معاناه معلمه مع بنت الموجهه ( ارحمونا باسم العداله )

[المعلمة]

هذي حقيقه معاناتي ومعاناة زميلاتي مع موجهات رفحا
لا اقول كلهن بل بعضهن

نقوم بتصحيح اوراق الاختبارات وقبل ما تاصل الورقه الكنترول
تلاقين الموجهه عرفت درجة بنتها

المشكله ما تقف الى هذا الحد

المشكله ان البنت لازم تكون درجتها كامله

وبنات الناس نظلمهن عشان سواد عيون بنتك

هل يجوز هذا التسلط

المعلمه لا حول لها ولا قوه اما تتجاوب وتضحك او تمتنع ليكون نصيبها الضغط والمتابعه والتسلط
من اكثر من جهه

طالبه تجاوب بسؤال صح وخطا ما فيها مجال مساعده
طالبه تجاوب اختيارات من متعدد ما فيها مجال مساعده
طالبه تجاوب وتترك اكمل الفراغ فاضي ما فيها مجال مساعده

نرجو ان تساعدونا في اعطاءنا الحلول مراعين بذلك ضعف المعلمه ووحدتها وقوة الظالم وكثره نصيراتها
حتى المشكله احيانا من المعلمات يتميلحن عند اي موجهه
وكل درجه يعلمن الموجهه بها



اووووووووووووه نسيت الموجهه ( ............. )
لازم بنتها تطلع الاولى على الفصل او المدرسه

[الوجين]

بالعكس المفروض يعطي كل ذي حق حقه

وبالنسبه لي بصراحه مامرت علي نهائي

واعتقد انه يرجع لشخصية المعلمة

[المتجولة]

شفتي يالمعلمه شفتي التسلط
وتصدقين يوصن بعضهن بعد
ولو تقول كلام سبحان الله يطير فيه العصفور للاشراف ويغلف الكلااااااااااام
لازم يكون الحل من المعلنات نفسهن
طبعا الميديرات عليهن السلام

[المعلمة]

مشكوره اختي الوجين

هل درستي بنات موجهات ؟؟؟
بماده فيها اختبارات تحريريه ؟؟؟


طبعا انا قلت انه البعض لكن ليتك تجاوبين
وبعد كذا ممكن ارسلك على الخاص

[المعلمة]

مشكوره المتجوله وهذا قليل من كثير
لكن حتى ياخذ النقاش مجراه اعطي زيادات
اما المديرات اكثرهن مع الموجهه ضد المعلمه
وبعضهن تخليكي تسلمي الدرجات وهي تقوم بالواجب

[الوجين]

مشكوره اختي الوجين

هل درستي بنات موجهات ؟؟؟
بماده فيها اختبارات تحريريه ؟؟؟


طبعا انا قلت انه البعض لكن ليتك تجاوبين
وبعد كذا ممكن ارسلك على الخاص

اولا انا درست بنا موجهتين


وبنت مديرة ومساعدات


واحب اوضح لك

انا ماقول هالشئ ماهو موجود اقولك انا مامر على ولو مر علي ماراج امشيها بسلام اذا له حق البنت تاخذه عندي بنت وزيره او مديره
شاكره لك طرحك عزيزتي

[بنوته كول]

الله يكون بعونكم يالمدرسات ...

سايروهن عساهن بالماحي هن وبناتهن ..


وربي يسامحكن انتن مغلوب على امركن ... واللي عندها واسطه لا تساير احد خلها تصير قويه وتعارض بعين قويه ....>>>> تحب توهق الناس


الله ينصركن يارب .

[ليث]

المفروض اللي بنتها الاولى تستحي من هالسالفه

[المديرالسعودي]

