عصبي فتح منتدى جديد شوفوا شروووطه.

**فراشه منحاشه** · 13 Mar 2009, 12:56 PM

السلام عليكم

(عصبي فتح منتدى جديد شوفوا شروووطه..)

لقد تغيرت شروط التسجيل في المنتدى ....
وتم تغيير مسمى المنتدى لتواكب مرحلة ما بعد الحرب الباردة
اعرفوا الشروط زين....وافهموها....
واللي ما يبي هالشروط جعل اصابعه اللي طقت على الكيبورد
الكسر...
ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا.
بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع....
فاللي يبي يسجل معنا يوافق على الشروط من ورى خشمه ....والشروط هي...
1- اللي يسب اي واحد من الاعضاء بنجيه وبنربط حواجبه في صدامات الهايلكوس
وبنروح ونطعس فيه باقرب طعس...
قايلكم حنا ما نلعب
2-اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....
وابحجز له على اقرب رحله على طياره ترش الجراد وابرقي فيه على ارتفاع 50000 الف قدم
وبرضخ به على خوص نخله...علشان ما يعود لها.....
قايلكم حنا ما نلعب
3- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....
فهمتوا ولا افهمكم...
4- مسموح كلمة وجع عمى بلا للرد والتعقيب
.فهمتوا...صح ولا ماهو صح...قولوا صح لابارك الله بالساعه اللي جمعت هالخشش
فيها...واللي بيزعل بنخربط وجهه ونخليه يطالع في المرايه ويطلع الاخطاء التسعه
عشر....ايه تسعطعش...ساحتنا وحنا حرين فيها
5- اللي بيسجل باسماء قبايل وعوايل...ولا مخله بالادب....هذا بنوديه لا اقرب حكيم وبنكويه
من علبااااه..وبعدين بناخذه لأقرب جليب...وبنغطسه وبنطلعه...ونغطسه ونطلعه الين مايقول....
ان الددسن سياره... قايلكم ما نلعب...
6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما
انطحن....تراي ابطحنه له....واذا فيه خير يقابلني وين ما يبي....
ملاحظه......
اللي بنكتشف انه رجال مشورب ويكتب باسماء بنات...ولا بنات تكتب باسماء رجاليه هذولي بنخلي
خششهم كلمات متقاطعه يصعب حلها.....والله ما يضرب بعصا يا سرع طيحتهم
موافق.................
غير موافق...............
واللي فيه خير يكتب غير موافق..............
اتمني مايكون مكرررررررر
منقول لذمة

**حارة الفقراء** · 13 Mar 2009, 02:54 PM

هههههههههههههه الله يعطيك العافيه

**ابونايف** · 13 Mar 2009, 10:23 PM

هههههههههه

هذا خارج التغطيه صاحب الموقع ...

**رفحاوي** · 13 Mar 2009, 10:28 PM

وعليكم السلام ورحمة الله وبركاته
محاولة ولكن !
أترك التعليق للأخوين العزيزين حمود و عبدالملك...

**عاشق الطيب** · 14 Mar 2009, 12:24 AM

لاو الله ابضغط غير موافق بالمنتدى الأقشر

**فوزي الشمري** · 14 Mar 2009, 05:23 AM

هههههههههههههههههههههههههه

الله لايودينا له....مشكورة اختي فراشة,,,

**فراشه منحاشه** · 14 Mar 2009, 09:38 AM

تسلمون علا مروركم الكريم

**kermalk** · 14 Mar 2009, 10:43 AM

هذا على قولتهم صدره ماتمرغ به النمله

يسلموا فراشه

**فراشه منحاشه** · 14 Mar 2009, 01:03 PM

مشكوره اخواني وحياكم

**فراشه منحاشه** · 16 Mar 2009, 05:35 PM

وين البنات والشباب وين الردود وش فيكم نايمين

آخر المشاركات

الموضوع: عصبي فتح منتدى جديد شوفوا شروووطه.

أدوات الموضوع

تقييم هذا الموضوع

عرض

عصبي فتح منتدى جديد شوفوا شروووطه.

مواقع النشر (المفضلة)

مواقع النشر (المفضلة)

ضوابط المشاركة