يــــــــــاوطــــــــــنـــا

**الوااايلي** · 29 Mar 2005, 10:03 PM

مقدمه:الاهداء له وحده

كيان شامخ ::::::: اجبرنيى على العودة والمشاركه

وطن يستحق التضحيه

ياقصيدي تحيزم واتك تكية عقيد
دون ربعه ثنى الركبة وثارفشقه

العدا من فعوله ياجريحٍ طريد
ياشجاعٍ من اقبل بالرصاص رشقه

ياقصيدي نخيتك يازعيم القصيد
جمّل الشاعر اللي جادلك بعرقه

هات لي من طواريقك رخيم النشيد
وسق سحاب المعاني من عروقي سقه

ماني الشافعي حتى استحي من لبيد
شاعرٍ غصب عني والقصيد اعشقه

قبلي حسان ثابت كان شعره فريد
فوق كفار مكة نيشنه واصلقه

ياوطنا فديتك عل عمرك مديد
يامداد الفخروالمجد يامشرقه

انت لك بالمعالي مجد ماضي تليد
من نزل وحي ربي والرسول نطقه

من ترابك تحرّك خالد بن الوليد
لين جيش النصارى واليهود سحقه

ياوطنا فديتك والسعد له رصيد
يوم عبدالعزيز بناظريه ارمقه

انتخى والعبيّا ثوّرت بالصعيد
لين ربي نصَرْه وللحكم وفقه

وحّدالدار واعتق من كرَمه العبيد
يرجي الله بقبره من لظى يعتقه

وعقب طبخ الجراد وعقب بني الجريد
صرنا نبني عماير ونتحسى مرقه

لادخل جامعات ولاتعيّن معيد
ولّفوا 1000منهج من درر منطقه

وياسلامي على اللي حبهم بالوريد
وقدرهم بالمحاني وردته مورقه

الملوك العريبة جد وابن وحفيد
نسل (عنّاّزنا )اللي ماثنى بندقه

مايفك الحديد الا فهد والحديد
وشارب اللي يبالط بالحدب نحلقه

اشهد انه محنك ذو قرارٍ سديد
لانفتح باب فتنة سكّره واغلقه

وآبومتعب عضيده نعم نعم العضيد
جل منهو عطاه وجل منهو اخلقه

لابغيته رفيق ولابغيته شديد
للعدوماأشده للخوي مارفقه

وآبوخالد لحاله بالعطايا وحيد
منهو يحصيلنا اللي جادبه وانفقه

ياوطنا تتدلل واطلب اللي تريد
دام ربي مكانك ميّزه وافرقه

عل منهو يكيدك ربنا له يكيد
وعل منهو نوابك نيّته تلحقه

وعل يرجع ويندم كل غاوي بليد
عن سماع الهدى والحق صابه صقه

يحسبنه ليافجّر توفى شهيد
أمحقه من توجه أمحقه أمحقه

ياوطن ماعليك من الخبل والعنيد
كل مقرود لازم حظه ينتّقه

ياوطنا تدلل عل عمرك مديد
يامداد الهدى والحق يامشرقه

صغتلك ياوطنا من ضميري قصيد
شاعره يفتخر به يوم جف عرقه

الشامخ:حسين البليهي

**رفحاوي** · 30 Mar 2005, 09:51 AM

والنعم بعنزة وال سعود ...

صح لسان الشامخ / حسين البليهي

**ليث** · 02 Apr 2005, 01:37 AM

صح لسااااااانك الواااايلي

**نزيه** · 04 Apr 2005, 01:05 AM

اهلين حسين البليهي قصيده رائعه منك يمكن ماعرفتني بالاسم هذا لكن مالك نية مسيار والف شكر على المشاركه الرائعه

**الحبوبه** · 08 Apr 2005, 06:04 PM

[align=center]لاتزال في المقدمه الوااايلي
دمت لمحبي الشعر في هذا الموقع[/align]

آخر المشاركات

الموضوع: يــــــــــاوطــــــــــنـــا

أدوات الموضوع

تقييم هذا الموضوع

عرض

العرض المتطور

يــــــــــاوطــــــــــنـــا

مواقع النشر (المفضلة)

مواقع النشر (المفضلة)

ضوابط المشاركة