مرثية ذيب الشمري في المرحوم بإذن الله نواف منور العازمي

[ولد عطا]

لاشك ان الساحه الشعبيه فقدت في يوم الاربعاء الماضي 7/9/1428هـ الشاعر / نواف بن منور العازمي شاعر المحاوره الاول بالكويت وقد رثاه الكثير من الشعراء، رحم الله الشاعر نواف العازمي
واختار لكم هذه المرثيه الصادقه من صديق دربه الشاعر / ذيب الشمري


هذة مرثية ذيب الشمري في المرحوم بإذن الله نواف منور العازمي






كن الخبر رمـحٍ تخلـل ضلوعـي
رمح الفراق اللي للاعمار قصّـاف
صحيح ماهو واحدٍ مـن ربوعـي
مير الوفا فوق الطوايف والاطياف
شقيق فكري في بدايـة طلوعـي
اخوي في حكم العوايد والاعـراف
بين الصفوف الحاميه والجموعـي
ياما لنا في ساحة الشعـر ميقـاف
بالقاف يضربني على راس كوعي
واضربه مابين الحجاجين بالقـاف
على الشرف ندفع سلاح الدروعي
من شان تعزيز المواقع والاهداف
في علم ترويض الاسود الهجوعي
في ساحته صرنا مروّض وعساّف
حتى بدت تمشي بطوعه وطوعـي
والسبع راقي بالتعامل ليـا خـاف
واصبح حليفي بأتحـاد الفزوعـي
يوم الزمان اصبح مجاميع واحلاف
من سنة الرحمن مانـي جزوعـي
لكن معي قلبٍ من الـود شفـاف
حفظ الصداقه من جواهر طبوعـي
اموج بالذكرى شـراعٍ ومجـداف
ادفع ضرايبهـا ولانـي منوعـي
مااظمها في خاطري شكل وغلاف
عليه من جوع الغلا زاد جوعـي
ماهو مثل جوع البهايم للاعـلاف
جفت ينابيعي ويبْسـت زروعـي
عشرة عمر نسيانها ظلم واجحاف
وفي حين صلينا عليه بخشوعـي
وحطوه في قبرٍ فصال اربع اطواف
اقفوا وانا عنده تـذارف دموعـي
اخر رجل واقف على قبر نـواف
يامن لحكمك معلنيـن الخضوعـي
انت الكريم وتكرم الضيف لا ضاف
عبدك وضيفك في مقـامٍ يروعـي
عن رحمتْك ماله وساطات واسعاف
يالله لاتحصـي عليـه الوقوعـي
في ما نهيت وشفت والغير ماشاف





رحم الله الفقيد واسكنه فسيح جناته

[همّام]

رحمه الله وتجاوز عنه
وصح لسان الشاعر ذيب الشمري
وشكر لك أخي ولد عطا

[المديرالسعودي]

ولد عطا
شكرا لك
وشكرا لمن القى

[القروي]

الحمدلله
رحمه الله وتجاوز عنه
وصح لسان الشاعر ذيب الشمري
وشكر لك أخي ولد عطا

[الدب الداشر]

الله يرحمه ويتقبله ..


وصح لسانك ولسان ذيب مدح روحه أكثر من المرحوم نواف

بالقاف يضربني على راس كوعي
واضربه مابين الحجاجين بالقـاف