عنزي ... وعتيبي في الحرس برفحاء ؟

[النشمي عناد]

حدثت السالفه ....
في رفحاء بالحدود الشماليه ... أيام الثمانينات هجريه عندما كانت رفحاء عباره عن بضعة بيوت من الطين !
وكان السوق القديم ( سوق المشاهــــده) سوق يقصده الأخوه العراقيين نظراً لقربهم من
رفحاء ؟
وفي وقتها كان مبنى الحرس الوطني عبارة عن خيام معدوده لوبها قليلً من الأفراد
ومن ضمن الأفراد (رسام العنزي) وصديقه ( العتيــــبي ) وكان العتيبي وقتها طفشان
وحالته النفسيه مترديه وواهس وطاري الفصل دايم على باله وخصوصاً وأن العتيبي كان لم يمضي من زواجه سوى
شهر واحد تقريباً وزوجته بالمنطقة الشرقيه وعمله في رفحا والطريق بينهما (ردميه ) وليس إسفلت
والمسافه (800) كم ... وهذا مما يدفعه للفصل ويعكر صفو مزاجه ولولا مؤازرة العنزي
له لحصل ذلك ولكن العنزي كان يشدُ من أزر زميله .
ونزلا ذات مره في وقت الضحى إلى سوق رفحاء , وشاهد العتيبي شخص عراقي
كبير السن وكانوا وقتها يحملون السلاح وهذا الرجل يحمل بندقيته على ظهره (برنو)
. كعاده شعبيه وكان يتبع هذا الشايب
بنت فارعة الطول ووجهها مكشوف شديدة البياض وفيها من مظاهر الحسن الكثير والكثير !!

فتهيض الأخ العتيبي وتذكر الأهل وخصوصاً أنهُ في الشهر الأول من الزواج وحن
لربعه , وقال : لخويه رساااام العنزي .... ( لعن أبيك يارسام ) شف ذا الخلق العجيب يااااااه . واحلولاة
اللي عند أهله ذا الحين .... وأطال في النظر للبنت . فقال: له رسام لاتفضحنا .
أقول عين خير ويالله طلعنا من السوق هذي لو يعلم أبوها هلحين والله ألا يطلق
علينا الناااار هذولاء بدو وسلاحهم جاهز هاللي فوق ظهورهم !!
والعاااااز ياخذونه من روسهم ... قصده عاداتهم .
فعلى طول أخرج العنزي زميله العتيبي من المكان ورجعا للثكنه مكان الحرس
في خيمتهُما وهما مهمُومين وخصوصاً العتيبي ..!!
وهلحين العتيبي زاد همه هم وزاد حنينه وتولعه وشوقه , وتهيض بإبيات شعريه
خففت عليه شوي ... وقال: رسام والله يالعتيبي ماني (شاعر) من شان أرد عليك
وتبادر لرسام فكره بدل من الرد الشعري ؟
قال: إسمع يالعتيبي حنا في وقت الظهر وإذا جاء العصر شب لنا النار وسو لنا فنجان وسترى !
ولما صليا العصر شب العتيبي الناااار وعمل قهوه وقال: رسام رح يالعتيبي لخيمتك
وإذا ناديتك ... تعااااال .
ونادى رسام لرئيسهما بالعمل ملازم أول وعزمه وتعذر الرئيس وصمم العنزي على
أن يتقهوى رئيسه عنده وقال : يالله ولو أني أدري أنك تريد شيء فقال: العنزي والله
مابي لنفسي شيء بس تقهو عندي فنجال عالطااااير ...؟
ولما تقهوو قال رسام والله اليوم رحت أنا والعتيبي خوينا للسوق وهيضته بنتً
عراقيه شافها بالسوق وهوتعرف شباب وتوه متزوج وماكمل شهر نصف
وشاف من الصدر وفوق والباقي ما......! وأسند علي قصيده وأنا ماحفظتها
وقال : الرئيس وهو (روقــــي ) .
خله يجي يسمعنا إياها .... فنادى رسام لزميله وقال: قل : لنا قصيدتك !!

فقال: العتيبي .

وجـدي على أريـــش العــــــين يارســام
وجـــد السجين اللي عليـــه النبتشيــه
ماياصــــله ياكود هــــــــافً عليه أعلام
من البيـت الأبيـض وردوه السعـوديه
ياغلـق البــــــــنزين ثم عـــــــدل القسام
منوة غريب الدار بأرض خـــــلاويه
يمشي من بلد رفحا على آخرنهاية الدوام
والعصر كــد عقب حدود النعيـــيريه
يلـــفي عشيــراً عليه الضلوع احيــــــام
منــــــــوة العاشق عذاب الهواويــــه
فقال : الروقي ألا يمشي هلحين وليش باكر يروح شهر وشهرين والرخصه منك
ياعنزي ولايجي ألا وهو مرتاح وتمام التمام .

[القروي]

الحمدلله
ماقصّر رسام رد عليه فعلاً لاقولاً !
والعتبان اغلبهم شعّار وطيبين لانخيتهم ولا فيه اطيب منهم للخوي
اهل نخوه هذا الكلام نابع من معايشه لانقل من احد
نتمنى تواصلك معنا اخي النشمي عناد فوجودك مكسب لنا في هذا القسم
تقبل الله صيامك وحقق لك الصالح من احلامك ولك جزيل الشكر .

[ابوحلا]

عز الاخوه

وعز الاصدقاء

[أبو هيا]

بارك الله فيك موضوع رايق

[كيلو وناسه]

يعطيك العافيه على القصه الممتازه

[النشمي عناد]

الله يعافيكم ... ومشكورين عالمرور الجميل .

[الدب الداشر]

أشهد بالله أني أنبسطت وأنا أقرأ الموضوع ..

بيض الله وجه أهل الطيب وأنت منهم يالنشمي ..


مشكور ..

[همّام]

بيض الله وجهك أخي النشمي على هذه القصه الطيبه عن الطيب
وتلك الأبيات
الحمد لله في وقتهم الأخوة والجيرة والمعرفه لها تقديرها

تذكرت هذا عندما علمت أن مدير في رفحا تسامح مع موظف في موقف وهو من قبيلة أخرى
فقام قريب الموظف ومن قبيلته بالشكوى على المدير لتسامحه مع فلان
ولا تزال المعاملة جارية
علما أن المشتكي لا يعمل في نفس الإدارة

[رفحاوي]

[align=center]
مبروك عليكم الشهر الفضيل ...

[/align]

[النشمي عناد]

وأنــــــــــــــــا شاكــــــــــــــر لكُل المااااااارين (هنيا ) .

.

[ليث]

النشمي

ونستنا بهالقصه والابيات عسى الله يونسك ويوسع صدرك

[الدكتور غيم]

مشكووور على القصه والابيات

[النشمي عناد]

كـــــــــــــــل التحــــــــــــايا .... للمــــــــــــــــــارين المعلقيــــــــــــــن

والغيـــــــــــر مااااااارين .... ياكثرهم بس ردودهم تزود

المعنــــــــــــــويااااااات .

[الدكتور غيم]

اخوي النشمي
ابي تشرح لي البيت الاول اللي في توقيعك
طيبين لشمر ؟

ومنهي له القصيده وياليت تكتبها كامله

[الدكتور غيم]

اخوي النشمي
ابي تشرح لي البيت الاول اللي في توقيعك
طيبين لشمر ؟

ومنهي له القصيده وياليت تكتبها كامله