بقايا الرجال /لنواعم

[شامي الدهيمان]

السلام عليكم

فيه وحده معزومه على زواج ويوم الزواج قامت الحرمه وتروشت وتنظفت وسرحت شعرها احلى تسريحه وسوت مكياج حلو ومرتب ولبست احلى فساتينها وتعطرت وتبخرت وبعد ماخلصت اتصلت في زوجها وقالت له اني خلصت
قالها زوجها دقايق واكون عندك شوي واثاري زوجها قدامها
الرجال يوم شافها اعجبته لانه المسكين مايحصله يشوفها مرتبه الا في المناسبات
المهم طلبها زوجها تترك الزواج وتجلس معه وقال لها ابغى اخليها احلى ليله وراح اعوضك عن الزواج قال لها اجلسي معي وننبسط ونسهر ونجيب عشاء من المطعم الزوجه وافقت

قال لها زوجها ابغى اروح اجيب العشاء علشان ما اطلع راح الرجال مستعجل وجاب العشاء ودخل بيته وش شاااااااااااااف قدامه
ا
ا
ا
ا
ا
ا
ا
ا
ا
ا





























































الحرمه فاصخه فستانها ولابسه قميص قطن من حقات البيت وغاسله المكياج وفاكه التسريحه وحاطه في شعرها زيت ورابطته



الرجال عصب وسالها ليش غيرتي ملابسك وليش سويتي في نفسك كذا
قالت الفستان ضايقني وانحشرت منه وغسلت المكياج ماله داعي وزيت شعري عقب الرغوه والاستشوار تصدق توي احس في الراحه يوم لبست هالقميص

قام الرجال يهاوش وقالها الزينه بس للناس وانا زوجك ما تهتمين لي
وقال والله ماتذوقين العشاء والحين تقومين قدامي للزواج وتدخلين عليهم كذا وانتي في شكلك هذا والا ما راح تجلسين الليله في البيت حاولت فيه الحرمه ماقدرت لانه حلف
وفي النهايه مالها حيله قامت ولبست عبايتها ودخلت في الزواج كانها شحاذه وتركها الين اخر الليل وكل الي في العرس شافوها هي اجلست في عبايتها ما فصخته خجل خجل

[رفحاوىصميم]

سلمت والله يا السلهومى ويا ليت ام الجعافر تقرأ موضوعك.

ماشاء الله عليك يا السلهومى اليوم مروق على اللآخر ومنور المنتدى بها المواضيع اللطيفه والخفيفه. devilish

[شامي الدهيمان]

شكراً على المرور اخي رفحاوي والمنتدي منور بوجودك انت وباقي الاعضاء


ومن ناحية مروق فعلً مروق لني تو عائد من الاجازة بس فاقد بعض الاعضاء عسى ماشر لني صار لي حوالي شهرين مادشية المنتدي ولكم وحشه


تحياتي للجميع

[رفحاوىصميم]

السلهومى الف الحمد لله على السلامه وانشاء الله اجازه سعيده.
المهم نبى نقوم بواجبك ونعزمك حدد الموعد اما عشاء او غداء حسب ظروفك وين تفضل البر او في البلد رفحا.
لزوم توافق الله يحفظك .

[شامي الدهيمان]

الاخ رفحاوي صميم يعطيك ألف عافيه وجعلك على القوه وهذي من اردى فعايلك

ومتلاحقين انا وياك

ألف تحية

[رفحاوىصميم]

السلهومي الغالي سلام الله عليك ورحمته وبركاته.

شكرا لقبولك الدعوه وقبلنا عذرك باننا متلاحقين ولكن لا اقبل عدم تحديد الموعد ابدا والله لك فى القلب غلاوه