المعلمه
اعانك الله
الموجهه توجه للفعل الحسن وهي غدوه وتتعامل مع المعلمه بالانظمه المعروفه
اين مديرة المدرسه من الحزم وبعدين النتائج المفروض سريه وماتعلن الا بيوم واحد
والدرجات لدى المعلمات ولايطلعن احدا عليها مهما كان والكنترول يفترض الا تسرب المعلومات
( اذكر معلم يعمل بالكنترول عام1424 واخبر زميله بنتيجة ابنه في الرياضيات حيث كان متخوف منها فتسرب الخبر وعلم المدير فاعفي من الكونتول ويقول وضعت تلك الملاحظه علي ولم ارشح لافي وكالة ولا ادارة مدرسه ولا ارشاد حتى الان بالرغم من قدمي بالتعليم)
الحاصل من ذلك : الامانه والصدق في التعامل والبعد عن المجاملات ومراقبة الله والضمير
والحل : اخبار ذوي الاختصاص والرفع لهم او الاتصال بهم وقوة الشخصيه وعدم التساهل مع احد ايا كان فالحق واضح
والا الموجهه وش دخلها بالدرجات الا انه هناك خلل اما من الاداره او المعلمات
والمفروض حتى ماتتكلم الموجهه بهذا الامر وترضى بنتيجة بنتها ايا كانت فالمعلمه تتمنى لها النجاح والتفوق ولكن هناك من هي اجدر واحق بذلك
وفقكم الله ودمتم للوطن

[سام شمر]

والله شي غريب
يعني يابنتي الاولى والا ماارضاء
هههههههههههه حلوة ذي
والله مااقول الا الله يكون بعون المعلمات والطالبات من هالاشكال هاذي

[أبو هيا]

هذا يدل على ضعف شخصيتك وتستاهلين اللي تتعرضين له...لازم تتعلمين كلمة لا اول شئ وبعدين تتعلمين ان رضاء الله سبحانه مقدم على رضاء الموجهه او المديره..طبعا اذا يهمك ان راتبك يكون حلال مئه بالمئه..

بعدين البنت اذا امها موجهه ماهو غريب ان تكون الاولى على الفصل..امها مثال وقدوه جيده لها..كذلك اكيد انها تكون فاهمه وعارفه كيف تربي بنتها وتعلمها وتثقفها عكس الامهات الاميات..انا ماخذت بنت الموجهه او المعلمه الاولى فلن تفوز بذلك المركز بنت امها لاتفقه شئ او غير متعلمه,,

تحياتي لك ونصيحتي لك انك ماتخافين في الحق لومة لائم وحتى ان عرفوا الشئ هذا عنك ماتقدر اي موجهه فرض شئ معين عليك

[المعلمة]

اولا انا درست بنا موجهتين


وبنت مديرة ومساعدات


واحب اوضح لك

انا ماقول هالشئ ماهو موجود اقولك انا مامر على ولو مر علي ماراج امشيها بسلام اذا له حق البنت تاخذه عندي بنت وزيره او مديره
شاكره لك طرحك عزيزتي

اختي اعزيزة الوجين
يمكن تكون الموجهه هذي تخاف الله وتعرف التربيه او تستحي انه تفتح ذا الباب على نفسها
وبعد حتى عندنا فيها موجهات زي العسل في الناحيه ذي
لكن البلا من البعض
وانا كتبت هنا واذا جت الاختبارات وما هجدت ابكتب عنها بالاسم بعد

احتي الوجين اذا كنتي بهذه الشخصيه يستخدموا معك طريقه ظريفها يسموها ببعض المدارس (لعبة التنس) اذا كانت معروفه عندك يكفي واذا غير معروفه اوضحها

[المعلمة]

الله يكون بعونكم يالمدرسات ...

سايروهن عساهن بالماحي هن وبناتهن ..


وربي يسامحكن انتن مغلوب على امركن ... واللي عندها واسطه لا تساير احد خلها تصير قويه وتعارض بعين قويه ....>>>> تحب توهق الناس


الله ينصركن يارب .

اختي بنوته كول
كلامك عين العقل وتقريبا هذا المستخدم تقريبا
المشكله في ناس طايره بقوه
يعني لو ماكلمتها الموجهه هي تساعد وتتصل عليها وتعلمها انها اصلا نقصت وهي زودت ربع درجه

لو نطيع الوجين كان صرنا عجين

[المعلمة]

شفتي يالمعلمه شفتي التسلط
وتصدقين يوصن بعضهن بعد
ولو تقول كلام سبحان الله يطير فيه العصفور للاشراف ويغلف الكلااااااااااام
لازم يكون الحل من المعلنات نفسهن
طبعا الميديرات عليهن السلام

اختي المتجوله
العصفوره صادوها لكن ما باليد حيله

[المعلمة]

المفروض اللي بنتها الاولى تستحي من هالسالفه

ياعين يا بنيتها اذا احتارت بسؤال تلاقي الدموع اربع اربع
رعب عايشه فيه البنوته