قصيده في الشيخ فهيد بن عراك الهبّاس

[القروي]

بسم الله الرحمن الرحيم
فهيد بن عراك آلهبّاس الكثير يعرفه رجل فيه معاني الرجوله من جميع النواحي وقد هجاه كثير من الشعراء
ومنهم الشاعر ظاهر بن غريّب الشمري حيث وردة قصيدته في مجلّة عرب الكويتيه احبيت ايرادها للأخوه كماهي

[poem=font="Simplified Arabic,4,red,bold,normal" bkcolor="transparent" bkimage="backgrounds/6.gif" border="double,4,indigo" type=0 line=0 align=center use=ex num="0,black"]
سلام يارجل كريمه سجاياك = يالي على الطولات ربي هداها
يافهيد ماعيّنت مثلك وشرواك = كل الملاء يافهيد منكم رضاها
للمرجله يافهيد ثابت ابممشاك = فوق النجوم الي علينا سماها
عز الصديق الي على الناس بداك = يوم (ن) بعض الناس حمله رماها
طيبك ترى يافهيد من طيب مجناك = ابوك قبلك والمعالي رقاها
ستر العذارى والمراميل عراك = ياصار عج الخيل لربعه غشاها
وجدك خلف يافهيد وانا اعرفه ذاك = مخلّي جياد الخيل ترمي نماها
يوم الجموع الي به الموت تنحاك = وكلً يقدّم عطفته ويحداها
تلقى خلف مع تالي الربع فكّاك = يذود عنهم والمتلّي حماها
وهباّس جدك والمنيه تعداك = ريف النشاما يافضوا من عشاها
وانا احمد الله يوم مثلك وحلياك = يلحق جدوده والضوامي سقاها
تفزع مع الي يلتجيلك وينخاك = يوم(ن) ولد اللآش محد نخاها
ياماكسبت للطيب يافهيد يمناك = تعطي العطيّه ماتدوّر جزاها
وفاتح(ن) بابك عسى الرب يحماك = من سؤ بقعاءوالليالي وراها
وتطلق حجاجك للمسيّر محياك = والجار يحشم ماتدوّر غثاها
تفخر بك الصفران والعفن يفداك = وخوالك الي مايقرّب حماها
حيثك عزيز(ن)للجماعه ومن جاك=ومن صكته سود الليالي نصاها
وختامها مسك وعمّبر ومسواك = عد المزون وعد برق شعاها
على الرسول الي سريبه بالافلاك = بالاسراء والمعراج لبى نداها


[/poem]