صورة يتيم مؤثرة وقصيدة رائعة جدا

**F15** · 18 Oct 2006, 02:59 PM

يا وجد حالي وجـود اللـي يتـلّ أمـه ** و يقـول لا تتركيـن وليـدك الغـالـي
ما يـدري ان الليالـي جـات بمطمـه ** أمـه توفـت و لا والـي و لا تـالـي
ماتت من الجـوع و هـو فاتـح فمـه ** جور و مجاعـه و طاعـون و سلاّلـي
الله على الساعـة اللـي فـورت دمـه ** و الله على الصورة اللي ضيّقـت بالـي
مـن شافهـا بيتذكـر حالـة الامّــه ** و بيقول يا وجد وجدي و يا بري حالـي
أحدٍ ياخذ له شهر و الخبـز مـا شمّـه ** و أحدٍ طعامه يجيـه الـوان و أشكالـي
أفريقيـا جوعهـا كـم مسلـمٍ سمّـه ** و حنا نبذر هـذا فـال و هـذا عقالـي
نسعى ورى المـال و نجمّعـه و نلمّـه ** حـلال حـرام مـا نـدري و لا نبالـي
نشري كاسيت (نانسي) و المطرب نضمه ** ندعمهم و من ورانـا جمعـوا المالـي
و العاهره اللي الخليج و شعبـه تذمّـه ** حنـا وراهـا نجـرّ الصـوت ونلالـي
و نرسل ( SMS) و اللي يقصر انتمّـه ** علـى قنـاة هدفهـا دمّـر الأجيالـي
موضوع (أبو الهش) فيه الناس مهتمـه ** كلـن يصـوت لـه بـدولار و ريالـي
يا ناس يـا نـاس لا غيـره و لا ذمـه ** يا مسلمينٍ بالأسماء مـا بـه افعالـي
وشلون من ينحرف نمدحه مـا نذمـه ** و شلون ما نفرق الواطي مـن العالـي
لا صـار لا وازع دينـي و لا هـمّـه ** لا تأمنـون العـذاب و قـدرة الوالـي
تصدقوا و أنفقوا و العيش فـي القمـه ** ما هـو بدايـم إذا وقـت النعـم زالـي
يا الله و أنا طالبك يـا كاشـف الغمـه ** تحيي قلوب العبـاد و تصلـح الحالـي

منقول

**®مـهـجـدهــــم®** · 18 Oct 2006, 08:01 PM

ماتت من الجـوع و هـو فاتـح فمـه ** جور و مجاعـه و طاعـون و سلاّلـي
الله على الساعـة اللـي فـورت دمـه ** و الله على الصورة اللي ضيّقـت بالـي

إي والله الصوره ضيقت بالي ,, صورة مؤثره والقصيده معبره.

ويعطيك العافيه.

تحياتي ,,

**الخمساني** · 18 Oct 2006, 10:07 PM

قصيدة رائعة
يعطيك العافية على النقل

**العالمي** · 19 Oct 2006, 12:49 AM

الصووووووووووووووه بحد ذاااتهااااااااااااا

تبكي

والقصيده

رااااااااااااااااااااااائعه

وحززززززززززينه

دمت بووووود

**السلطه الخامسه** · 19 Oct 2006, 01:36 AM

صح السان الشاعر وتسلم على النقل بالفعل صوره محزنه وقصيده اروع

الله يصلح حال المسلمين

**F15** · 19 Oct 2006, 02:37 AM

تصدقوا و أنفقوا و العيش فـي القمـه ** ما هـو بدايـم إذا وقـت النعـم زالـي

**أبو عراده** · 19 Oct 2006, 06:03 AM

الصوره ضيقت البال والله ان تكتن العبره
ياويسي يالولد

اه بس اه

يارب انك ماتغير علينا ولا تبدل علينا نعمتك

مشكور على نقل هذا الموضوع والله يجعلوه بموازين حسناتك
فعلا موضوع فتح حاجات كنا غافلين عنها

واعذرن ترن سويت
نسخ ولصق للموضوع لمنتدى ثاني

اعجبن

**عجائب رفحاء** · 19 Oct 2006, 06:41 AM

قصيدة مؤثرة وصورة مؤثرة اكثر ويعطيك العافيه

آخر المشاركات

الموضوع: صورة يتيم مؤثرة وقصيدة رائعة جدا

أدوات الموضوع

تقييم هذا الموضوع

عرض

صورة يتيم مؤثرة وقصيدة رائعة جدا

مواقع النشر (المفضلة)

مواقع النشر (المفضلة)

ضوابط المشاركة