الناس به اصناف اشكال وجنوس ــــ فيهم ذهب صافي وفيهم نحايس ** كساب شبرم الشمري

[عبدالله الشمري]

[poem=font="Simplified Arabic,4,black,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
لقيت بالبدوان طيب ودنفوس=وايضا ردي النفس تلقاه خايس
وفيهم رجالٍ تضرب الراس بالفوس=وفيهم رجالٍ ما تدور البلايس
وفيهم طنايا لانتخت ترفع الروس=وين الشجاع عقاب والنعم هايس
ولقيت بالحضران خايب وخنفوس=فر الشوارع والسوالف نجايس
وإليا طلبته حاجةٍ قال مضروس=واعطاك عذرٍ جامدٍ بالمقايس
والشايب المسكين شايب ومنحوس=عفنٍ ولا فكر بكسب النمايس
والله على وقتٍ مضى مابه دروس=الدرس واحد والنجايع ونايس
وشفي على جيبٍ ولا فيه ملموس=توه جديدٍ واردٍ بالمقايس
تلفي لابو ضاري به النعم ناموس=وتعطيه قصة شاكي الهم قايس
وقله زمان العز وش فيه منكوس=الذيب جالس والثعل صار رايس
واشوف ناسٍ سلمها سلم هندوس=اميرهم شبعان لو كان خايس
واشوف ناسٍ عرضها صار به سوس=ساسه خراب وكاتمين الدسايس
واشوف صنفٍ يالفى كثر البوس=كله على شان الفلوس الطفايس
واشوف صنفٍ يا طلع جخ ولبوس=خشمه صغير ويحسب الكبر سايس
يمناه به سيفٍ ويسراه به موس=وإليا نصيته تطلب العز خايس
والناس به من يلبس الدرع والطوس=وايضا بهم من يمسكون النمايس
والناس به اصناف اشكال وجنوس=فيهم ذهب صافي وفيهم نحايس

اطول من ذلك وهذا ما حصلت عليه
للشـــــاعر * * * كساب شبرم الشمري[/poem]

[جرواني]

[align=center]صح لسانك عبد الله ولسان شاعرها كساب[/align]

[زين تصفيح]

فعلا اخوي

الناس اشكال واجناس

بدو و حضر

بهم الطيب والردي

وكل(ن)عطاه الله من هبة الريح...

[رعد الشمال]

صح لسانك ولسان الشاعر

[الدب الداشر]

صح لسااانك ولساان الشاااااااااااااااااااااااااااااااااااااااعر


قصيدة جزله