إلى عشاق الصحراة وهواة الصيد !

[طلال الشمال]

[ALIGN=CENTER]بسم الله الرحمن الرحيم

إلى أعضاء منتدى رفحاء
اسعد الله مساءكم [/ALIGN]
وتقبل الله منا ومنكم صالح الاعمال

وبعد

الى عشاق الصحراء وهواة الصيد هذه الايام

والى من يحب هذا النوع من الشعر

أهدي هذه القصيدة اتمنى ان تعجبكم

وتقبلوا تحياتي ..



راكـب الـلـي كــن زولــه زول ذيــب
ان نطحـتـه .. وان قفيـتـه مـــن ورا
وان عرض لك قلت مابالوصف ريب
جـنـب ذيــب ٍ لاحـقـه جــوع وعـــرا
شاصـي التصميـم لانـد كـروز جـيـب
مايـبـيـعـه مــــن شـــــراه لـيــاشــرا
مايبـيـعـه غـيــر مـــردي الـنـصـيـب
او مــن يـحـده عـلــى قـروشــه زرا
مـايـهــمــه لانـــفـــود ولاجـــذيــــب
ولا الطلـوع الـلـي مـثـل طلـعـة كــرا
لاهمـزو قيـر أدبلـه .. جـالـه نحـيـب
مـثـل مــن ميـتـه عـلـى بـالـه طـــرا
نـاحـل الاطــراف تصميـمـه عـجـيـب
مــع سـمـاح الــدرب مشـيـه بخـتـرا
كـــن جــــرات الـربـابــه بالـسـبـيـب
صـــوت مــاطــوره لـيـامـنـه ســــرا
نـحـروه اللـيـل مــع وقــت المـغـيـب
الثنـيـن الـلـي عـلــى الـعــز أقـصــرا
ماعلـيـه الا صحـيـب ٍ مــع صـحـيـب
بالملح .. والزاد .. والطيب .. خشرا
ماعليهم مـن بسيـط .. ومـن صعيـب
بــالــدروب .. وبـالـمـحـلات خــبــرا
ودهـــــم مـايـمـرحــون الا قــريـــب
مـــن مـكــان ٍ تـقــل لاجـــوه ومـــرا
مـن شعـيـب يحـدرونـه مــع شعـيـب
والفـضـى مشـمـوس والـديـره ثـــرا
ديـــرة ٍ ربــــي لـهـلـهـا مسـتـجـيـب
كــل وادي مــن فـضـل ربـــي جـــرا
جوهـا مـن صـادق الوسمـي عشيـب
لـلـحـبـاري والـقـطــا فـيـهــا حـــــرا
نبـتـهـا يـفــوح كـنــه فـــوح طــيــب
مـاتـصــدق بـالـلــي عـيـونــك تــــرا
والله ان عـمــاس راســـي مايـطـيـب
ولا يـطـيــب الــــزاد ويــلــذ الــكــرا
غيـر لا رقبـت النبـاء مـثـل الرقـيـب
ونـمـت فيهـاايـام لـــو شـــح الـــذرا
بالخصـوص لياصـدف جــو ٍ رهـيـب
وقمت ادوج مـن الفيـاض الـى القـرا
فــوق جـيـبٍ كــن زولــه زول ذيــب
ان نطحـتـه .. وان قفيـتـه مـــن ورا

[شارع 20]

اللة يعطيك العا فية قصيدة طييبة

[طلال الشمال]

مشكوور على ردك الجميل

[الـرقـعـي]

طلال الشمال

الله يرج عدوك

هيضتنا والله مابين عيوني الا شعبان اعيوج وفيحان

والفياض اللي انت خابر

اللللللللللللله يازين طلعتن بهن

اف



تحية

[طلال الشمال]

مشكووووووووووور على ردك الجميل