أبأمشي وراسي فوق وأميل عقالي

[ابوجمال المنيس]

[align=center]أهداء إلى الشيخ : جليل الحلاف وجميع الشرفاء(1)
هذه القصيدة قلتها بانتخابات مجلس الامه الكويتي عام 1996 عندما تحالفت شمر ومرشحها فهد سعد اللافي والظفير ومرشحها جليل مثقال الحلاف[/align][poem=font="Simplified Arabic,5,black,bold,normal" bkcolor="transparent" bkimage="backgrounds/4.gif" border="solid,4,gray" type=1 line=0 align=center use=ex num="0,black"]

أبأقرا تبارك والتكاثر و الأنفالي = وأبابني بيوتٍ حسب فكري إمفصلها
ولكن من الصدمه غشى الصمت وإنجالي = و أبأقول يالله سالفتنا إتجملها
ويعجز القصيد يوضَّح الواقع الحالي = وتعجز القلوب تبيّن اللي بداخلها
ويعجز اللسان ويعجز القيل والقالي = وتعجز العيون إتشوف شىءٍ يهولها
لأجل ما نشوف الغبن والمر و الحالي = ولا الميته يطلع لنا من يحللها
زمانٍ به الأول رجع يتبع التالي = به آجالنا نطلب من الله يعجلها
عليكم ياهل غرب البلد شيلها مالي = سفينه عجز ربانها لا يوصلها
إذا صالح المبغض تعادا له الغالي = سعى كثر ما يقدر عجز لا يعدلها
وبغينا نلم رجال في قلب رجالي = لحتى نلم أصواتنا ما نفللها
ونسوي لنا مثل أكثر الناس منزالي = لو إن الدروب قصار قلنا نطولها
وبدت شمر أهل الضيف والجار والجالي = تناخا وجت شيبانها قبل جاهلها
تناخا تبي يطلع مع الخيل خيّالي = وأنا أخايل إعصورٍ مضت وأتخيلها
ونصينا الرجال اللي لها موقفٍ عالي = بني عمنا الظفران نشكر فعايلها
رجالٍ لها مني تحيات وإجلال = لزومٍ على فعل المروه إنبجلها
لكم يا جليّل نرفع الصوت بالعالي = هل البيت الأول فعلها ما ينّزلها
لها حق تفخر فعلها مضرب أمثالي = فدت في ولدها جارها من يعادلها
وأنا شمري وأبوي الأول مثل خالي = نموت فقرا وأرقابنا ماننزلها
أبأمشي وراسي فوق وأميل عقالي = ودحوش الرجال يجي لها من يعقلها
واللي شذ عن درب العزيزين ختالي = من أي القبائل لابته ما يمثلها
دنوعٍ علىريح الدنانير و ريالي = يشم الدسم وخشوم الأعداء يقبلها
وتزول الرجال وعزالأجواد مازالي = نقول القصيده والمواقف نسجلها
وختام القصيدة قبل أصوت بالأطلالي = بقت سالفه لازلت ماني بقايلها
وإذا وضعنا المقبل مثل وضعنا الحالي = ابا ارجع لكم نفس القصيده من أولها[/poem]
[align=center]عقيل سعود المنيس الشمري[/align]

[جرواني]

[poem=font="Simplified Arabic,5,black,bold,normal" bkcolor="transparent" bkimage="backgrounds/4.gif" border="solid,4,gray" type=1 line=0 align=center use=ex num="0,black"]
وبغينا نلـم رجـال فـي قلـب رجالـي=لحتـى نلـم أصواتنـا مــا نــفللها
ونسوي لنا مثل أكثر النـاس منزالـي=لو إن الـدروب قصـار قلنـا نطولهـا
وأنا شمري وأبوي الأول مثل خالي = نموت فقرا وأرقابنا ماننزلها
أبأمشي وراسي فوق وأميل عقالي = ودحوش الرجال يجي لها من يعقلها
[/poem]
[align=center]

صح لسانك ابو جمال

يسرني اول من يوقع هنا

الظفيري ولد عم الشمري

وماهو غريبه التحالف بينهم
[/align]

[الدب الداشر]

صح لساانك يا ابوجمال

وافي وقصيدة وافيه

ونعم بالظفران ونعم بشمّر

[ابوجمال المنيس]

الاخ العزيز جرواني
صح بدنك والمشاركه المباركة التي تنال رضاك وتتشرف بمرورك الكريم وانت دائما سباق للعلوم الغانمه.
تقبل شكري واحترامي . ابو جمال المنيس

[ابوجمال المنيس]

الاخ العزيز الدب الداشر
صح بدنك واما من ناحية الوفا فنحن نستمده منكم .
لك مني جزيل الشكر والاحترام ابو جمال المنيس

[ابن عايش]

ابو جمال القصيدة ما تحتاج اي تعليق الانه تمدح نفسه بنفسه والله لا يحرمنا من مشاركاتك الثرية بهالعلوم اللي ماوراه الا الطولات والعلم الغانم................والنعم والله بأخواننا الظفران.

[saad saif]

الاخ الغالي ابو جمال المنيس

اينما تحل يحل الابداع

لك اجمل تحيه ايهاالرائع

[ابوجمال المنيس]

الاخ العزيز ابن عايش
الف شكر على هذا الاطراء والذي اتمنى ان اكون استحقه لك كل الود والمعزه
ابو جمال

[ابوجمال المنيس]

الاستاذ سعد سيف
الف هلا ومية مرحبا باسمي وبالنيابة عن جميع منتسبي منتدى رفحا ارفع اجمل ايات الترحيب بالاستاذ القدير سعد سيف وهذا شرف كبير لي ان يكون اول مشاركة لك بهذا المنتدى هو الرد على مشاركتي .
فهلا وغلا ومية مرحبا واتمنى من كل عضو بهذا المنتدى يرحب معي باخي الاعزيز سعد سيف .
ابو جمال

[ابو مشعل]

صح السانك وقصيدة وافيه كافية


ابو نسب الظفير وليس الظفران

[ابوجمال المنيس]

الاخ العزيز ابو مشعل
صح بدنك والقصيدة المبروكه التي تتشرف بردك عليها .
تقبل فائق الشكر والاحترام . ابو جمال المنيس