بشرى ســـــــــــــــــــــــــــــــــــــاره

[alganas]

بسم الله الرحمن الرحيم

اتفاق سعودي إندونيسي يخفض تكاليف استقدام العمالة المنزلية إلى 6 آلاف ريال كحد أعلى
أزمة لجنة الاستقدام بمجلس الغرف تصدت لابتزاز سماسرة الاستقدام في إندونيسيا
[gdwl] أوقفت اللجنة الوطنية للاستقدام بمجلس الغرف السعودية تعاملها مع اتحاد ابجاتي أحد اتحادات العمالة الاندونيسية، وذلك خلال إجراء وفد رفيع المستوى مثل اللجنة مؤخراً في مفاوضات لوقف ارتفاع أسعار الاستقدام التي رأت اللجنة أنها متواصلة بدون مبررات ويجب العودة إلى أسعار معقولة.

وعلمت " الرياض " من مصادر موثقه بان اتحاد ابجاتي اخذ يماطل ويطالب بزيادة التكاليف أكثر من الحالية مما حدا بوفد اللجنة إلى إيقاف التباحث معه، واستمرار التباحث مع اتحادي ايديا وهمساتاكي.

وتوصلت اللجنة إلى ضرورة تحديد عمولة المكتب الاندونيسي الذي بناء على تحديدها سيتم تحديد عمولة السماسرة الذين يقومون بجلب العمالة من القرى.

واتفقت اللجنة مع اتحادي ايديا وهمساتاكي على آلية عمل جديدة حددت بدايتها في أول شهر رمضان المقبل، اذ ستنخفض رسوم استقدام العمالة الاندونيسية الى 6 آلاف ريال كحد أعلى لتنخفض إلى ما نسبة 20% عن الأسعار الحالية والتي تصل إلى 7500 ريال.

وقالت المصادر: " بموجب الاتفاق الجديد ستتم إعادة تسجيل مكاتب الاستقدام الاندونيسية بالسفارة السعودية ومنحهم بطاقات جديدة بعد أن يحضروا خطاب اتحاداتهم أنهم علموا بالاتفاق الجديد وملتزمون به ".

وتابعت المصادر: " سيقابل هذا التنظيم تنظيم آخر من قبل اللجنة الوطنية للاستقدام داخل السعودية إذ دعت اللجنة كافة مكاتب الاستقدام بالمملكة لحضور اجتماع موسع يوم غد الأحد اشترطت فيه أن لا يحضره إلا صاحب المكتب شخصياً ومعه أصل ترخيص مكتبه، حيث سيحاط الحضور من قبل اللجنة بالنظام الجديد وآلية عمله ومن ثم سيمنح صاحب المكتب بعد التزامه بالتنظيمات الجديدة خطابا للسفارة السعودية بجاكرتا لكي يستطيع الاستقدام.

وكان سماسرة الاستقدام في اندونيسيا قد واصلوا عمليات الجشع والابتزاز المالي على مكاتب الاستقدام السعودية برفعهم للعمولة الخاصة بهم من 700 دولار الشهر الماضي إلى 800 دولار الشهر الحالي مما أزم الأمور وجعلها أكثر تعقيدا.

الجدير بالذكر أن وفد اللجنة الوطنية للاستقدام بمجلس الغرف السعودية إلى جاكرتا ضم كلا من رئيس اللجنة سعد البداح ونائبي الرئيس محمد المحمدي ومنيف الدهمشي وإبراهيم الصايغ وعبدالمعين الأحمدي وشارك بالمباحثات سفير السعودية بجاكرتا عبدالرحمن خياط ورئيس القسم القنصلي بالسفارة عبدالعزيز الرقابي.

وكشفت مصادر عاملة في سوق الاستقدام بالسعودية عن تحديد سقف أعلى لتكاليف استقدام العمالة المنزلية بحيث لا يتجاوز ال 6 آلاف ريال على المستهلك غير تكاليف التأشيرة لتنخفض بنسبة تصل إلى 20% عما عليه التكاليف الحالية.[/gdwl]

[عروووبة]

إذا أشتهوا يعرفون يتصرفون
ولو أن هالتجار ماتضرروا كان ماشفنا هالخطوة . . .

