الخيانة

**إحسـاس** · 26 Sep 2010, 08:07 PM

ليه بعتن وانت اعز احبابي !.................... ليه لحظة ما حسبت احسابي !
احسبنك بالوفا ياخاين .......................... شيب عيني يوم ظني خــــابي !
لاتفكر يوم ترجع يمي ........................... خاطري ما اخفيك منك طابي !!
انت منهو ياقليل الشيمة ..................... ما اعرفك ....منت من احبابي
فعلتك ما يفعله بي مسلم ................... ولايهودي ..في بلاد اغرابي
غدرك اللي بالظهر خلاني ................صرت اخاف احب وافتح بابي
صارت الدمعات عندي ضيفة ............. طفلةٍ ..والدمع صار ألعابي
منهو يقرأ قصتي يدعي لي ................. والغلا والحب لا لا ..مابي !
بس ابي ربي يهون جرحي ...............والا راسي ياجماعة ..(شابي) !
.........................................حمامة الوادي

**فزاع** · 26 Sep 2010, 08:39 PM

اولاً. حياك الله يالشاعره بالمنتدى وانا سعيدجداً بتواجدك معناً

ثانياً. صح لسانك يالشاعره

أبدااع واضح والي الامااااام

تحياتي لك.

**إحسـاس** · 26 Sep 2010, 09:23 PM

اخي في الله فزاع : لكلماتك اثر في العمق
ثق من هذا ...

تقديري لك وللمنتدى الجميل

**شامي الدهيمان** · 26 Sep 2010, 09:55 PM

صح لسانك شاعرتنا

بنتظار المزيد

دمتي بخير

**ابوبادي 12** · 27 Sep 2010, 12:12 AM

حمامه الوادي شاعره متمكنه من الشعر ماء شاء الله عليك

**شمـــاليه** · 27 Sep 2010, 02:02 AM

هلاليه جزله من شاعره متمكنه
صح لسانك شاعرتنا الرائعه وننتظر الجديد.. لاهنتي

**الدب الداشر** · 27 Sep 2010, 02:14 PM

لاتفكر يوم ترجع يمي
خاطري ما اخفيك منك طابي !!

.

مرحلة مؤلمة وصعبة ..

صح لسانك حمامة الوادي

..

**إحسـاس** · 27 Sep 2010, 09:55 PM

السلهومي : شكرا جزيلا لكلماتك
ابو بادي : تمكنت من الشعر منذ زمن فشكرا لك وللشعر الذي يجعلنا نفضفض ..
شمالية : تعالي لنتساجل في الشعر غاليتي على الهواء مباشره ولتكن منك البدايه ..انتظر
الدب الداشر : مرورك اسعدني كثيرا

**شمـــاليه** · 28 Sep 2010, 04:26 AM

حياتس وبياتس حمامة الوادي وشاكره لتس الدعوه فيه من هم اكثر ثراء مني شعريا فأنا لازلت بالبدايات
عندك ابو بادي / الدب الداشر / اورنس الشمري / الشاعره غند / سهرانه / همام / كلهم شعراء كبار
0
0

أحببت ان اسألك انتي الشاعر القطريه حمامة الوادي؟

**إحسـاس** · 28 Sep 2010, 11:36 AM

المشاركة الأصلية كتبت بواسطة شمـــاليه

حياتس وبياتس حمامة الوادي وشاكره لتس الدعوه فيه من هم اكثر ثراء مني شعريا فأنا لازلت بالبدايات
عندك ابو بادي / الدب الداشر / اورنس الشمري / الشاعره غند / سهرانه / همام / كلهم شعراء كبار
0
0

أحببت ان اسألك انتي الشاعر القطريه حمامة الوادي؟

الف شكر عزيزتي شمالية على الترحيب

ويسرني معرفة شعراء المنتدى الآنف ذكرهم

اما اني قطرية فلا والله انا رفحاوية ..ابا عن جد وهي المرة الاولى التي اخوض فيها غمار المنتديات ..

ولا اعلم ان هناك شاعرة اسمها كأسمي !!

لك تحياتي وتقديري

**عروووبة** · 28 Sep 2010, 01:03 PM

المشاركة الأصلية كتبت بواسطة شمـــاليه

شعريا فأنا لازلت بالبدايات
عندك ابو بادي / الدب الداشر / اورنس الشمري / الشاعره غند / سهرانه / همام / كلهم شعراء كبار

وأنا ليه ماتقولين اسمى

مزاعلتنك

.
.
هلا ورحب حمامة الوادى
وصح لسانك وعلا شانك
وهلابك بين اخوانك

**شمـــاليه** · 28 Sep 2010, 12:42 PM

حياتس وبياتس مره اخرى
ونعم فيه شاعره قطريه اسمها حمامة الوادي واحسبك هي
لكن كلنا فخر انك رفحاويه

**شمـــاليه** · 28 Sep 2010, 01:13 PM

اوووووووه نسيتس يابعد حيي
والشاعره عرووووووووووبه يا حمامه

**عروووبة** · 28 Sep 2010, 01:40 PM

**إحسـاس** · 29 Sep 2010, 12:54 AM

حياك الله عروبه وتعالي نتساجل في متصفح جديد
ولتكن عندك ومنك البداية ...................

ولن نستغني عن شمالية ..

تقديري ...

ملاحظه ::لم لا يخصص للمنقول باب بعيدا عن قصائد شعراء منتديات رفحاء ؟؟؟
حتى نعرف الشاعر من الناقل ....اتمنى ذلك

آخر المشاركات

الموضوع: الخيانة

أدوات الموضوع

تقييم هذا الموضوع

عرض

العرض المتطور

الخيانة

مواقع النشر (المفضلة)

مواقع النشر (المفضلة)

ضوابط المشاركة