الاصايل

تنخى اهل العادة كرام الاسابيل ،،،،،،،،،،،،،،،،،، يوم التعازي والدخن له صلايل

قلته وانا معكم على العدل والميل ،،،،،،،،،،،،،،، لعل ما نعتاظ عنكم بدايل

تمت وصلوا عدد وبل المخاييل ،،،،،،،،،،،،،،،،،،،، على نبي الحق ما زال زايل

سلامتكم

اتمني تنال اعجابكم

تحياتي لكم"""بـنت الطنايا

[سعود الشمري]

يعطيك العافية يابنت الملوك وصح لسانك

نالت اعجابنا وزود قواك الله

[شمرية رفحاء]

ونعم والله في بنت الطنايا...صح لسانك وتسلمين .

[بنت ملوك]

القلب محروق بالنار مهما الفرح بالدار والدموع فى عيونى انهار
وشكلى ما يصلح لتسرار
من يوم ما شافي حبيبى وانا بانتظار.
مهما الفرح بالدار
والدموع فى عيونى انهار
وشكلى ما يصلح لتسرار
من يوم ما شافي حبيبى وانا بانتظار.

شـكــ وبارك الله فيك ـــرا لكم ... لكم مني أجمل تحية .


تســـــــــــــــلمون على الردور

لكم ودي وتتقديري واحترامي

تقبلوو تحيااتي

[تربوي]

تسلمين والله يعطيكـ العافية ...

[بنت ملوك]

يسلمك ربي

تسلم على المرورك

[عز الخوي]

الله يعطيك العافيه يستاهلون شمر
بس انا لا جيز القصيدة لأن اغلب الأبيات مكسوره
الله يوفقك

[بنت ملوك]

تستاهل الطيب


بس شنو يعني لاجيز موفهمتها يليت تفهمني


يعافيك ربي

وتسلملي على المرور

تقبل تحياتي