بس زين اللي حشروهم

.
.
اللهم زدنا رخصا على رخص
وحنن قلب من ولى للمسلمين أمر


جزآك الله خير
أخي الكريم

[شمـــاليه]

كويس قدموهم والله مقدمين في 10 الاف وخمس ميه
بشرك الله بالجنه

[ابو متعب]

عساهن ما يطبن بيت رفيق

ما بهن الا المغثه

من جد تستغرب وش فايدة الزوجة؟

يعني ما غير أكل ومرعى وقلة صنعى

[شمـــاليه]

ابو متعب
اذا هي موظفه وبمدرسه ثانويه ولا تجي الا 2 الظهر والا وراها طريق ماتوصل الا 3 ونص
وش تسوي؟
ومثل حالاتنا امي معها روماتيزم ولا تقدر تقوم بشغل البيت واختي الصغيره بسادس
والباقي الله يسلمهم عيال وانا لي ثلاث سنين ماسكه طريق وش نسوي بالله؟
0
0
صحيح مغاثهن اكثر بس مضطرين الحين لنا شهر ماجت الجديده ومتكسفين :(
لكن الغير موظفات تقدر تقوم بشغلها وشغل بيتها لان ماوراها شغل غيره

[عروووبة]

ابو متعب

أبشرك ماداجن بيتنا

مير ودنا نجرب الراحة شوي

عاد صارت عند الناس برستيج
تصدق لما يدرن صديقاتي أن ماعندنا شغالة
ياكلني بالشماتة . . . . تقل مسويه جريمة

لدرجة أنى أبى ؟أحلف (( والله والله ما نعيدها ))

وش نسوي الشايب مايحبهمش

.
.

[ابو متعب]

يستثنى من تعليقي السابق من هن بوضع شماليه

أقصد بعضهن لا شغلة ولا مشغلة ولا عندها الا طفلين وطاقين شغالة

بمعنى آخر أعني الفسقانين وليس المنحدين والله أعلم

[شمـــاليه]

عروبه حنا طولنا ماجبنا بس كان فيه خواتي ماسكات شغل البيت وامي بعد كانت نشيطه
الحين مافيه وغير كذا دوامي ونظامه الشين..
الحين لنا شهر مابوه شغاله..
اجي اغسل المواعين واكنس ومرات اشغل اخواني معي بالشرط خخخخ
الله يعين..

[عروووبة]

وأنا ماتستثنينى طال عمرك

والله رمضان هالسنة حر موت . .

طالبينك
يابو متعب
طالبينك

[شمـــاليه]

الموظفات اذا كان معهن اطفال ضروري شغاله
بس اللي ماعندها اطفال ماهو ضروري يعني الشغل تاخذه شوي شوي
بس الفساقا هذي اللي ماله دوى
شاكره لك توضيحك ابو متعب

[ابو متعب]

عروووبة ...

عاد انتي بتعين خير الشغالة اذا جتكم ما غير انتي تشتغلين وهي حاطتن رجل على رجل

مثل شغالتن جبتها للوالده الله لا يعيدهها من شغالة ما غير متكية وامي تشتغل واجي حدى المرات بالصدفة:d

الا امي قاعده تقهويها الصباح والخدامة مطنقرهـ ومالها نفس عالصبح شوي الا الوالده ترووح وتجي

والشغالة تتقهوى خرمانة عالصبح وانا اللي اشيلها وعلى مطار رفحاء ولا أمسّت الا بجاكرتا

[عروووبة]

أبو متعب
وربي متت ضحك
أسعد الله قلبك على هالسالفة

أجل خرمانة على القهوة . . .
يا ختك والله يمكن مايطاوعن قلبي اشغله

تصدق بعرس قريبي . .
خليت المعازيم وقمت أقهويهن
رحمتهن
يوجع القلب منظرهن . . . .

<< لاطبنا ولا غدا الشر

[عروووبة]

عروبه حنا طولنا ماجبنا بس كان فيه خواتي ماسكات شغل البيت وامي بعد كانت نشيطه
الحين مافيه وغير كذا دوامي ونظامه الشين..
الحين لنا شهر مابوه شغاله..
اجي اغسل المواعين واكنس ومرات اشغل اخواني معي بالشرط خخخخ
الله يعين..

والله الحال من بعضوا ياشوشو

غدن نجيب زوره ويهدي الله الشايب:d

[alganas]

[frame="1 80"]يابومتعب اولا السلام عليك [/frame]
[frame="3 80"]ثانيا انا حبيت اوصل هذا الخبر للي يبي يقدم شغاله او سائق خاص والي عنده زوجه وشقرديه مثل ماتقول هذا شان اخر ولكن هناك من هم بحاجه لهذا الخبر الي يبيه ياخذه والي مايبيه يتركه بدون تعليق هذا وتقبلو تحياتي اخوكم[/frame]

[frame="9 80"]alganas_sa القناص[/frame]


[frame="7 80"]وشكرا لمرور الجميع [/frame]

[عقارب]

الله يبشرك بالخير


يعطيك العافيه