عز الله........................

[الحر]

بسم الله الرحمن الرحيم...


كثير مننا اذا راح للمدن المتطوره يستحي انه يحكي عن ديرته وخصوصا اذا كان من ديره صغيره وقليل من الناس يسمعون فيها.....

وتلقاه يضيع الموضوع باي وسيله المهم انه ما يجيب لها طاري ...فشله بحقه انه ينتمي لذيك الديره الصغيره....
وهو جالس مع شباب الرياض والا شباب جده المدن الكبيره .....وتلقاه يحلم يكون من اهلها...ولا والامر من ذا كله انه يتمنى فراق ديرته اليوم قبل بكره....وانا لرحت عن ديرتي يوم مدري وش يصير بحالي....








هذه القصيده اهداء مني لمثل هذا الشخص ..واتنى انه يغير رايه ويفتخر بارضه وديرته...











عز الله


عز الله أرجع لك من قال اني تخليت................ وتراب أرضك والله لاحبه صامل.


نار تشتعل حولي وش السواة اكتويت؟............. ولاينفع الماء ولاتقول يا أخوي عازل.

بي جرح ينزف مابرى لو تداويه................. تدري بدواي عاجل بعلاجي عاجل.


لجا طاري فرقاها أحس اني تهاويت.............. وأحس اني مدري وش صابني خامل.


يا عزوتي ياللي في ضعفي بك تقاويت............. وفي عمري فدوة لك وللروح باذل..


وما اظن اني في يوم بنسى لك لو تناسيت .......... خير بتراب أرضك و من السما نازل.



وأنا من اليوم بنسى كل وكل ما تمنيت ............. وأبذكر شي واحد ما ليدي عنه غاسل.



أرض بها طاح سري ومن خيرها كليت.......... ملكت الروح وش عساي لجميلها فاعل؟



بالاخلاص والعزم والمحبه لأجلها تفانيت.......... يالله الصحه لأجل أرد لها الجميل كامل.



رفحه الدم وأنا العرق ومنها ارتويت.............. ولـو ينقطع العرق بتلقـى الدم ســايل.



لك يادار أستقصي الخير ولو تعنيت ............. وقاد الجمر بيدي لك مابين شاب وشاعل.



يالمستحي من ديرتك علامك تنحيت ............... اقرب ..لا يهمك وسولف بها وجــادل.



ولشفت انك على البر هجدت و ارتسيت .............. تذكر يوم كنت لذكرها وحبها خاذل.



انتخي لأرضك وصن محواها وقل نويت............. لا تجحد النعمه وتدري بخيرها شامل.



رفعة الراس ماهي بشهاده وقولة تخطيت.............. وما يهمني لو قالوا عني.. ذا الفاشل.



الأهم اني غظت العدا وكدت وتشفيت ................ يوم قالوا وش لاقين بها ؟ هو عاقل؟



رفعة الراس بأرض حوتك ولها حويت ............... وتقاسمتوا العيشه مابين مر وعاسل..










وسلامتكم....
اتمنى انها اعجبتكم...

[$الوميض$]

يعطيك العافيه أخوي الحر...

بصراحه طرح قيم للفكره

والله لا يبارك في شخص كلا من خير هالارض

وعاش فوق ثراها واستحى من انه انتمى لها..

كلامك كله جميل ومممممممتاز

بس القصيده ورغم روعة فكرتها

الا ان الوزن خذلك شوي فيها

وكذلك القافيه في بعض الابيات

شكرا لك عالعموم

الوميض

برب

[هرطمان]

السلالالالالالالالالالالالالالالالالالالالالالالال الالالالالالالالالالام عليكم

مشكور اخوي الحر على هاذي المشاعر صوب مدينتك رفحا

صح لسانك


اخوي الوميض

انا مع النقد وبه نتجنب الاخطا السابقه فشكرا لك

لاكني لا اشوف في نقدك عن الوزن والقافيه


الوزن قد تستقيم بعض الابيات النبطيه ونظنها مكسوره لانه الحكم على البيت الشعبي يحتاج للسماع احيانا

نعم نستطيع الحكم على المكتوب لكن ليس كوضوح المسموع
وانا هنا لا ازكي الوزن ولا انفي كلامك او اقول انه خطا وما معي وقت الحين كافي لوزن كل بيت



لاكن القافيه سليمه لا ارى فيها اي مجال للنقد
انت تقول كذالك القافيه في بعض الابيات
هو شطر من بيت وليس الا خطا املائي ومعناه يدل على صحته
هو الشطر الاول بالبيت الثالث
بي جرح ينزف مابرى لو تداويه............. تدري بدواي عاجل بعلاجي عاجل.
(تداويه) اعتقد انها تداويت
بتاء المتكلم
وليست ضمير المخاطبه
بدليل انه يطلب من المخاطب ان يعاجل بعلاجه ويعاجل
ولو كان يقصد (ما برى تداويه) كان مافيه فايده من طلب المعاجله لانه وضح انه ما برى لو تداويه

المعذره على الاطاله والسموحه كان اخطيت