شاب امريكي قام بتجربه ووثقها بفيلم اسمه ( Super Size Me )

[مدمن قهوة]

شاب امريكي قام بتجربه ووثقها بفيلم اسمه ( Super Size Me ) عرض على الشوتايم ......
ملخص الفيلم ان هالشاب يبي يبين أثر الفاست فود اي مطاعم الأكل السريع وخصص ماكدونالدز بهذي التجربة .....
قال انه خل ال 30 يوم راح ياكل من ماكدونالدز ويبي يشوف شنو يصير له ....
في بداية الفيلم يسوي تحاليل لنفسه يشرف عليها كذا طبيب وقال لهم عن تجربته اللي يبي يسويها ....
طبعا الأطباء تنبأوا انه راح يزيد وزنه بعد التجربه يعني ارتفاع نسبة الدهون...
...... في الأيام الأولى من تجربته كانت النتائج انه يحس بالاكتئاب و الكسل والخمول مع احساس بالجوع يعني كل مره ياكل من ماكدونالدز وده ياكل أكثر ......
ماطول عليكم بدا يحس انه موطبيعي راح وسوا التحاليل واهو ماكمل ال30 يوم الدكاتره انصدموا قالوله انت تشرب كحول قال لهم لاء قالوا الكبد عندك تعبانه لدرجه ان من كثر الترسبات الملحيه فيها كبدك كأنها خيار مخلل انصدم الشاب وان نسبة الدهون مرتفعه جدااا وان في مادة تسبب الذبحه الصدرية مترسبه بشكل موطبيعي ماتحصل الا عند كبار السن .....وان مستوى السكر بالدم مرتفع بدرجات خياليه .......
الطبيب من الصدمة موقادر يصدق كل هذا من الوجبات السريعه لان تحاليل الشاب كأنها تحاليل رجل عجوز .....
طبعا الدكاتره قالوله لازم توقف التجربه لان هذا في خطر كبير جدا على صحتك...
هذا الفيلم سوا ضجه بأمريكا ومنها بدت مطاعم ماكدزنالدز بتكثيف الدعاية عنها وبالذات بالشرق الأوسط ....
http://en.wikipedia.org/wiki/Super_Size_Me

[سام شمر]

الله يرفع عنى كل مكروه
والله وانا اخوك هالمطاعم ينخاف منه بكل شي لو تاخذ منهم صحة مويا تخاف
على كل حال الله يعطيك العافية يالغالي
وبارك الله فيك

[الدب الداشر]

فعلاً الوجبات ذي ما فيها فوود ..

مرة كنا في جزيرة بالي .. وشرق آسيا عموماً .. المطاعم فيه شينه ..

جلسنا على ماكدونالدز يومين .. ذبحنا ذبح .. طفشناااا