مفلح مالقاء وظيفة 00قصيدة9

[الدكتور غيم]

[align=center]

مسكين مفلح مالقاله وظيفه
................... وظيفته عد الشوارع بالامتار
رجال لكنه عجز عن صحيفه
................... شهادته فيها دواوير واصفار
والوقت هذا مايقدر ضعيفه
................... دينار يسريبه ويضويه دينار
ومفلح فقير والمواسم كليفه
................... واسواق مكه كلها اسعارها نار
يبغى الزواج ولاتوافق لطيفه
................... ماعندها استعداد تسكن مع الجار
تبغى مثل قوم القصور المنيفه
................... ماودها تعلق ثيابه ف مسمار
والا تبا زوج ثيابه شفيفه
................... خده شبر وعيونه دعاج وكبار
تبغاه حتى لو عيونه كفيفه
.................. لو انه حمار وابو جده حمار
ومفلح يدور مالقى له رغيفه
.................. لاهو ولد تاجر ولاهو بسمسار
رجال عيبه بس يده عفيفه
.................. مامدها في موقف الذل والعار
وده يحصل له وظيفه نظيفه
.................. وكل الوظايف دونها ارقام واسرار
مسكين مفلح كل وقته خريفه
.................. هذا اذا مفلح لقى ظل واشجار !!
والا ترى مفلح علومه ظريفه
.................. وافي مع الوافين وان صار ماصار
مايشرب الا لين يشرب رديفه
.................. ولاياكل الا لادعا صاحب الدار
سوالفه ماهي سوالف خفيفه
.................. وحكايته فيها مواعظ وتذكار
تعب يدور له حياة شريفه
.................. ويعف نفسه عن مخاواة الاشرار
وبعد التعب قالوا: بنى له سقيفه
.................. واخذ معه دله قديمه ومزمار
وعقبه: سمعت انه لقى له وظيفه
.................. محجوزة في عنبر ثنين بشهار[/align]

[align=center]تحذير:القصيده منقوله وليست من قصائدي وهي تعبر عن الواقع[/align]

[الدب الداشر]

ههههههههههههههههههههههه


شكل اللي كاتبها شايب ..

[رايح بس راجع]

مسكين يا مفلح مالك شوكه وسكين..... غيرك يقطع وياكل وبها الدنياا عايشين

[غدير الموت]

صح لسان قايلها ولاعدمنا ناقلها

[ذويبان11]

يعطيك العافيه دكتورنا

[الدكتور غيم]

[align=center]اشكر الجميع على المرور والحضور والمشاركه والتعليق[/align]

[شامي الدهيمان]

يعطيك العافية على النقل

تسلم

[khaled980]

الله المستعان