خفيف نفس وشيخ ولعة ناره

**القروي** · 31 Jan 2005, 03:24 PM

[align=justify] ابيات اعجبتني واحبيت نشرها للأخوه القراء الاعزاء وذلك بعد اخذ الموافقه المسبقه من صاحب العلاقه فأليكم البيوت نأمل اننا قد شاركنا بما يرضيكم لقا جهود القائمين على هذا الموقع العزيز الذي يستحقون الشكر عليه .
قال الشاعر حلو بن فرحان المرّوب هذه الابيات وهو كما يقول لايعني بها احد مخصص ولكن يريد الكثير من شيوخنا الاعزاء التسابق على كل مافيه الخير لجماعتهم وكما قال المثل ( المعنى في بطن الشاعر) والمعني الئيسي بهذه الابيات يستاهل المديح وعسى شكله كثر
[align=center][align=justify]
قال المروب حلو واختار بشـــــــــعاره اول كلامي قبل ماقول باسم اللــــــــــــــــه
ياراكب الي جديد وتو بغبـــــــــــــــاره قدر المربّع كما الباكيت شكللـــــــــــــــــه
يادق سلفه وفر السير ببكـــــــــــــــاره ضحكة هنوف يداعبها عشيرلـــــــــــــــــــه
له وقفة ياوقف يازين منظـــــــــــــــاره كنه يمثل ولي العهد عبداللـــــــــــــــــــــــه
الجيب ماظن غير الجيب ســـــــــــــياره ياراح كنه يسابق بالوطا ظلّـــــــــــــــــــــه
له سرعة يامشى بالحيل جبّـــــــــــــاره يلحق بجول القطا لييوما بجنـاحلــــــــــــه
ابيض على بعد لونه تقل جمـــــــــــــاره خص لياعرض لياراعيت تفطلّـــــــــــــــه
واندش بارض غراز وحكمتـه حـــــــاره يسعد حجاج الدريول يوم يدبلّـــــــــــــــه
هدير سيل تظايق وســـــــط عبــــــــاره اندق فيه الدبل سواقــــــه وتلّـــــــــــــــه
مني مكلّف لأبن عردان باخبــــــــــــاره ماني موصف محلّـــــــــه كل يدلّـــــــــه
تلقى المسايير وســـــط البيــــت دواّره عند ابو فارس جميع الربع تعلّلـــــــــه
خفيف نفس وشيخ ولّعـــــة نــــــــــاره ودكتور علم ودرب الطيـــــب طبعلّــــــه
ساســه رفيع ومن عمدان ســـنجـــــاره جده خذى الطيب من دقه ليا جلّــــــــه
زبن المواليف ليا حنت علـــى حـــــــواره برجس ليا حلّ طـــــــــاريّه ونعملّــــه
وبدر تميّز وبان بشــاره وشـــــــــــاره قولة هلا والشّحم والهيل بالدلّـــــــــه
خذا المراجل وغلّق دونــــــه ازراره ما قلتهــا مجاملــــــه يشهد علي اللـــه
كما مضيف بناه وشـــاعة اخبـــــاره تلقى به الناس مختلطه صنوفلّـــــــــــه
شفت الخســاره على ماحاش يختـاره ماله تفــاسير غير اقول طبعلّــــــــــــه
الشيخ ياشاخ ودك مثل مقــــــــــداره هذا هو الشيخ مقداره فعوللّـــــــــــــه
والا بعض شيخ ودك شيخ للحــــــاره بالاسم شيخ ولا تظفي عباتلّـــــــــــه
لو مالختم ماسكـــــه ماوخذت اشـــواره لو كان ابوه المســمى مــاهو كفولّــه
لوهي مراحيل كان خلي على داره مار المعازيب عزّوه بمحلـلّــــــــــــــه
ماقصد بها شخص بالتحديد لو صـــــاره والي مشك يغير منهجه كلّـــــــــــــه
والا يتطعم ليا سمعه من امــــــــــراره مسمومة يبلش الدكتور في حلّــــــه
يشيلها شيل فوق الرأس معيـــــاره الي يشوفه تناسب مع وصـــوفلّـــــه[/align][/align][/align]

**رفحاوي** · 01 Feb 2005, 06:30 AM

صح لسانك ولسان الشاعر.

يا ليت يحذف هالبيت :

له وقفة ياوقف يازين منظـــــــــــــــاره كنه يمثل ولي العهد عبداللـــــــــــــــــــــــه

ابو متعب اكرم واعز واغلى من نشبهه بسيارة.

**ليث** · 01 Feb 2005, 04:21 PM

صححححححححححححححح السانك

ويعطيبك العافيه

**القروي** · 02 Feb 2005, 05:10 PM

المشاركة الأصلية كتبت بواسطة رفحاوي

صح لسانك ولسان الشاعر.

يا ليت يحذف هالبيت :

له وقفة ياوقف يازين منظـــــــــــــــاره كنه يمثل ولي العهد عبداللـــــــــــــــــــــــه

ابو متعب اكرم واعز واغلى من نشبهه بسيارة.

وجهة نظرك على العين والرأس ياعاشق رفحاء ولكن كما تعلم انه اي شئ يعجبك مهما كان حجمه توصفه بأكبر واطيب ما بالوجود هذا هو سبب التوصيف مع تقديري لوجهة نظرك وشكرا لك [flash=. القروي]WIDTH=400 HEIGHT=350[/flash]

**القروي** · 02 Feb 2005, 05:15 PM

المشاركة الأصلية كتبت بواسطة ليث

صححححححححححححححح السانك

ويعطيبك العافيه

كلك ذوق يأسد .......القروي

**الدب الداشر** · 03 Feb 2005, 05:52 AM

راائعه يالقروي

رائعه من كل قلبي

إلى الأمااااااااااااااااااااااااااااام

احسنت اخي

آخر المشاركات

الموضوع: خفيف نفس وشيخ ولعة ناره

أدوات الموضوع

تقييم هذا الموضوع

عرض

خفيف نفس وشيخ ولعة ناره

مواقع النشر (المفضلة)

مواقع النشر (المفضلة)

ضوابط المشاركة