[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=1 align=center use=ex num="0,black"]
الألف.ألفت الغلا خلف الضلوع المايلات=كتبت له بيت القصيد اللي يعدل ميلها
البا. بديت بأسم خلاق الجبال الطايلات=سبحانه البر الكريم اللي يسيل سيلها
التا. تمام القول مني في قصايد غاليات=أكتب لها رغم الالم أحلى قصايد جيلها
الثا. ثبات القلب مني في ظروفٍ قاسيات=ماتزعزع قدر حبي يوم هو يشيلها
الجا. جرحني بعد خلي في ليالٍ مظلمات=كم سرت بالليل عيني والدموع تكيلها
الحا. حريقه وسط صدري مايطفيها الفرات=والمحيط الاطلسي ماهو يكفي حيلها
الخا. خساره كل مافي وسط قلبي من غلات=ماحسبت إني بلحظه أفقده واحيلها
الدا. دعيت الله عسى الله يقبلك يالداعيات=يلهم النفس السكينه من هموم تجيلها
الذا. ذرفتك يالدموع اللي على خدي شتات=والشتات اللي جعلني بالقصيد أرثيلها
الرا. رعودٍ بالسما ومخايلة برقٍ يبات=يسقي قلوبٍ ضاميه ترجي المطر يلفيلها
الزا. زلالٍ في زلالٍ للكبود العاطشات=مارتويت ولكن الله ساقلي تبديلها
السين. سلمت الولي أمر العيون الساهرات=الله أكبر كيف صارت قصه بتأويلها
الشين. شيمت القصايد عن علومٍ ناقصات= والقصيد اللي يصح ألسان مبدع قيلها
صاد. صنتك ياقصيدي بالعلوم الوافيات=من بغى يفهم قصيده يسرع بتحليلها
ضاد. ضاق الوقت واللي من عناة الوقت فات=ينتظر لحظة طلوعك يالقمر في ليلها
طا. طير الحر يكفخ في ربوع الشامخات=عادته قمه بقمه مارضى تنزيلها
ظا. ظبيٍ بالنفود يسر كل الناظرات=يوم فز وكن فزت صاحبي تمثيلها
عين. علة قلبي اللي ماتهنا بالمبات=كلها سبت ظروفٍ ماقدر تذليلها
غين. غرته الدنيه دنيته بالمرهفات=لين خلته يتشكى منها ويشكيلها
فا. فجأة استدارت واعطبته الكاويات=وأدرك إنه حب وحده دوم تطوي ذيلها
قاف. قلت الله يكافي من شرورٍ قادمات=والهموم اللي بصدري يالله إنك تزيلها
كاف. كان اللي كتبته با لقصيده راح مات= يخلف الله كان أنا اللي قاتله وأبكيلها
لام. لو حظي رجعلي في ليالٍ مقبلات=ماطرقت الحب لحظه وماقصدت أعنيلها
ميم. ماني راجعن لك ياهمومي الأولات=من لدغه الداب مره خاف جر حبيلها
نون. نادم عالسنين اللي تعدت مسرعات=كنت كل أيامه أسهر وانتظر تعليلها
ها. همي كان واحد بس في كل الجهات=ساعي لحبٍ هدمني ماعرفت أبنيلها
واو. ودعتك امانه ياقليبي لاتبات=لاغشاك الليل قوم وصل ثم أدعيلها
يا. ياللي مافهمتوا من قصيد المبهمات=سامحوا تقصير بوحي وأقبلوا تفعيلها[/poem]


حاكم العلي (( ابو حنين))