نوبٍ خفير ونوب بايع بليلة .. قصيدة في رفحاوي

[الدب الداشر]

السالفة وما فيها .. غموض بعض تصرفات رفحاوي بالنسبة للي يجهلونه ..

وهالقصيدة جت في هالموضوع .. وحبيت أحطها بمنتدى الشعر لكم ..

http://www.rafha.com/vb/showthread.p...ewpost&t=22870

مثل المطر للغيم ثقلك وخفــّــك
رجلٍ ثقيل وفي سوالف ثقيلة
نوبٍ شروق الشمس يشرق بـصـفـّـك
ونوبٍ غموض الليل منك دليله
فطنٍ نبيه وصعب لأحدٍ يتـفــّـك
إلا .. ليا جت من سموّ الـ " حليلة "
تضف (( بربكتك )) قـبــل لا تضـفــّـك
وتصير شلخات السوالف جزيلة
أتحيّـر الجاهل ويقلب ملـفـــّــك
وأتضحك العاقل وتصبح دخيله
أقول كفك وأرجع آقول كفـّـك
نوبٍ خفير ونوب بايع بليلة

[رفحاوي]

[align=center]بايع بليلة ...

صح لسانك ...

اشوى اللي علمتن انه بسبب غموضي ...

بغيت احفظه احسبه مدح ...
[/align]

[ليث]

صح لساانك

ورفحاوي فيه من العجايب عد واترك

[الدب الداشر]

الغموض بالنسبة للي يجهلون رفحاوي ..
واللي فيهم الشطر هذا ..
" أتحيّـر الجاهل ويقلب ملـفـــّــك " ..

لا تقلب ملفي أنت عاد ..

[الدب الداشر]

ليث .. رتــّـب رفحاوي .. وشل منه الدفاشة .. يطلع لك .. شخصية تاريخية ..

[صمت مغتربة]

صح لسانك ياداشر ...

واستاذ رفحاوي ..يستاهل قصيدة بحجمه ومقداره ...

اما غموضه بالنسبه لي واضح وضوووح الشمس ...


شكرا لك يالدب

تحياتي
صمت مغتربه

[القروي]

نوبٍ شروق الشمس يشرق بـصـفـّـك
ونوبٍ غموض الليل منك دليله

الحمدلله
رفحاوي لغز محيّر لايوجد له حل !
مثل هبايب الصيف احياناً معتدلة واحياناً مثيرة للأتربه والغبار واحياناً قليله هاديئه !
رفحاوي احياناً صديق وسرعان (ماينط بحلقك)!
اذا غاب سألنا عنه واذا حضر تهاوشنا معه !
حتى في الاشهر الحرم !
رفحاوي مثل المطر الي يستغيثون الناس يطلبونه واذا جاهم سيله فرّوا لأعلى مرتفع منه !
ويبقى رفحاوي صديقنا مهما اختلفنا معه ولولى اختلاف الاعضى لما تحرّك المنتدى لأصبح جامد لكن يجب ان يكون الاختلاف حول الموضوع لاواضع الموضوع ولكل وجهة نظره
شكراً يالداشر الا على فكره كنت قبل داشر لاكن هلحين معلّم ياترى ماتغيّر هالنك بالشاعر ؟!

[الدب الداشر]

صمت المغتربة ..
نوهّت وبالأخط الأحمر في صدر الموضوع الأساسي .. عن الشرط .. وقلت وهم من يجهلونه ..
والعفووو يا صمت

[الدب الداشر]

ههههههههههههههههههههههههههههههههه

حجي قروي .. رفحاوي حاجة عجيبة .. بس حلوة .. مثل المصارع اللي يكون جسمه قوي .. ودك تشوفه وهو يصارع بس ما ودك أنه يصارعك ..


صح بدنك وهذا تعبير عن شعور إتجاه الحجي ..

[أمواج الشرقية]

^^^^ لوووووووول علييك تشبيه ..

صح لسااااانك دبدوب .. ^_^

رفحاوي ما شاء الله عليه العمله الصعبة ومضيف للمنتدى نكهة ثانيه ..

أما عاد على غموضه .. ههههههههه أحيانا يخليني أفسر ردوده على كيفي ..

[الدب الداشر]

.. أمواج .. شكراً على المتح على قولة رفحاوي .. والمدح على قولة العرب ..
.
فعلاً رفحاوي عجيب .. وهو حبيب قلبي .. غالي علي حيل .. أما غموضه فهو اللي محلي رفحاوي له طابع خاص ..

وفيه البيت اللي أقول فيه ..
أتحيّـر الجاهل ويقلب ملـفـــّــك
وأتضحك العاقل وتصبح دخيله
.

أقصد فيه أن الجاهل يقرأ رفحاوي بالمقلوب وتصير المشاكل ..

أما العاقل فيضحك على المعنى المفتول .. ويجعل من رفحاوي دخيل له .. ويدافع عنه ..

هذا تفسير بيت واحد .. والبقية أنتظر رفحاوي يفسرها عن طريق شاعر من أقاربه الظاهر .. !!

[المديرالسعودي]

الدب الداشر
صح لسانك
دمت بود

[رفحاوي]

نوبٍ شروق الشمس يشرق بـصـفـّـك
ونوبٍ غموض الليل منك دليله

الحمدلله
رفحاوي لغز محيّر لايوجد له حل !
مثل هبايب الصيف احياناً معتدلة واحياناً مثيرة للأتربه والغبار واحياناً قليله هاديئه !
رفحاوي احياناً صديق وسرعان (ماينط بحلقك)!
اذا غاب سألنا عنه واذا حضر تهاوشنا معه !
حتى في الاشهر الحرم !
رفحاوي مثل المطر الي يستغيثون الناس يطلبونه واذا جاهم سيله فرّوا لأعلى مرتفع منه !

[align=center]
هههههههههههههههههه

الله يوسع صدرك يابو بسام ...
[/align]

[أبو هيا]

فطنٍ نبيه وصعب لأحدٍ يتـفــّـك
إلا .. ليا جت من سموّ الـ " حليلة "

ههههههههههههههههههههههههههههههههه مدري ليه تذكرت مدرسنا في راس تنوره اذا شك في كلام نوجهه له يقول سيم تو يو...مشكله هالشعراء يدفنون المعاني ويورطوننا

والله مافهمت هالقصيده..بس اذا هي مدح فالعمده رفحاوي يستاهل..واذا هي هجاء لا بالله عمدتنا مايستاهل...على العموم احتاج تفسير من دبدوب لهالبيت..

[الدب الداشر]

المدير السعودي .. صح بدنك يالغالي ..

أشكر لك تواصلك الدائم ..