قصيدة في رفحاء

[ضيف راعي محل؟]

هذي قصيدة للشاعر : عبدالسلام التويجري

قالها في افتتاح أمسيته في ملتقى رفحاء أرجو أن تعجبكم

إلهي هد من روعي وخفف رهبة الجمهور ***** ووفقني إله الكون لامنَّه وصل دوري

ثلاث أيام من بين الخلايق كني المطيور***** مع الناس وماني معهم وكني فاقد شعوري

ابضبط راسي بفنجال هيل وشاهي(ن) محكور ***** وأحط الشكر فالدلة وأحط الهيل فالغوري

بعض ربعي يقول إني سكير وبالهوى مخمور ***** خذا عقلي حلا سارة أو إني مغرم بجوري

وأنا ماهمني زين العذارى الفاتنات الحور ***** أنا همي أمتِّع واطرب الجمهور بسطوري

أنا همي أحقق في ميادين القصيد حضور ***** وأدخل دوري الشعّار وابدع وأكسب الدوري

وأنا شاعر ولي بصمة ولاني يالربع ديكور ***** ولابي زين( ابن عيّاش) ورزة (وائل كفوري)

صحيح اللوك مايخدم ولكن شاعر(ن) مسعور ***** مسخر كل شياطين القصيد وشورهم شوري

تحت أمري لو آمرهم بنيت من القصيد قصور ***** وابتعبهم مدام أسمع صدى تصفيق جمهوري

(مدامي بين أهل رفحا بصير الشاعر المشهور ***** مدامي بينهم ماظن والله ينطفي نوري )

وأنا بقول ماعندي وأخبره كل أبوه قصور **** واليا منه حصل تقصير سوري يالربع سوري

وســـــــــــــــــــــــــــــــــلامتكم
+
+
+

[الخمساني]

صح لسانة
قصيدة رائعة
مشكووووووووور اخوى

[ضيف راعي محل؟]

صح بدنك أخوي الخمساني
أنت الأروع

[القروي]

بسم الله الرحمن الرحيم
عساء ماينطفي نورك انت واياه .

[ضيف راعي محل؟]

ونورك أخوي القروي
أشــــــــــــــــــــــكرك على الاطلاع والرد والله لا يهينك.

[سهرانه]

[align=center]
سلمت يداك ضيف راعي محل؟

وذوق راقي في الاختيار

القصيده روووووووعة



[/align]

[مبارك السويدي]

قصيده جميلة ياخوي والله يعافيك

[ضيف راعي محل؟]

أختي سهرانة :
ذوقك الأرقى وأشكرك على المرور .

[ضيف راعي محل؟]

أخي الضغط العالي :
أو بالأصح الذوق العالي هههههههههههه
أشكرك أخي على المرور وأشكرك على التعليق .