موقف محرج لجدتي

**رفحاوي** · 21 Jul 2003, 11:19 PM

جدتي الله يحفظها ويطول عمرها راحت مع خالي للمستشفى وقبل ما تدخل لقسم النساء قال لها ابي اروح لقسم الرجال واذا خلصتي اركبي بالسيارة قالت خلاص يا وليدي ...

الى الان كل شي زين الزين ... وبعد ما خلصت جت طالعة وتلخبطت وركبت سيارة تشبه لسيارة خالي ... جا راعي السيارة ويوم شاف المرة بسيارته عرف انها غلطانة وحب انه يعلمها بطريقة لبقة ...

قال : تبين شي يا خالة ؟
قالت : مشكور يا وليدي ( وهي تقول بنفسها وش هاللي ما يستحي ).
قال : اذا بغيتي اي شي تامرين امر .
فكرت وقالت بنفسها ( متى يجي فلان والله لاخليه يتوطا ببطن هالسلب ( الكلب ) ).
قال : تبينن اوصلك ؟
قالت : وجع يمل الوجع والله انك ما تستحي يا حمار .

الرجال تعوض الله على السيارة وقال انتظر حتى يجي اللي معها ... وبعد ما جاء خالي شاف الوالدة متكية بسيارة ثانية واطقع ما تشوف هالعالم ... راح لها وقال : يمه مهي سيارتنا اللي ركبتي الله يهديس ( يهديكي ) قالت والله يا فلان ؟!! وبعدها تدور جدتي ما تلقاها ( عند الحضر طاح وجهها )

مروية عن جدتي الله يرضى عليها بتصرف كبير .

**الدكتور/ قنّاص** · 21 Jul 2003, 11:58 PM

[ALIGN=CENTER]بسم الله الرحمن الرحيم

اللهم احفظ هذه الجدة لأخونا وحبيبنا رفحاوي .

بس السالفة بليل وإلا بنهار ؟، علشان أ حلل نفسية جدتك الله يحرسه .[/ALIGN]

**رفحاوي** · 22 Jul 2003, 12:06 AM

الله يسلمك اخوي / قناص الفوايد ...

لا ليل ولا نهار ... كان الضحى اسند النهار ..

بسرعة حلل يا دكتور وطمنن على جدتي .

**ابو شنب** · 22 Jul 2003, 12:59 AM

اياملا الغنيمه انت وجدتك

وانا اقول هذا الذيب من ذيك الحبوبه

الله يطول عمرها وعمرك

فلاكن قلها تحرص خبرك الاشاعات هالايام كثيره

**رفحاوي** · 22 Jul 2003, 02:12 AM

ابو شوارب ...

تذكرت شي ... تقول الرجال له شوارب كنهن روس غربان ... اخاف انه انت ؟!!

امييييييييييين ..... تسلم يابو شوارب الله يخليك .

**شارع 20** · 22 Jul 2003, 02:30 PM

الحمدللة على سلا مة جدتك يا رفحاوي أشو ى أنها ما طا حت بسيارة حدى ها لمقرد

**رفحاوي** · 22 Jul 2003, 04:11 PM

انت شارع 100 مهو 20 ( على بالي ابي امدح ) ...

اخوي القصة صارت بالشمال يعني ما فيه مقرد .

**ابو شنب** · 22 Jul 2003, 04:18 PM

اللي يسمعك يقول عاد وش جدتك ملكت الاغراء

والله اني هقيت ان السالفه بالشمال باينه من مواريها

اجل الحمدلله على سلامة ابو شنب فكه الله من جدتك

**رفحاوي** · 22 Jul 2003, 04:36 PM

ابو شنب ...

لا تعليق !!!

ويا ليت توزن كلامك قبل ما تكتبه وتعرف حدود المزح .

**ابو شنب** · 22 Jul 2003, 06:10 PM

اياملا الغنيمه يالزعول

انت اتهمتني بتهمة وانا رديت على تهمتك

وانا خابرك تمزح مع الناس وفي وحدة هنا تسلطت عليها بمزحك

اياملا الغنيمه انت وجدتك

الحق احب خشمك عن هالزعله

**رفحاوي** · 22 Jul 2003, 07:27 PM

تسلم يابو شوارب كنهن سرب عقبان ...

ما صار الا كل خير ... الله لا يهينك .

**شارع 20** · 22 Jul 2003, 08:15 PM

اخوي رفحا وي اذا أنت زعول لا تجيب طا ري جدتك خل جدتك ومواقفها بالبيت واللة يسلم جدتك

آخر المشاركات

الموضوع: موقف محرج لجدتي

أدوات الموضوع

تقييم هذا الموضوع

عرض

موقف محرج لجدتي

أحلى بوسة لرفحا وي

مواقع النشر (المفضلة)

مواقع النشر (المفضلة)

ضوابط المشاركة