الى حبي العذري ؟؟

[شمـ هبوب ـاليه]

[align=center]م[align=center]شكله لاصار الحب من طرف واحد
ومشكله اكبر اذا صارحت فيه

اكبر غلطه يرتكبها المحب انه يصارح غاليه بمكانه اللي له عنده

غلطه يندم عليها عمره كله بس وش الحل مدام انها صارت

وذا المحبوب ماتقبل او الاصح اوهمك انه تقبل وبدا يلعب بمشاعرك

ساعه يقول يحبك وساعاااااااات يقول يكرهك
يقربك ويبعدك

طبعا هالانسان عملره ماعرف قلبه طريق الحب وقاعد يجرب
عليك انت قلبك عنده وهو قلبه حر طليق ماحس بيوم انه مربوط باحد
كيف يبي يحس فيك



كل الود

انا سجلت بمنتدى رفحا مخصوص عشان انسان عزيز علي بس كنت ابي اراقبه

من بعيد لبعيد وهو عارف طبعا

لكن الحين ابي اسجل الخروج وهذي اخر مشاركه انشا لله لي

وراح ابعد هالمره ولااكون حوله عشان ينسى
ويكون واثق اني ماني حوله

بس اهديه القصيده هذي واقوله لاترد ماله داعي ترد لاني ماراح اقرا ردودك [/align]

[poem=font="Simplified Arabic,5,black,normal,normal" bkcolor="transparent" bkimage="backgrounds/24.gif" border="double,4,gray" type=2 line=0 align=center use=ex num="0,black"]
والله ماجيتهم.. ذنب.. ولكن جفوا = سامحتهم والمصيبه ماعرفت وش خطاي
ياقلب مالك عاى مركاضهم لو .. صفوا =والشرهه اللي بعوجك تنتهي بك .. رضاي
هو من متى الراحلين يقال عنهم لفوا = حتى تداري على وحشه وغربة.. مساي
البارحه يومهم ... ضجوا ... بعيني طفوا =والبارحه ياكثر... ماطوحتهم ... وراي
واغضيت طرف الملام ولاقريت"اخلفوا"= وكتبت لجل الطريق:الجرح بعضه دواي
يوم انه البرد.. اوقدت الضلوع و دفوا= ويوم انه الصدق.. اشرفت النقا في غلاي
ياكثري لايضيرك كان منك غرفوا = ياكثري والبحر كبرك.. وكبره.. وفاي
ماهو بـ همي عفوا ولاعسى ماعفوا = همي بروحي "هبوووب" وهذا اكبر بلاي
الارض هذي لهم صاحين ولاغفوا = اما السما خلهم ينسون هذي سماي[/poem][/align]

[ليث]

صح لسااااااااانك هبوب شماااليه ولاعدمناااااااااااك

[هاجس]

هبوب قصيده جدا رائعه


بس انا ارجوك رجاء خاص انك ماتترك المنتدى

اختياراتك دايم رائعه من اقرا اسمك على طول ادخل الموضوع

لاني متأكد ان فيه شي جميل بكتاباتك

اذا اللي اشرت له مايستاهل حنا اعضاء المنتدى نبيك ونستاهلك

لاتطنشني ارجع

[رفحاوي]

صح لسانك ...

اذا مسجل عشان شخص المفروض انه هو اللي يتمسك بك خاصة وانه داري ...

عموما الله يستر علينا وعليك ...

[الافندى]

[poem=font="Simplified Arabic,4,black,normal,normal" bkcolor="tomato" bkimage="" border="double,4,black" type=0 line=0 align=center use=ex num="0,black"]
الوقت غربه وآخر الدرب عنوان=والعمر رحله والتجارب رحايل
وانا كثر مالي من الناس خلان=اللي صفولي بالشدايد قلايل
مرات ربك يرزقك خوة انسان=غالي ويسوى في عيونك قبايل[/poem]

[نزيه]

الارض هـذي لهـم صاحيـن ولاغفـوا
اما السما خلهـم ينسـون هـذي سمـاي
هذا البيت عن قصيده لحاله صح لسانك وعسى ماشر

[الدب الداشر]

صح لساانك حجي هبووب ..


ومثل ما قاال هااجس

هبوب قصيده جدا رائعه


بس انا ارجوك رجاء خاص انك ماتترك المنتدى

اختياراتك دايم رائعه من اقرا اسمك على طول ادخل الموضوع

لاني متأكد ان فيه شي جميل بكتاباتك

اذا اللي اشرت له مايستاهل حنا اعضاء المنتدى نبيك ونستاهلك

لاتطنشني ارجع

ارجع ..