يابنت كبي شاربه شان فاله^^^مالك وماله مكسبه بردة الحيل

**زين تصفيح** · 30 Sep 2005, 09:35 PM

الأعضاء والزوار الكرام

تحية طيبة ,,,

أقدم لكم قصيدة للشاعر(فرج بن سعد السبيعي) ينصح المدمنين على الدخان.

وأجدها فرصة مناسبة مع قرب الشهر الفضيل للمبتلين بهذه العادة بالإقلااااااع...

وإليكم القصيدة :

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياشارب الدخان مالك وماله=اقطع شرابه واتركه للمهابيل

اعزم على قطعه واترك مجاله=تلقى بداله بأشقر البن والهيل

خله لطاف النار يحرق رياله=كيف الهدس ماهوب كيف الرجاجيل

عليك بالمسواك راك بداله=ترضي به المعبود عدل عن الميل

تعلم القرآن في كل حاله=تعلمه بالحفظ واقره بترتيل

من يشرب الدخان ما عز جاله=حتيش لو يمدح ويذبح من الحيل

معدوم عز ويشريه من هباله=من غاز دخانه دموعه هماليل

من طاحبه مغرور لو طال باله=يجلب قرين السو ويزيد تظليل

عزي لمن مثله يضيع حلاله=غير الخساره منزله وادي الويل

يابنت كبي شاربه شان فاله=مالك وماله مكسبه بردة الحيل

حتيش لو يزمر وينكس عقاله=الريح شين وقل مابه محاصيل

عز الرجال سلومهم بالشكاله=هبَات ريح ويتعبون المعاميل

هذا وصلى الله عدد مانساله=على نبي بتل الحق تبتيل [/poem]_________________________________________
وسلامتكم...

**ليث** · 01 Oct 2005, 12:35 AM

صح لساااااااانك ولسان فرج..........

**جرواني** · 01 Oct 2005, 10:27 AM

[align=center]وانت سالم صح لسانك و لسان ابو سعد[/align]

**أرسلان** · 01 Oct 2005, 01:55 PM

يقول العواجي يرثي ولداه ويذكر فضل الدخان عليه

حيث يذكر أن كبده كادت تتقطع من الألم لولا معالجتها بالغليون

يقول في قصيدة طويلة الشاهد فيها هذا الشطر

( كبد نعالجها بعوج الغلاوين )

ويقول الأمير عبدالله بن رشيد بعدما طرد من حائل ( الشاهد في القصيدة )

الشاوري بالكيس والنار حية

ويقول الرويلي

طس السبيل من أصفر التتن طسه ...... الشاوري ( يجلى ) عن الكبد عله

لاحظ كلمة يجلى

**رفحاوي** · 01 Oct 2005, 02:28 PM

زين تصفيح

صح لسانك ولسان الشاعر

المشكلة عند بعض اهل الشمال للتدخين قيمة ورمز للرجولة ...

**زين تصفيح** · 01 Oct 2005, 03:26 PM

صح بدنك ليث

أشكر لك كريم المرور...

**زين تصفيح** · 01 Oct 2005, 03:27 PM

صح بدنك جرواني

وانت سالم وغانم

**زين تصفيح** · 01 Oct 2005, 03:33 PM

الأخ راعي الطافحة ...

ويقول بندر بن سرور:

شي بقلبي واهجه مستمري***لولا أزرق الدخان يطفي لهيبه

سلط على الدخان لوهو مضري***له حزة مثل احتكام المصيبة

______________

الله يعصمنا عن الدخان

شكرا راعي الطافحة على المرور والمشاركة...

**زين تصفيح** · 01 Oct 2005, 03:36 PM

رفحاوي

صح بدنك

والله يستر

مرور عطر

مافيه ريح دخان...

**الدب الداشر** · 07 Oct 2005, 03:07 AM

صحححححححححح لساانك ولساان الشاااعر يا زين الذووووووووووووق

**زين تصفيح** · 07 Oct 2005, 07:23 PM

صح بدنك

يا كل الذوق

سرني مرورك يادبي العزيز

**سهرانه** · 16 Oct 2005, 02:39 AM

[align=center]
سلمت يداك زين تصفيح
قصيده حلووووه

[/align]

**أبوالنكبات** · 16 Oct 2005, 03:04 AM

[align=center]اخوي زين تصفيح سلمت أناملك على النقل المميز ,,,

وقانا الله وياكم من الداء الخبيث كم واحد راح ضحيه

من سبب الدخان بالملايين الله يعصم شبابنا عنه ,,
[/align]

**زين تصفيح** · 19 Oct 2005, 05:37 AM

سهرانة

مرور حلووو

______________

ابو النكبات

الله يكفينا شر الدخان

والنكبات...

شكرا عالمرووور

آخر المشاركات

الموضوع: يابنت كبي شاربه شان فاله^^^مالك وماله مكسبه بردة الحيل

أدوات الموضوع

تقييم هذا الموضوع

عرض

العرض المتطور

يابنت كبي شاربه شان فاله^^^مالك وماله مكسبه بردة الحيل

مواقع النشر (المفضلة)

مواقع النشر (المفضلة)

ضوابط المشاركة