لا وغلاتك

[نزيه]

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
لا وغلاتك مابقى بالسماء نـــــــــــــــور = من رحت عني مابقى بي بقايا

أحس كل الكـون خــالي ومهجـــــــــــور= شفت الوداع شلون سوى سوايا

يبكيــك قلب وبيت والبـاب والســــــــور= .والضيقة اللي ساكنه بالحنايــا

ويبكيك وجه الأرض والعشب والبــــور= وليل النجــوم الظاهرات العرايـا

ويبكيك حتى العــدل والظلــم والجــــور= .والكذب واللي ساكنٍ بالــــخفايا

ويبكيك صمت اللي من الهجــر مقهــور=ويبكيك صبح الطاهرات الصــبايا

ويبكيك صدق ونبض وإحســاس وشعور = والتوبــة اللي عذبتها الخطــــايا

ويبكيك غصـــن جف وأوراق وزهـــور =.وتبكي عليك المظلمات الزوايـــا

حتى الشوارع دمعهــا صار معـــذور =والأرصفـة وأنوراهـــا والمرايــــا

ويبكيك عمـر مات له حفنـــة شهــور =ويبكيك طيب وصدق بيض النوايا

تعال شف صدر السماء شح بالنـــور =الكون كله في غيابك ضحايا[/poem]