][ أبيات تعجبك لـ شعراء منتدى رفحاء ][

[شمـــاليه]

في كل قصيده دائماً أبيات من ذهب
تعجبنا ونستمتع بترديدها وأحياناً نتمنى لو نحن من كتبها
هُنا وفي هذه المساحه..

أكتب أبيات تعجبك وتمثل ذائقتك من قصائد شعراء منتدى رفحاء " النخبه "
لكي نستمتع جميعا بالروائع الشعريه..

بشــــــــرطين:
1-كتابة اسم الشاعر
2_أن لاتزيد الابيات المختاره عن اربعه (اي ليس مسموح بكتابه قصيده كامله)


أتمنى أن تشاركوا بأروع الأبيات وليس أي أبيات

[شمـــاليه]

هو منيتي يوم امنيات الرعابيـب
لكن خساره امنياتي بصــــدري !

ماحقق الله شيء من هالمطاليب
واكيد ربــي يمتحن فيــــه صبـــري .

والغيب من يعلم بمستقبل الغيب!!
بسكت عشان الله.. يحقق به اجري


لشاعرتها / إحساس

[شمـــاليه]

لاهـــنـــت قـــلـــي لـــيـــه (يـــاحـــظ) قـــاعـــد ؟
وخلق الله اللي حظها واقف وقوف !!
لـــيـــتــــك اذا شـــفـــتــــن تـــــحـــــاول تـــســـاعــــد
او ليـت لـو يوميـن فـي حالـي اتـروف!
قــــال اســـكـتـي لا تـجـعــلــيــنــي اعـانــد
(وانـام) والتهديـد مـا يشـفـي الـجـوف ..
قــلـــت آآســفـــه يــاحـــظ : (خـلــيــك قـــاعـــد)
الله هـو اللـي يشفـي الجـرح ويـشـوف !


لشاعرتها / إحساس

[شمـــاليه]

لفت بي الدنيا سواة المعاصير
ودموع عيني فوق خدي غزيره
انبادر النفس المصابه بتصبير
العين تبصر واليدين القصيره
ما قدّر الخالق على خلقه يصير
الآدمي للموت غاية مصيره



لشاعرها / همّام

[عروووبة]

موضوع رااائع
لكن الذاكرت يبيلها فورمات الله يعين
.
.

ان غاب عن عيني انا بنتظر لين
تشرق شموس المعرفه والحقيقه
××
ليت الزمن مابه وداع ولابين
ليت القدر يجمع بدربي طريقه
××
وليت السوالف والسهر والملايين
تمسح هموم أهل الوجيه الطليقه


للمبدع / همام

[شمـــاليه]

عِنْدي شِياهين ٍ تِفوق الشّياهين
إلْهُمْ مخالبْ لهْ مِضاربْ تِبِيني
وافين وبْربّ المخاليق وافين
صيداتهمْ شبْعوا بها جايعيني

لشاعرها / بـــــــــــــرق " اورنس الشمري"

[شمـــاليه]

إنت معادله صعبه بها تتعقد الاوزان
بها قلبي لاجل قدرك يضحي باحلى لذاته
انا كلي تحت امرك ياسيد قلبي والسلطان
انا قلبي رهن كلمه ,, تفضل قول لي هاته
لشاعرتها / نزف القلم

[شمـــاليه]

يا نور عيني لاتزيديني الوم/
غلاك عشعش بالضلوع وملاها
.
من قبل اعرفك كنت تايه ومنجوم/
وعيني بعد عشرتك دلت جداها
.
انتي اخذتي من العشق مفطوم/
وانتي رويتي مهجتي من هواها
.
ماني وانا نايف غلا غيرك اسوم/
ياطهر من انفاس الحياة وشداها


لشاعرها / نايف الذعذاع

[شمـــاليه]

كان الصبا ينعم بذكرى المراجيح
طارت عصافير الاماني هنيه

مدت يديني للخطا والتصاحيح
غيمه ونجمه من سماها هديه

جيتك غلا يسري بنور المصابيح
يقطع دياجير القلوب الفضيه

هات الرسايل والعطر والتصاريح
قبل المعالم يكسرنه يديه

لشاعرتها/ سهرانه

[شمـــاليه]

حنا علي الاسلام ماقول نجبرك
كلن مخير بين شمس وفيه
وان كان دينك بالمسبات يامرك
اسلامنا حرم جميع الاديه

لشاعرها / الوايلي

[شمـــاليه]

آآآخِرْ لِقا مابين عيني وعينه
عبْرة وِداع ٍ خطّته دمْعتيني
تخالطتْ والقلب فضّحْ دِفينه
وياويل قلبي من فِضايِحْ دِفيني


لشاعرها / بـــــــــــرق

[شمـــاليه]

ياقلب لاتحزن على صاحبن راح

ترا السنين تروح وايامها تروح

الم سنين العمر في صفحتي لاح

قضيتها أهات وحزان وجروح

عليك ياللي داخل القلب سواح

أفعل بقلبي ماتبي وأنت مسموح


لشاعرها / فزاع

[شمـــاليه]

شاقني فعل الشعاع الي جرح صدر المجره
. . . . . . ومزّق ستار الظلام وتاه في كشف الحقيقه
والله أني ما حسبت احسابهم لا جيت امره
. . . . . . وش علي من العواذل لو يزيدون الحريقه
حلها ..كل الجنون ..ودارسه سبعين مره
. . . . . . مستحيل احلها في فاي .. ما فيها طريقه

لشاعرها / همام

[شمـــاليه]

انتبه يا هالغرور اللّّي ... تظاهر بالتزام !!!
هالطّّعون أسباب صبري ... واحتدام البلبله !!!!

هات منديلك !! بعيني : صبح ليل الحزن نام !!!!
وانتظرتك شمْْس عطشى ... والمنى مسترسله !!!!


لشاعرها / هلال بن مزعل

[شمـــاليه]

لك البقااا دام البقا قلب مجروح
عليه لمسات المداوين عاكت
ولك البقا دام البقا صوت مبحوح
عليه كلمات المواجع تراكت
ولك البقا دام البقاا شخص ممدوح
في عالمن منه المراجل تشاكت
لك البقاا وانا مع العز باروح
حتى ولو سود النواعس تباكت


لشاعرتها / الغـــــند