من سوآلف مششعآن آلهذآل =)

[آإۈڄآإع]

من سوالف مشعان الهذال
الرمد مرض يصيب العيون ،ويمنع الشخص من الشوف لفترة من الوقت، وان ماتعالج بالشكل الصحيح يمكن يسبب العمى والعياذ بالله ،،
وهذا الفارس والشيخ المعروف ( مشعان بن مغيلث الهذال المتوفى سنة 1240هـ) صابه الرمد
فـ اربطوا عينه بعصابه ، مثل الضماد هالوقت ،
وبعد ثلاث اشهر من الموضوع جرت غزوة عليهم تناخا الرجال وركبت الفرسان ترد الغارة
وصعب هالموضوع على نفس مشعان ، أن يقعد مع النساء في هالوقت ( وهو الفارس)
فـ شال العصابة يبي يحارب، ولكن لما شالها سال الدم من عيونه ، ولا شاف شي قدامه،
فـ رجع الى مجلسه يتحسّر ويتمنى لو شارك مع ربعه في رد الغارة


وقال هالقصيده يوصف حالته ويتوعد باللي بـ يسويه بعد الشفاء


يـا رب عـجل بالنظر والعوافــــــــــي

،،،،،،،،،،،،،،،،وافـرج لـعـيـن قد تدانا نظرهــــا

يا خير مده على الناس ضافـــــــــــي

،،،،،،،،،،،،،،وحمال شدات كبار عبرهــــــــــــــــا

يامن هو امره بين نون وكافــــــــــي

،،،،،،،،،،،،،،وزبني ليا جت ميله من دهرهــــــــــا

تفرج لنا منت هالزمان الكسافـــــــــي

،،،،،،،،،،،،،صارت نقوص وحسرة من حسرهـــــــا

هليت عبرات بصدري خوافــــــــــــي

،،،،،،،،،،،،،منها شجر كبدي تقطع ثمرهــــــــــــــا

تـسـعين ليلة ما تهنيت غـافــــــــــــي

،،،،،،،،،،،،،،كـن الـحماط بموق عيني جمرهــــــــا

وخمسة عشر ليلة جـرالي هفافــــي

،،،،،،،،،،،،،،أزريـت أمـيز شمسها من قمرهــــــــا

يـا حـظ أبو من قام عدل وجافــــــي

،،،،،،،،،،،،،،ومـشـى بريضان ٍ تخالف زهرهــــــا

صـاح الصياح وقيل مامن عوافــــي

،،،،،،،،،،،،،،،وقـامـت ترادي سابقي من سكرهـــا

وقـعـدت انا مـع لابسات الغدافـــــــي

،،،،،،،،،،،،،،،مـا كن جرالي ساعة ٍ في ظهرهـــــا

واركـب واخلي الخيل تذهب مقافـــي

،،،،،،،،،،،،،،،ويـفـرح بي اللي يرتجيني باثرهــــــا

والى لحقت الخيل جاها خفافــــــــــي

،،،،،،،،،،،،،،،عن السهل تركب شخانب وعرهــــــا

اورد بها حوض من الموت صافــــي

،،،،،،،،،،،،،،،ولازم تروي حربتي من حمرهــــــــا

واردها والخيل صم مقافـــــــــــــــي

،،،،،،،،،،،،،،،،،،ويلوذ راعي الدوبلي في نحرهــــــــا

لا واهني من قام عجل متعافــــــــــي

،،،،،،،،،،،،،،،،ومشى بريضان تخالف زهرهـــــــــا

واسلاف تاطا مانبا من شرافــــــــــي

،،،،،،،،،،،،،،،،،،وظعاين كالديحاني شهرهـــــــــــــــا

والـيا ركبنـا الخيل جاهـا هفافــــــــي

،،،،،،،،،،،،،،،،،تـاطا شخانيب الوعـر من ذعرهــــــا

يـا خيلنا يـاما وطـت من فيافــــــــي

،،،،،،،،،،،،،،،،تـاطـا على كالدوح ناعم شجرهـــــا

الـيا ذل عشيّق البنـّي الهلافــــــــــي

،،،،،،،،،،،،،،،،،أقـفـا وخـلا عورتـه ما سترهــــــــا

ورّدتـها حوض ٍ من الموت صافـــي

،،،،،،،،،،،،،،،،،وارويت انا عود القنا مـن حمرهـــا

يتلون أبو مشهور حر سنافــــــــــي

،،،،،،،،،،،،،،،،،لاحام يشبع وحشها مع نسرهــــــــا

وان جاءنهار فيه يـبس الاشافــــــي

،،،،،،،،،،،،،،،،،،،هوايل وتشيب اللي حضرهـــــــــــا

لابدنا بالموقف اللي خلافــــــــــــــــي

،،،،،،،،،،،،،،،،،،لاطار عن بيض العذارا خدرهـــــــــا

حريبنا لو هو بعيد يخافـــــــــــــــــي

،،،،،،،،،،،،،،،،،،،من غارة كدرا منيس نذرهـــــــــــــا

قـول ٍ بـلا فعـل ٍ علينا يشافـــــــــــي

،،،،،،،،،،،،،،،،،يـعـطي لسانـه لسنة ٍ من ذكرهـــــــا

وصلى عل محمد رزين الوصافــــي

،،،،،،،،،،،،،،،،،واله وصحبه بدوها مع حضرهــــــا

[الدب الداشر]

وقـعـدت انا مـع لابسات الغدافـــــــي

،،،،،،،،،،،،،،،مـا كن جرالي ساعة ٍ في ظهرهـــــا


(اللهم إني أعوذ بك من الهم والحزن، والعجز والكسل، والجبن والبخل و الجبن والبخل، ومن غلبة الدين وقهر الرجال ) ..


رحم الله الشيخ الفارس مشعان الهذال ..

وعطاك الصحة والعافية ..

[هند رفحا]

قصه وقصيده رائعه ومؤثره


يعطيك العافيه يآرب

تح ــيتي

[ابوبادي 12]

قصيده جميله ورايعه صح لسانك

[الصرح]

يعطيك العافية

[تورش]

ونعم بشيخ الشيوخ

[محمد المختاري]

ونعــــم بأبــن هـــذال شيـــخ علــى ساس وفعــوله تشهد لــه ونعــم بالويلان ومشكور على القصه والقصيده

[شمـــاليه]

ونعم بأبن هذال وشكرا على القصه والقصيده الرائعتين
لاهنتي