قال ايش زوجونا بنتـكم !!

[noor]

[align=center]صراحه وبدون مقدمات

انعزمنا على زواج ناس لكن ماحضرنا لأسباب خاصه ( اتركوا الشفاوه )

وبعد فتره اتصل رجل بنت هالناس على اخوي يقول ابيك تدور لي وظيفه !!

نفسي افهم دامك ماتوظفت ولا حصلت وظيفه

وشلون تزوج !!

من دفع له مهر !

فوق هذا كله من بيصرف عليه هو وزوجته

الواحد يالله يسدد فاتوره البنزين وش عاد فواتير الحريم !!

.
.
.

ونفس هالشئ يتكرر

كذا وحده تخطب واذا سألناها وش يشتغل الولد قالت توه متخرج ويدور وظيفه !!

قال ايش يدور وظيفه

عساني بتحراه يدورها والا اقعد افحط معه ادور له وظيفه !!



انا ماني ضد تزويج الشباب بدون وظيفه مادام عنده دخل

لكن واحد حافي منتف بالله وشلون بيفتح له بيت

ياناس ياعالم !!

الزواج مو زواج وبس !!

الدنيا تغيرت والاحوال تبدلت

يعني الـ 3000 مايكفن لنص الشهر وش عاد لو بأقل !!




دونوا لي رأيكم

مع أو ضد تزويج الشباب بلا وظيفه !!





لا احد يفهمني غلط !!



نور بلا لمبات ..[/align]

[المحارب]

هلا بنور
الشاب يتخرج ويتوظف ويكون نفسه وبيت الخ وبعدين يتزوج
نسأل الله الهدايه للجميع
من زود العنوسه طلع علينا زواج المسيار
وشروط الزواج جعل الشباب يبحثون عن البديل ؟
هذا منافيا للشريعه هناك حقوق للمراءه وواجبات للرجل ان كان قادرا عليها فما الذي يمنع ؟ اما كماليات الحياة فهي زائفه
المهم الزوج الصالح وقد يندر في هذا الوقت العصيب والزوجة التي تقدس الحياة الزوجيه فقد عاشت اجيال وامم قبلنا والله الرازق والاحاديث والايات في هذا السياق كثر
الزواج ستر للذكر والانثى ( من استطاع منكم الباءة فاليتزوج )

[نادر]

هلا نور بدون لمبات

عندي سؤال :

لو الشاب ماعنده وظيفة ولا مصدر دخل ولكن لايستطيع الصبر على هذه المغريات التي يشاهدها يمينا ويسارا ..

فماذا يفعل ؟ ! !
نعم .. أنا معك أنه لازم الشاب يكون معه شيء يستند عليه في بداية مشوار الزوجية ..

خصوصا مع تكاثر متطلبات الحياة وصعوبة توفير المستلزمات وتهافت الناس وتنافسهم في المظاهر و(الفشخرة )


ربما تكون لي عودة مرة أخرى ..

[محايد]

[align=center]اتفق معك يا نور ان الزواج بدون عمل وبدون مصدر رزق سواء للزوج او الزوجة سيتسبب بوجود متاعب للطرفين [/align]

[الافندى]

اهلا بك نور ونوّر المنتدى بنور ... لي مداخله واضم صوتي لصوت من سبقوني في مداخلاتهم
وجهة نظر :- " من استطاع منكم الباءة فليتزوج "
اجماع علماء الاجتماع والنفس وان لم يكونوا إسلاميين على الزواج المبكر .
ولكن الخطأ الذي تقع فيه البنات اواولياء الامور هو أنهم يريدون من الزوج أن يكافح ويحصل على الشهادة ويمتلك المنزل والسيارة والدخل ثم يأتي لخطبة البنت ، لكن أن تشاركه البنت كفاح الحياة ، وشغف العيش ،وصراع الوجود وتخطي العقبات فذلك ما لا تقدم عليه بعض الأسر ، وهذا شر البلاء ومنشأ الخطأ ويحرم الزوجة من التفكير في الوفاء لها عندما يحلو العيش بعد مرارته، ويحرم الزوجين من النشوة بذكريات تخطي العقبات ، والتلذذ بزلال الماء بعد ملوحته .
وعلى المرأة الصادقة مصارعة الشدائد مع الرجل والد أولادها و تقول زوجوني الشاب الفقير ، لنشق الطريق سويا ولا تزوجوني من جاءني متباهيا بماله كأني سلعة يشتريها .

[فهد محمد]

مراااااحب اخوي نور .

كان هذا رايك اجل يبطووووووووون الشباب مايتزوجون


والحريم تعنس والفساد ( الله يحمينا ) يكثر


واعتقد ان نسبة البطاله بين الشباب اكثر من سبعين %


حبيبي الزواج من الامور التي يباركلك الله في فيه


اعقلها وتوكل [ نداء الى كل صمل ]


اخوك : فهد محمد

[واحد ^ مؤدب]

السلام عليكم ورحمة الله ... أختي نور ..

أقول وبالله التوفيق وبعيدا" عن المثاليات وهربا" من واقع الجرائد وبعض المجلات ...


* غلاء المهور ( يعني حتى لو الشاب ما عنده وظيفه وقررو الناس الي حواليه مساعدته ما يستطعيون بسبب الغلاء في المهر وتكاليف الزواج وكمالياته .. المبالغ فيها ) ..

* بصراحه شباب اليوم تفكيرهم تغير وأخشى أن الغالبية منهم اتجهو الى سياسة ( كوني صديقتي ) وهذا سببه الرئيسي ضعف الوازع الديني وكذلك بسبب ما تبثه الفضائيات لنا من سموم ...
وجهة نظر قابله للمناقشه ... لكم تحياتي ..

[الدب الداشر]

أضم صوتي لصوت الأخ ناااااااااااادر

كلااااااااام سلييييييييم حجي ناااااااااادر

[الباز2222]

مو لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالاوم يتزوج .................................................. ........................... بنات الناس مو لعبه .................................................. .................................. انتهى

[abdullahem]

الله يعينه
أدعوله
وعليه بالصيام