اللي يبي يصير مشرف .. وش يسوي ؟ !!!

**نادر** · 19 Jul 2005, 03:48 AM

أخواني إدارة المنتدى ...

ممكن سؤال ...

اللي يبي يصير مشرف على أحد الأقسام وش المطلوب منه ؟ !!!!

طبعا غير :

1 / ملف علاقي ..

2 / خبرة في الأنترنت لاتقل عن 200 سنة .

ملاحظة :

أنا معي واسطة قوية تهز .. هز

تدرون منهو الواسطة ؟

الدب الداشر ..

ترى إذا ماحطيتوني مشرف أخلي الدب الداشر يحطكم مع القائمة اللي أعلن عنها بتوقيعه ...

دبدبوبي الحبوبي : جب البشت وأكشخ به نبي ننصلق على الإدارة غديهم يوظفوني عندهم ..

عن جد ياحضرات المديرين ...

وش المطلوب من الشخص اللي وده يصير مشرف ؟ !!!

**ابو مشعل** · 19 Jul 2005, 03:51 AM

سوعال مهم يا اخ نادر بس دورلك واحد(ن) تفزعبه غير الدب

**الصريح** · 19 Jul 2005, 04:08 AM

[align=center]وعند الاخوة المشرفين في الخبر اليقين[/align]

**رفحاوي** · 19 Jul 2005, 06:01 AM

الدب الداشر يا رضي صرت مشرف وانت واقف ...

بس وش تبي بالاشراف ؟!!

خلك حر كل يوم بديرة وتغرد على كيفك (طبعا بحدود) ...

**الدب الداشر** · 19 Jul 2005, 10:55 AM

حجي ناااااااادر

أنا مطلوب بالمنتدى أنت إذا أفتكيت مني ترااك بخير صدقني

((وبعدين الإشراف إرتبااط وبلشه بالنسبه لي أبغي مثل ماقاال الحجي رفحاوي أصر حر و "أمقّس" على كيفي لأن خطأ المشرف أكبر من خطأ العضوووو))

وصر كويّس ويقيناً تصير مشرف

يالله ورنا ركضك

**نادر** · 19 Jul 2005, 04:43 PM

أخي أبو مشعل :

الدب هاليومين صاير مثل قوات حفظ السلام ..

يعني مسوي هيصه وليصه على مايقولون ..

بس هقوتي أني أبي ادور واسطة غير دبااااااااان

**نادر** · 19 Jul 2005, 04:45 PM

الأخ الصريح ..

يبدو ان المشرفين ( الإدارة ) مطنشين ..

بس عسى الله يجيب مطر

أشكر لك مرورك

**نادر** · 19 Jul 2005, 04:48 PM

هلا أخي رفحاوي

أقسم بالله العظيم لو يعرضون علي الإشراف ماأوافق ...

لكن انا كتبت الموضوع بشكل عام وتكلمت عن نفسي حتى يردون علي الإدارة لكن للأسف .. إلى الآن مافيه رد منهم ..

أشكرك أخي الكريم

**الدب الداشر** · 19 Jul 2005, 05:32 PM

نادر

خلااص جب ملف علااقي وأربع صور 4*6 مكشوف الرأس بعدين نرسلك على الجرواني يسوي لك فحص ((فحص عسكري))

وأبشر بالواسطه اللي تسكر الجوال قبل التقديم بليلة هع هع هع

**نادر** · 19 Jul 2005, 08:05 PM

دبدوبي

إذا على الجرواني من هالحين أنا ناجح ... >> أعرفه زين <<

بعدين لو تقفل الجوال تلقاني مرابط عند باب بيتكم والله ما أخلي كندي وجود وبيت الشاورما وكرمال يجونك ...

تحياتي ياغناتي

**أجا وسلمى** · 19 Jul 2005, 10:39 PM

ليه كل هذا ايها النادر تبي تذبح دبنا من الجوع

يعني على شأن انك عارف انه مايصبر عن الاكل

تمسكه مع يده اللي توجعه حرام عليك

**المحارب** · 20 Jul 2005, 12:52 AM

والله يا نادر ما بها من الطربات شىء طع شور دبدوب وخلك حر طليق امقس على وجهن اصبح

بس الظاهر فئة يحبون السلطه بسكون الام لكن ربك ابخص

**الدب الداشر** · 20 Jul 2005, 06:19 AM

توّك صدت الوااسطه

((لاتنسى الفرسان ترى عندهم برستد يجنن))

**نادر** · 20 Jul 2005, 10:57 AM

أخي أجا وسلمى .. وش أسوي ياخوي ؟ دبدوب ماينفع به الا كذا ..

مشكور يالغالي على مرورك

**نادر** · 20 Jul 2005, 11:00 AM

أخي العزيز : المحارب

والله أدري أن مابها من الطربات شيء ..

أقرأ الرد التالي :

المشاركة الأصلية كتبت بواسطة نادر

هلا أخي رفحاوي

أقسم بالله العظيم لو يعرضون علي الإشراف ماأوافق ...

لكن انا كتبت الموضوع بشكل عام وتكلمت عن نفسي حتى يردون علي الإدارة لكن للأسف .. إلى الآن مافيه رد منهم ..

أشكرك أخي الكريم

مشكور يالغالي .. ومثل ماقلت .. مافيه أحلى من الحرية

آخر المشاركات

الموضوع: اللي يبي يصير مشرف .. وش يسوي ؟ !!!

أدوات الموضوع

تقييم هذا الموضوع

عرض

اللي يبي يصير مشرف .. وش يسوي ؟ !!!

مواقع النشر (المفضلة)

مواقع النشر (المفضلة)

ضوابط المشاركة