لاجل الشمال وريحة الطيب والهيل

[الزعيم]

لاجل الشمال وريحة الطيب والهيل
.......................حتى اتجاه البوصلة جـا شمالـي

مدري عشق بافعالنا فزعة الخيـل
.......................مدري عشق فينا صعود المعالـي

مدري عشق فنجالنـا والتعاليـل
.......................او عشقه اكبر من مساحة خيالـي

او لاجل شمر متعبيـن المعاميـل
.......................او لعنزة مـن دار غالـي لغالـي

او لاجل ربعي فزعتي عزوة رويل
.......................خمس الجموع ومحتمين التوالـي

كذا اتجاه البوصلـة دون تحليـل
.......................بس الاكيـد ان اختيـاره مثالـي

دار الشمال وعدلها يسبـق الميـل
.......................ومن شانها اعشق من هبالي هبالي

دارٍ تغنـي فـي كرمهـا مواويـل
.......................وطيبٍ يفوح ببوح صفـر الدلالـي

ولاجل الشمال ورحة الطيب والهيل
.......................حتى اتجاه البوصلة جـا شمالـي



خالد العليمي

(منقول من احد المنتديات )

[هرطمان]

صح لسانك ولسان ابو رول

والله قصيده روووووووووعة شماليه

[الزعيم]

هرطمان .. انت الرائع

مرورك (( وشرطتك ودفاعك المدني )) اسعدني

[رفحاوي]

الزعيم

صح لسانك ولسان الشاعر راع العلياء


قل لهرطمان وحرسك
واضح من لطمته وشماغه وعصابته انه حريسان

تحياتي لكم يالثنين

[الزعيم]

رفحاوي

اشكرك على ردك .... وكل قبيله فيها من رجالها

وعلشان ماتزعل نقول لهرطمان و ( حرسك )

ولك تحاياي

[سهرانه]

سلمت اياديك الزعيم