هذا انا وصلت بحمد الله

[السيل]

السلام عليكم ورحمة الله وبركاته

كنت مار من هنا ... ولقيت ناس متجمعين واخذني الحماس ابي اشو وش السالفة ...شفت السالفة وقلت ابي ادلواااا بدلوي <<== عربي فصحي مدري الاملاء صح والا لا ..

قالوا تسجيل سجلت وعلى طول جبت قلم ابو نص ريال ابي ارد على الاعضاء ... لقيت واحد واقف لي بالعجره ... يقول انتظر تفعيل التسجيل ههههههههههه يالطيب يالحبيب ..

المهم الآن لي يومين او ثلاثه .. بس الحمدلله وصل التفعيل لقيته في الشريط المتحرك في قناة العربية
(( خبر هام )) ايها السيل لقد تم تفعيل اشتراكك عند ابو عجره في منتديات رفحاء

وجيتكم اطامر

يالله وين الترحيب ؟؟؟ وين القهوه ... وين كون زون ههههه <<== يحسبه تمر

اتمنى اكون خفيف دم على قلوبكم ... والله يوفق الجميع

[السيل]

بسم الله علي ؟؟ تشوفوني والا محد شايفني .؟؟؟

اشوف محد رحب فيني ... بداية ........ نقول تبشر بالخير ان شاء الله ... لي اربع وعشرين ساعة المشرفين والاعضاء يمرون ولا يقولون حياك ... والله غريبة يا اهل رفحاء ما توقعتها منكم ....

[رفحاوي]

وعليكم السلام ورحمة الله وبركاته

حياك الله اخوي بمنتداك
والربع جايين يرحبون بك ان شاء الله
بس مثل ما تعرف كلهم بالحرس وجاهم خبر الراتبين
وراحوا يصرفون الفليسات

تقهو

[السيل]

هلا هلا هلا رفحاوي ...

والله اليوم كنه العيد يومنك رحبت فيني ...

الله يجزاك خير ويجبر بخاطر مثل ما جبرت بخاطري ==>> ماهو مصدق فاقد امل بالترحيب

والله اني جيب قبل الرويتبات والفليسات وقبل بعض الاعضاء اللي رحبتوا فيهم ... واشرهه على همام يومنّه يسلم على فلان وفلان ويرحب ويمر من عندي كنه شايف جدار .... لحوووول


الف شكر اخوي اتمنى لك التوفيق ...

[salah]

الف هلا وغلا اخي العزيز السيل
سعدنا بوجودك
ونتظر ان نجدك بمشاركاتك بيننا

دمت

[همّام]

وعليكم السلام ورحمة الله وبركاته

حياك الله وأهلا بك
لك حق تشره اخوي السيل والمعذرة اعتقدت أني رددت عليك والعذر والسموحة منك
ومحشوم عن عن الجدار ,, لان العيب في أنا إذ لم أرحب ,,, وليس فيك أنت