يا رسامة .. سليمان المانع

[همّام]

يارسامه ياريشة حب طلبتك ياعروس الفن
ابي رسمة بمعنى جرح . على خد الشعر والكون

ابي وجهي سما الغربه ابي عيوني ملامح ظن
وابي بسمه اسى ظالم وابي اللوحه باسم مجنون

وابي خدي قصيدة شوق غموض حروفها مزمن
وابي راسي وطن بدوان رجاهم في وعد مسجون

ابي لساني مثل ماهو تحت منجل خفي ارعن
ابي كل الالم يظهر .. ولوعة حرفي الملعون

ابي رسمه خياليه تخلي اللي غدى ممكن
ابي رحلة معاناتي ياحلوه وأفهمي مطعون

دخيلك يآخر اصواتي أبي الريشة تصير العن
من أقلامي من أوراقي غدي اللي مارضوا يرضون

وابي منك على الرسمه ولو كذبه اسم موطن
بقول لصحبتي هذا مكان الراحل المحزون

ابي أفخر في وطن زايف يجوز انه يصير اهون
عذابٍ رافق أسفاري .. وخويّ الشاعر المفتون

يارسامه فهمتيني ؟ وعرفتيني يابنت الجن
انا ذاك الغريب اللي تمني لو يصير ( بدون )

انا مع رحمه أجدادي اصيل ابن التمر والبن
ومن بيت الشعر غنيت ورسمت من الجماد عيون

انا نخلٍ يعاند ريح .. انا يا زهرة السوسن
طفل شارد من الرحله اعيش بلقمتي مديون

يافنانه انا فنان احس وامتزج وآحن
وأعرف اجمل جمال الفن عيونك والعيون فنون

وأعرف انا السعادة جرح وانا جرحي غدى مثخن
وابي بس ارسمي شوفك وعذابي والجروح تهون

سليمان المانع

[عقارب]

صح لسان الشاعر
ولسان الناقل