قصيدة رآكآن بن حثلين

[الــشّــمــري]

يا أبو هلا طير الهوى خبـث البـال
الطيـر نـزر والحـبـاري قليـلـة
يالله ياللـي طالبـه مـا بعـد فـال
ياللي من الضيقـات ينجـي دخيلـه
أفرج لمن قلبـه غـدا فيـه ولـوال
والنـوم مـا جـا عينـه إلا قليلـه
لا من ذكرت رموس عصر لنـا زال
شوف الفياض وفقـد عـز القبيلـة
يازيـن شدتهـم إلـى زوّع المـال
يتلـون بــراق تــلالا مخيـلـه
يتلون براقٍ سمـر عقـب الأمحـال
تلقى التريبـي فايـضٍ غـب سيلـه
يسقى خسيفا والثمان أرضهن سـال
مرتـع معطـرة السيـوف الصقيلـة
من جو ساقان إلـى السيـف همـال
وينـوش حسنـا والرديفـة هميلـة
فإن قادنا مـن يمـه القفـز خيـال
يصبح شديد البـدو عجـل رحيلـه
قاد السلف واستجنبوا كـل مشـوال
والعصـر يامحـلا تخيبـط نزيـلـه
فإن شرف البادي على روس الأقذال
والمال كثر الـزول محمـي جفيلـة
وتكافخت بطبولهـا شهـب الأذيــال
ومن ضيـع المفتـاح واعزتـي لـه
وركبوا على طوعاتهـم كـل عيـال
كل أبلـج يحـري بكسـب النفيلـة
وتغانموا المفـزاع ذربيـن الأفعـال
من قبل سبْـق غارتـه تنثنـي لـه
يبغون طوعة روسهن قبـل الادمـال
وتغانمـوا خلـف كثـيـر هجيـلـة
وحال الكمي من دون عطرات الاجهال
ومـروا ولحقـوا مقحميـن الدبيلـة
واللي تثنوا عقبهـم يلبـس الشـال
ومـن صـنـع داود دروع ثقيـلـة
لـزمٍ عليهـم علـة قبـل الانهـال
ومـن غارتـه لـزم يضيـع دليلـه
والدم من قحص الرمك يوشل اوشال
يزعج على أوراك السبايـا وشيلـة
هذيك راعيهـا مـن المعرقـة مـال
وهذي شكلهـا مطـرق مـا تشيلـه
من وقع كل مقرنسٍ قـد لـه أفعـال
وفـروخ صـادن الحبـاري فصيلـه
ياما حلا الفنجال مـع سيحـة البـال
في مجلس مـا فيـه نفـس ثقيلـة
هـذا ولـد عـم وهـذا ولـد خـال
وهـذا رفيـقٍ مـا نـدوّر بديـلـه
وليا ركبنـا فـوق عجـلات الازوال
وبايماننا حـدب السيـوف الصقيلـة
ما حن نحَسّب لا اشتبك عج وقتـال
وتـرَّك صبـي يقتنـع بالفشيـلـة
ياليـت رجــالٍ يـبـدل بـرجـال
ويا ليت في بـدلْ الرجاجيـل حيلـة
وصلاة ربـي عـد مـا زايـل زال
على نبـي الحـق راعـي الفضيله

[شمـــاليه]

قصيده رائعه وجزله للشيخ الامير راكان ابن حثلين العجمي

وفيها بيتين من اشهر الابيات ...

[poem=font="traditional arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياما حلا الفنجال مع سيحة البال = في مجلسن مافيه نفسن ثقيله

هذا ولد عم ٍ وهذا ولد خال = وهذا رفيقن ماندور بديله[/poem]



سمعتها مره شيله دورتها مالقيتها كنت بضيفها هنا

يعطيك العافيه اخوي ولاهنت على النقل

[kermalk]

ياملا العافيه ماقصرت الله يرضى عليك

[تربوي]

سلمت على النقل المميز ...

[الدب الداشر]

مشكور على النقل ..

قصيدة رائعة ودائمة الروعة بإتفاق الأجياال ..